অৰ্থানুবাদ ছুৰা ছুৰা আল-আলাক্ব - অসমীয়া অনুবাদ- আবু জুৱাইৰিয়া শ্বাইখ ৰফিকুল ইছলাম বিন হাবীবুৰ ৰহমান ৰিয়াজী - আল-কোৰআনুল কাৰীমৰ বিশ্বকোষ

ছুৰা আল-আলাক্ব

আয়াত: 1

اِقْرَاْ بِاسْمِ رَبِّكَ الَّذِیْ خَلَقَ ۟ۚ

পঢ়া তোমাৰ প্ৰতিপালকৰ নামত, যিজনে সৃষ্টি কৰিছে,

আয়াত: 2

خَلَقَ الْاِنْسَانَ مِنْ عَلَقٍ ۟ۚ

তেওঁ মানুহক আলাক্বৰ (ৰক্তপিণ্ডৰ) পৰা সৃষ্টি কৰিছে।

আয়াত: 3

اِقْرَاْ وَرَبُّكَ الْاَكْرَمُ ۟ۙ

পঢ়া, কাৰণ তোমাৰ প্ৰতিপালক মহামহিম।

আয়াত: 4

الَّذِیْ عَلَّمَ بِالْقَلَمِ ۟ۙ

যিজনে কলমৰ সহায়ত শিক্ষা দিছে।

আয়াত: 5

عَلَّمَ الْاِنْسَانَ مَا لَمْ یَعْلَمْ ۟ؕ

তেওঁ মানুহক এনে শিক্ষা দিছে, যিটো মানুহে জনা নাছিল।

আয়াত: 6

كَلَّاۤ اِنَّ الْاِنْسَانَ لَیَطْغٰۤی ۟ۙ

বাস্তৱ এই যে, মানুহে সীমালংঘন কৰি থাকে।

আয়াত: 7

اَنْ رَّاٰهُ اسْتَغْنٰی ۟ؕ

কাৰণ সি নিজকে স্বনিৰ্ভৰশীল বুলি ভাবে।

আয়াত: 8

اِنَّ اِلٰی رَبِّكَ الرُّجْعٰی ۟ؕ

নিশ্চয় তোমাৰ প্ৰতিপালকৰ ওচৰতেই প্ৰত্যাৱৰ্তন।

আয়াত: 9

اَرَءَیْتَ الَّذِیْ یَنْهٰی ۟ۙ

তুমি তাক দেখা নাইনে? যিয়ে নিষেধ কৰে।

আয়াত: 10

عَبْدًا اِذَا صَلّٰی ۟ؕ

এজন বান্দাক, যেতিয়া তেওঁ ছালাত আদায় কৰে।

আয়াত: 11

اَرَءَیْتَ اِنْ كَانَ عَلَی الْهُدٰۤی ۟ۙ

কি বুলি ভবা, যদি তেওঁ হিদায়তৰ ওপৰত প্ৰতিষ্ঠিত থাকে,

আয়াত: 12

اَوْ اَمَرَ بِالتَّقْوٰی ۟ؕ

অথবা তাক্বৱাৰ নিৰ্দেশ দিয়ে; (তথাপিও তেওঁক কেনেকৈ বাধা দিয়ে?)

আয়াত: 13

اَرَءَیْتَ اِنْ كَذَّبَ وَتَوَلّٰی ۟ؕ

তুমি লক্ষ্য কৰিছানে যদি সি (নিষেধকাৰী) অস্বীকাৰ কৰে আৰু মুখ ঘূৰাই লয়,

আয়াত: 14

اَلَمْ یَعْلَمْ بِاَنَّ اللّٰهَ یَرٰی ۟ؕ

(তেন্তে) সি নাজানে নেকি, নিশ্চয় আল্লাহে দেখি আছে?

আয়াত: 15

كَلَّا لَىِٕنْ لَّمْ یَنْتَهِ ۙ۬— لَنَسْفَعًا بِالنَّاصِیَةِ ۟ۙ

সাৱধান! যদি সি বিৰত নাথাকে, তেন্তে নিশ্চয় আমি তাক তাৰ আগচুলিত ধৰি টানি আনিম।

আয়াত: 16

نَاصِیَةٍ كَاذِبَةٍ خَاطِئَةٍ ۟ۚ

মিছলীয়া, পাপিষ্ঠ আগচুলি (কপাল)।

আয়াত: 17

فَلْیَدْعُ نَادِیَهٗ ۟ۙ

এতেকে সি (যদি) নিজৰ পৰিষদবৰ্গক (মাতিব বিচাৰে তেন্তে) মাতি আনক।

আয়াত: 18

سَنَدْعُ الزَّبَانِیَةَ ۟ۙ

অনতিপলমে আমিও মাতি আনিম জাহান্নামৰ কঠোৰ প্ৰহৰীসকলক।

আয়াত: 19

كَلَّا ؕ— لَا تُطِعْهُ وَاسْجُدْ وَاقْتَرِبْ ۟

সাৱধান! তুমি তাক অনুসৰণ নকৰিবা। তুমি (তোমাৰ প্ৰতিপালকক) ছাজদা কৰা আৰু (তেওঁৰ) নৈকট্য লাভ কৰা।