অৰ্থানুবাদ ছুৰা আল-আ'ৰাফ - চেৰকেচিয়ান অনুবাদ- ৰুওৱাদ অনুবাদ চেণ্টাৰ - পৃষ্ঠা নং 173 - আল-কোৰআনুল কাৰীমৰ বিশ্বকোষ

আয়াত: 171

۞ وَإِذۡ نَتَقۡنَا ٱلۡجَبَلَ فَوۡقَهُمۡ كَأَنَّهُۥ ظُلَّةٞ وَظَنُّوٓاْ أَنَّهُۥ وَاقِعُۢ بِهِمۡ خُذُواْ مَآ ءَاتَيۡنَٰكُم بِقُوَّةٖ وَٱذۡكُرُواْ مَا فِيهِ لَعَلَّكُمۡ تَتَّقُونَ

Абыхэм я щхьэщыгум бгыр пшэм хуэдэу щхьэщыдгъэуват, къатехуэн ягугъэу: "Къывэттам быдэу фытет, абы итри фигу къэвгъэкIыж, тхьэ шынагъуэ фхэлъынкIэ мэхъур"

আয়াত: 172

وَإِذۡ أَخَذَ رَبُّكَ مِنۢ بَنِيٓ ءَادَمَ مِن ظُهُورِهِمۡ ذُرِّيَّتَهُمۡ وَأَشۡهَدَهُمۡ عَلَىٰٓ أَنفُسِهِمۡ أَلَسۡتُ بِرَبِّكُمۡۖ قَالُواْ بَلَىٰ شَهِدۡنَآۚ أَن تَقُولُواْ يَوۡمَ ٱلۡقِيَٰمَةِ إِنَّا كُنَّا عَنۡ هَٰذَا غَٰفِلِينَ

Уи Тхьэм Iэдэм и бынхэм я тхыцIэхэм я щIэблэу къащIэхъуэнур зэуэ къыхишри я щхьэхэм щыхьэт хуигъэхъуахэщ: "Сэракъэ фэ фи Тхьэр?" ЖаIащ: "Уэращ, щыхьэт дохъур". Ар къемэт махуэм жывмыIэн папщIэ: "Дэ абы зыри хэтщIыкIтэкъым"

আয়াত: 173

أَوۡ تَقُولُوٓاْ إِنَّمَآ أَشۡرَكَ ءَابَآؤُنَا مِن قَبۡلُ وَكُنَّا ذُرِّيَّةٗ مِّنۢ بَعۡدِهِمۡۖ أَفَتُهۡلِكُنَا بِمَا فَعَلَ ٱلۡمُبۡطِلُونَ

Е жывмыIэну: "Ар ди адэхэращ ипIэкIэ гъусэ хуэзыщIахэр, дэ абыхэм я щIэблэу иужькIэ дыкъэкIуауэ аращ. ПцIым кIэлъыкIуахэм ящIам щхьэкIэ дэри дыхэбгъэкIуэдэну ара?"

আয়াত: 174

وَكَذَٰلِكَ نُفَصِّلُ ٱلۡأٓيَٰتِ وَلَعَلَّهُمۡ يَرۡجِعُونَ

Апхуэдэурэ нэщэнэхэр гурыIуэгъуэ яхудощIыр, къагъэзэжынкIэ мэхъур

আয়াত: 175

وَٱتۡلُ عَلَيۡهِمۡ نَبَأَ ٱلَّذِيٓ ءَاتَيۡنَٰهُ ءَايَٰتِنَا فَٱنسَلَخَ مِنۡهَا فَأَتۡبَعَهُ ٱلشَّيۡطَٰنُ فَكَانَ مِنَ ٱلۡغَاوِينَ

Яхуеджэ абыхэм ди нэщэнэхэр зэттауэ ахэр къэзыгъэнам и хъыбарым, абы шейтIаныр кIэлъыкIуащ, гъуэщахэми ящыщ хъуащ

আয়াত: 176

وَلَوۡ شِئۡنَا لَرَفَعۡنَٰهُ بِهَا وَلَٰكِنَّهُۥٓ أَخۡلَدَ إِلَى ٱلۡأَرۡضِ وَٱتَّبَعَ هَوَىٰهُۚ فَمَثَلُهُۥ كَمَثَلِ ٱلۡكَلۡبِ إِن تَحۡمِلۡ عَلَيۡهِ يَلۡهَثۡ أَوۡ تَتۡرُكۡهُ يَلۡهَثۚ ذَّٰلِكَ مَثَلُ ٱلۡقَوۡمِ ٱلَّذِينَ كَذَّبُواْ بِـَٔايَٰتِنَاۚ فَٱقۡصُصِ ٱلۡقَصَصَ لَعَلَّهُمۡ يَتَفَكَّرُونَ

Дэ дыхуеятэмэ ар абыкIэ къэтIэтынут, ауэ щIым зытриубгъуэри и хуеиныгъэхэм кIэлъыкIуащ. Ар ещхьщ хьэм: ар епхужьэжми и бзэгур кърегъэлэлыр, къэбгъанэми и бзэгур кърегъэлэлыр. Апхуэдэхэщ ди нэщэнэхэр пцIыуэ зыбжа лъэпкъхэми я щапхъэр. ЯхуэIуатэ хъыбархэр, ахэр егупсысынкIэрэ мэхъур

আয়াত: 177

سَآءَ مَثَلًا ٱلۡقَوۡمُ ٱلَّذِينَ كَذَّبُواْ بِـَٔايَٰتِنَا وَأَنفُسَهُمۡ كَانُواْ يَظۡلِمُونَ

Ди нэщэнэхэр пцIыуэ зыбжа лъэпкъым я хъыбарыр Iеищэщ, езыхэм я щхьэхэм залымыгъэ ирахыжауэ аращ

আয়াত: 178

مَن يَهۡدِ ٱللَّهُ فَهُوَ ٱلۡمُهۡتَدِيۖ وَمَن يُضۡلِلۡ فَأُوْلَٰٓئِكَ هُمُ ٱلۡخَٰسِرُونَ

Алыхьым гъуэгу захуэм тригъэувэращ гъуэгу захуэм ирикIуэр, игъэгъуащэхэращ хэкIуэдахэр