অৰ্থানুবাদ ছুৰা আল-মুদ্দাচ্ছিৰ - লোহিয়া অনুবাদ- আন্তৰ্জাতিক বিজ্ঞান আৰু সংস্কৃতি সমিতি - আল-কোৰআনুল কাৰীমৰ বিশ্বকোষ

Al-Muddaththir

আয়াত: 1

يَٰٓأَيُّهَا ٱلۡمُدَّثِّرُ

Ewe Owifumbesiye mutsingubo.

আয়াত: 2

قُمۡ فَأَنذِرۡ

Bukha mana wikanyilisie!

আয়াত: 3

وَرَبَّكَ فَكَبِّرۡ

Ne witsoomie Nyasaye wuwo Omulesi.

আয়াত: 4

وَثِيَابَكَ فَطَهِّرۡ

Ne olafie tsingubo tsitsio.

আয়াত: 5

وَٱلرُّجۡزَ فَٱهۡجُرۡ

Ne owuuye keshifwolo.

আয়াত: 6

وَلَا تَمۡنُن تَسۡتَكۡثِرُ

Ne olarusia nosuubile okhwenya eshinji tawe.

আয়াত: 7

وَلِرَبِّكَ فَٱصۡبِرۡ

Ne wisumilisie khulwa Nyasaye wuwo Omulesi.

আয়াত: 8

فَإِذَا نُقِرَ فِي ٱلنَّاقُورِ

Mana olwa olwika lulifurwamwo.

আয়াত: 9

فَذَٰلِكَ يَوۡمَئِذٖ يَوۡمٌ عَسِيرٌ

Kho inyanga eyo iliba inyanga indinyu muno.

আয়াত: 10

عَلَى ٱلۡكَٰفِرِينَ غَيۡرُ يَسِيرٖ

Khubakhayi shiiliba inyangu tawe.

আয়াত: 11

ذَرۡنِي وَمَنۡ خَلَقۡتُ وَحِيدٗا

Ndekha nende wandaloonga sienyene.

আয়াত: 12

وَجَعَلۡتُ لَهُۥ مَالٗا مَّمۡدُودٗا

Mana nemuhelesia emiandu eminji.

আয়াত: 13

وَبَنِينَ شُهُودٗا

Nende abaana balolekha.

আয়াত: 14

وَمَهَّدتُّ لَهُۥ تَمۡهِيدٗا

Ne nemukasilia amakhuwa obulayi muno.

আয়াত: 15

ثُمَّ يَطۡمَعُ أَنۡ أَزِيدَ

Mana khandi yekombanga mbu emumeete.

আয়াত: 16

كَلَّآۖ إِنَّهُۥ كَانَ لِأٓيَٰتِنَا عَنِيدٗا

Shikali kario tawe! Toto ye yakholelanga eshileka muno amakhuwa kefu (Ikurani).

আয়াত: 17

سَأُرۡهِقُهُۥ صَعُودًا

Nditsa okhumuha eshinyasio shialanyala okhwisumilisia tawe.

আয়াত: 18

إِنَّهُۥ فَكَّرَ وَقَدَّرَ

Toto ye yapara mana napanga shinga atuta.

আয়াত: 19

فَقُتِلَ كَيۡفَ قَدَّرَ

Mana nasishibwa okhurulana shingala yapanga okhututa.

আয়াত: 20

ثُمَّ قُتِلَ كَيۡفَ قَدَّرَ

Khandi mana nasishibwa okhurulana shingala yapanga okhututa.

আয়াত: 21

ثُمَّ نَظَرَ

Mana naheenga.

আয়াত: 22

ثُمَّ عَبَسَ وَبَسَرَ

Mana nakhunia obweni, nasinyikha.

আয়াত: 23

ثُمَّ أَدۡبَرَ وَٱسۡتَكۡبَرَ

Mana niyechesia obwatoto omukongo, mana nakhola obufuru.

আয়াত: 24

فَقَالَ إِنۡ هَٰذَآ إِلَّا سِحۡرٞ يُؤۡثَرُ

Naboola mbu: “Bino shine shindu tawe halali obulosi bwainibwa khubandu bandi.

আয়াত: 25

إِنۡ هَٰذَآ إِلَّا قَوۡلُ ٱلۡبَشَرِ

Kano shini shiosishiosi tawe halali namakhuwa kabandu sa.”

আয়াত: 26

سَأُصۡلِيهِ سَقَرَ

Ndakhamwinjisie mumulilo omululu kwa Saqar.

আয়াত: 27

وَمَآ أَدۡرَىٰكَ مَا سَقَرُ

Ne ni shina shilikhumanyia omulilo kwa Saqar oko?

আয়াত: 28

لَا تُبۡقِي وَلَا تَذَرُ

Shikutonyinjia inyama, ne shikulekhanga tawe.

আয়াত: 29

لَوَّاحَةٞ لِّلۡبَشَرِ

Kumamulanga liselo liomubili.

আয়াত: 30

عَلَيۡهَا تِسۡعَةَ عَشَرَ

Kulikhwo nende (Abamalaika) ekhumi nende tisa.

আয়াত: 31

وَمَا جَعَلۡنَآ أَصۡحَٰبَ ٱلنَّارِ إِلَّا مَلَٰٓئِكَةٗۖ وَمَا جَعَلۡنَا عِدَّتَهُمۡ إِلَّا فِتۡنَةٗ لِّلَّذِينَ كَفَرُواْ لِيَسۡتَيۡقِنَ ٱلَّذِينَ أُوتُواْ ٱلۡكِتَٰبَ وَيَزۡدَادَ ٱلَّذِينَ ءَامَنُوٓاْ إِيمَٰنٗا وَلَا يَرۡتَابَ ٱلَّذِينَ أُوتُواْ ٱلۡكِتَٰبَ وَٱلۡمُؤۡمِنُونَ وَلِيَقُولَ ٱلَّذِينَ فِي قُلُوبِهِم مَّرَضٞ وَٱلۡكَٰفِرُونَ مَاذَآ أَرَادَ ٱللَّهُ بِهَٰذَا مَثَلٗاۚ كَذَٰلِكَ يُضِلُّ ٱللَّهُ مَن يَشَآءُ وَيَهۡدِي مَن يَشَآءُۚ وَمَا يَعۡلَمُ جُنُودَ رَبِّكَ إِلَّا هُوَۚ وَمَا هِيَ إِلَّا ذِكۡرَىٰ لِلۡبَشَرِ

Ne shikhwakhola abalindi bomulilo halali ni Abamalaika, ne shikhwakhola isaabu yabu eyo halali okhubeyiabeyia Abakhayi, kho babe nobulaamba balia bahebwa Eshitabu, ne Abasuubila bamete obusuubili. Ne balaba nokhukanakana balia bahebwa Eshitabu nende Abasuubila tawe. Ne khobaboole balia bali nobulwale mumioyo chiabu nende Abakhayi mbu: “Nyasaye yenyanga shina, okhurulana nende okhuchelasia khuno?” Endio nilwa Nyasaye akosinjia owayenyele, nalunjisia owayenya. Ne awumao umanyile omukanda kweliyie kwa Nyasaye wuwo Omulesi halali Ye omwene. Ne kano shini shiosishiosi tawe halali ni ameetsulisio khubandu.

আয়াত: 32

كَلَّا وَٱلۡقَمَرِ

Tawe, nditsuba khumwesi.

আয়াত: 33

وَٱلَّيۡلِ إِذۡ أَدۡبَرَ

Nende khushilo nishiwa.

আয়াত: 34

وَٱلصُّبۡحِ إِذَآ أَسۡفَرَ

Nende khumabwibwi olwa bushietsanga.

আয়াত: 35

إِنَّهَا لَإِحۡدَى ٱلۡكُبَرِ

Toto omulilo oko nimulala khumakhuwa amakhongo muno.

আয়াত: 36

نَذِيرٗا لِّلۡبَشَرِ

Nende amekanyilisio khubandu.

আয়াত: 37

لِمَن شَآءَ مِنكُمۡ أَن يَتَقَدَّمَ أَوۡ يَتَأَخَّرَ

Kho ulia wenya mwinywe, aranjilile nohomba amalilishe.

আয়াত: 38

كُلُّ نَفۡسِۭ بِمَا كَسَبَتۡ رَهِينَةٌ

Buli omundu alitiilwa khulwa amakhuwa kayakhola.

আয়াত: 39

إِلَّآ أَصۡحَٰبَ ٱلۡيَمِينِ

Halali Abandu bomukhono omusatsa.

আয়াত: 40

فِي جَنَّٰتٖ يَتَسَآءَلُونَ

Baliba mumikunda chiomwikulu nibarebananga.

আয়াত: 41

عَنِ ٱلۡمُجۡرِمِينَ

Amakhuwa ka Abandu betsimbii.

আয়াত: 42

مَا سَلَكَكُمۡ فِي سَقَرَ

“Ni shina shiachila nimwinjila mumulilo kwa Saqar?”

আয়াত: 43

قَالُواْ لَمۡ نَكُ مِنَ ٱلۡمُصَلِّينَ

Baliboola mbu: “Efwe shikhwali mubaswaliyanga tawe.

আয়াত: 44

وَلَمۡ نَكُ نُطۡعِمُ ٱلۡمِسۡكِينَ

Ne shikhwalisinjia abamanani tawe.

আয়াত: 45

وَكُنَّا نَخُوضُ مَعَ ٱلۡخَآئِضِينَ

Ne khwali nikhweibila halala nende balia beyibila mutsimbi.

আয়াত: 46

وَكُنَّا نُكَذِّبُ بِيَوۡمِ ٱلدِّينِ

Ne khwali khwakatsulanga inyanga yomurungo.

আয়াত: 47

حَتَّىٰٓ أَتَىٰنَا ٱلۡيَقِينُ

Okhula shinga liikhuwa liatoto (lifwa) liakhuulila.”

আয়াত: 48

فَمَا تَنفَعُهُمۡ شَفَٰعَةُ ٱلشَّٰفِعِينَ

Kho okhusabila khwomusabi shikhulibakhoonya shiosishiosi tawe.

আয়াত: 49

فَمَا لَهُمۡ عَنِ ٱلتَّذۡكِرَةِ مُعۡرِضِينَ

Mana bali barieena abahelesinjia omukongo ameetsulisio kano?

আয়াত: 50

كَأَنَّهُمۡ حُمُرٞ مُّسۡتَنفِرَةٞ

Opara mbu bo nitsisishili tsisundusibwe.

আয়াত: 51

فَرَّتۡ مِن قَسۡوَرَةِۭ

Tsilukhanga italanyi.

আয়াত: 52

بَلۡ يُرِيدُ كُلُّ ٱمۡرِيٕٖ مِّنۡهُمۡ أَن يُؤۡتَىٰ صُحُفٗا مُّنَشَّرَةٗ

Mbu buli omundu mubo yenyanga ahebwe eshitabu shishie okhurula mwikulu.

আয়াত: 53

كَلَّاۖ بَل لَّا يَخَافُونَ ٱلۡأٓخِرَةَ

Shikali kario tawe! Halali shibaritsanga aka Mwikulu tawe.

আয়াত: 54

كَلَّآ إِنَّهُۥ تَذۡكِرَةٞ

Shikali kario tawe! Toto kano ni ametsulisio.

আয়াত: 55

فَمَن شَآءَ ذَكَرَهُۥ

Kho, ulia wenya, yetsulile.

আয়াত: 56

وَمَا يَذۡكُرُونَ إِلَّآ أَن يَشَآءَ ٱللَّهُۚ هُوَ أَهۡلُ ٱلتَّقۡوَىٰ وَأَهۡلُ ٱلۡمَغۡفِرَةِ

Ne shibakhetsulila tawe okhuula Nyasaye achame. Ye niukhoyeshele okhuribwa, khandi ni Wobulesheli muno.