অৰ্থানুবাদ ছুৰা আন-নাবা' - আল-মুখতাচাৰ ফী তাফছীৰিল কোৰআনিল কাৰীমৰ কুৰ্দী অনুবাদ - পৃষ্ঠা নং 582 - আল-কোৰআনুল কাৰীমৰ বিশ্বকোষ

النبأ

ছুৰাৰ উদ্দেশ্য:

بيان أدلة القدرة على البعث والتخويف من العاقبة.

ڕوونکردنەوەى بەڵگەکانى توانا و دەسەڵات لەسەر زیندووکردنەوە و ترساندن لە سەرەنجام.

---

আয়াত: 1

عَمَّ يَتَسَآءَلُونَ

لەچی پرسیار دەكەن ئەو هاوبەش پەیداكارانە -موشریکانە- دوای ئەوەی الله -تەعاﻻ- پێغەمبەر -صلی الله علیه وسلم-ی بۆ ڕەوانەكردوون؟!

আয়াত: 2

عَنِ ٱلنَّبَإِ ٱلۡعَظِيمِ

هەندێكیان پرسیار لە هەندێكی تریان دەكەن دەربارەی هەواڵە گەورەكە، ئەوە ئەو قورئانەیە نێردراوەتە سەر پێغەمبەرەكەیان كە هەواڵی زیندووبوونەوەی لە خۆ گرتووە.

আয়াত: 3

ٱلَّذِي هُمۡ فِيهِ مُخۡتَلِفُونَ

ئەو قورئانەی كە ئەوان جیاوازن تێیدا و وەسفی دەكەن بە جادوو یان بە هۆنراوە یان بە غەیب زانین یان بە ئەفسانەی پێشینان.

আয়াত: 4

كَلَّا سَيَعۡلَمُونَ

وانییە بەو شێوەى ئەوان گومانی بۆ دەبەن -بانگەشەی بۆ دەکەن-، ئەوانەی قورئان بەدرۆ دەزانن لەمەودا سەرەنجامی درۆی خراپی خۆیان دەزانن.

আয়াত: 5

ثُمَّ كَلَّا سَيَعۡلَمُونَ

پاشان دڵنیایان دەكاتەوە لێی جارێكی تر.

আয়াত: 6

أَلَمۡ نَجۡعَلِ ٱلۡأَرۡضَ مِهَٰدٗا

ئایا زەویمان ڕانەخستووە بۆیان و گونجاوە بۆ دامەزران ونیشتەجێبوونیان لەسەری؟!

আয়াত: 7

وَٱلۡجِبَالَ أَوۡتَادٗا

وه شاخەكانمان لەسەر زەوی وەك مێخ لێكردووه تاكو ڕێگری بكات لە هەر لەرزینەوەیەك.

আয়াত: 8

وَخَلَقۡنَٰكُمۡ أَزۡوَٰجٗا

ئێوەمان بەدیهێناوە -ئەی خەڵكینە- لەچەند جۆرێك: له نێر و له مێ.

আয়াত: 9

وَجَعَلۡنَا نَوۡمَكُمۡ سُبَاتٗا

وە خەوتنتانمان گێڕاوە بە دابڕان لە چالاكی بۆ ئەوەی بحەسێنەوە.

আয়াত: 10

وَجَعَلۡنَا ٱلَّيۡلَ لِبَاسٗا

وە شەومان گێڕاوە بە داپۆشەر بۆتان بە تاریكیەكەی وەك ئەو پۆشاكەی كە دامێنتانی پێ دادەپۆشن.

আয়াত: 11

وَجَعَلۡنَا ٱلنَّهَارَ مَعَاشٗا

وە ڕۆژمان گێڕاوە بە گۆڕەپان بۆ ئیش و گەڕان بەدوای ڕۆزیدا.

আয়াত: 12

وَبَنَيۡنَا فَوۡقَكُمۡ سَبۡعٗا شِدَادٗا

وە حەوت ئاسمانمان بەدیهێناوە بەسەرتانەوە بەهێز لە بنیادناندا و پتەو لە دروستكردندا.

আয়াত: 13

وَجَعَلۡنَا سِرَاجٗا وَهَّاجٗا

وە ڕۆژمان گێڕاوە بەچرایەكی بەهێز لە بڵێسە وڕووناكی.

আয়াত: 14

وَأَنزَلۡنَا مِنَ ٱلۡمُعۡصِرَٰتِ مَآءٗ ثَجَّاجٗا

وە بارانمان باراندووە بۆتان زۆر بەخووڕ لەو هەورانەی كاتی باران بارینیان هاتووە.

আয়াত: 15

لِّنُخۡرِجَ بِهِۦ حَبّٗا وَنَبَاتٗا

بۆئەوەی بەو بارانه بڕوێنین جۆرەها دانەوێڵە وڕووەك.

আয়াত: 16

وَجَنَّٰتٍ أَلۡفَافًا

وەپێی دەڕوێنین باخی زۆر وچڕوپڕ لەزۆری بەناویەكداچوونی لقەكانی.

আয়াত: 17

إِنَّ يَوۡمَ ٱلۡفَصۡلِ كَانَ مِيقَٰتٗا

بەڕاستی ڕۆژی جیاكردنەوە لە نێوان دروستكراوەکاندا وادەیەكی دیاری كراوە بەكاتێك كە دواناكەوێت.

আয়াত: 18

يَوۡمَ يُنفَخُ فِي ٱلصُّورِ فَتَأۡتُونَ أَفۡوَاجٗا

ئەو ڕۆژەی كە فریشتەكە (ئیسرافیل) فووی دووەم دەكات بە كەڕەنادا (سوڕ)دا ئینجا ئێوە -ئەی خەڵكینە- كۆمەڵ كۆمەڵ دێن.

আয়াত: 19

وَفُتِحَتِ ٱلسَّمَآءُ فَكَانَتۡ أَبۡوَٰبٗا

وە ئاسمان كرایەوە و درزی تێکەوت وەك دەرگای كراوە.

আয়াত: 20

وَسُيِّرَتِ ٱلۡجِبَالُ فَكَانَتۡ سَرَابًا

وە شاخەكان خرانە ڕێ هەتا بوون بە تەپوتۆزێكی پەرش وبڵاو وەك (تراویلكە:سەراب)یان لێهات.

আয়াত: 21

إِنَّ جَهَنَّمَ كَانَتۡ مِرۡصَادٗا

بەڕاستی دۆزەخ لە قەرەوڵ و چاوەڕوانیدایە.

আয়াত: 22

لِّلطَّٰغِينَ مَـَٔابٗا

شوێنی ستەمكارانە و دەگەڕێنەوە بۆی.

আয়াত: 23

لَّٰبِثِينَ فِيهَآ أَحۡقَابٗا

تیایدا دەمێننەوە سات وساڵانێكی زۆر كە كۆتایی نییە.

আয়াত: 24

لَّا يَذُوقُونَ فِيهَا بَرۡدٗا وَلَا شَرَابًا

نایچێژن تێیدا هەوایەكی ساردكەرەوە كە ساردیان بكاتەوە لەگەرمای دۆزەخ، هەروەها نایچێژن تێیدا خواردنەوەیەكی بەتام.

আয়াত: 25

إِلَّا حَمِيمٗا وَغَسَّاقٗا

نایچێژن تێیدا جگە لە ئاوی زۆر گەرم، وە ئەوەی دەچۆڕێت لە كێم وزوخاوی ئەهلی ئاگر.

আয়াত: 26

جَزَآءٗ وِفَاقًا

پاداشتێكە گونجاوە بۆ ئەوەی لەسەری بوون لە بێباوەڕی و گومڕایی.

আয়াত: 27

إِنَّهُمۡ كَانُواْ لَا يَرۡجُونَ حِسَابٗا

بەڕاستی ئەوان لە دونیادا نەدەترسان لە لێپێچینەوەی الله -تەعاﻻ- لێیان لە قیامەتدا، چونكە بەڕاستی ئەوان باوەڕیان نەدەهێنا بە زیندووبوونەوە، ئەگەر بترسانایە لە زیندووبوونەوە باوەڕیان دەهێنا بە الله -تەعاﻻ-، وە كردەوەی چاكیان ئەنجام دەدا.

আয়াত: 28

وَكَذَّبُواْ بِـَٔايَٰتِنَا كِذَّابٗا

وە دڵنیا بوون لە بەدرۆخستنەوەى ئایەتەکانمان کە نێردراو بوون بۆ پێغەمبەرەكەمان.

আয়াত: 29

وَكُلَّ شَيۡءٍ أَحۡصَيۡنَٰهُ كِتَٰبٗا

وە هەموو كردەوەكانیانمان هەژمار كردووە وڕێکمان خستووە بە نووسین ونووسراوە لە لاپەڕەی كردەوەكانیاندا.

আয়াত: 30

فَذُوقُواْ فَلَن نَّزِيدَكُمۡ إِلَّا عَذَابًا

دەی بچێژن -ئەی ستەمكاران- لەم سزا بەردەوامە، بۆتان زیاد ناكەین جگە لەسزا وئازار نەبێت بۆ سەر سزا وئازارەکانتان.

এই পৃষ্ঠাৰ আয়াতসমূহৰ পৰা সংগৃহীত কিছুমান উপকাৰী তথ্য:

• إحكام الله للخلق دلالة على قدرته على إعادته.

توانا وهێزی الله -تەعاﻻ- لەسەر بەدیهێنانی بوونەوەر بەشێوەیەکی تۆکمە و وردبین بەڵگەیه لەسەر توانای بەدیهێنانەوەی جارێكی تر.

• الطغيان سبب دخول النار.

یاخی بوون وسنوور تێپەڕاندان هۆكاری چوونه ئاگره.

• مضاعفة العذاب على الكفار.

زیادكردنی سزا وئازار لەسەر بێباوەڕان.