Mənaların tərcüməsi Surə ət-Tin - Özbək dilinə tərcümə - Ələddin Mənsur - Qurani Kərim ensiklopediyası

Тийн сураси

Ayə: 1

وَٱلتِّينِ وَٱلزَّيۡتُونِ

1. Анжирга қасам, зайтунга қасам;

Ayə: 2

وَطُورِ سِينِينَ

2. (Аллоҳ таоло Мусо пайғамбар билан бевосита сўзлашган) Сино тоғига қасам;

Ayə: 3

وَهَٰذَا ٱلۡبَلَدِ ٱلۡأَمِينِ

3. Мана шу тинч-осойишта шаҳар (Маккаи Мукаррама)га қасамки;

Ayə: 4

لَقَدۡ خَلَقۡنَا ٱلۡإِنسَٰنَ فِيٓ أَحۡسَنِ تَقۡوِيمٖ

4. Дарҳақиқат, Биз инсонни энг гўзал шаклу шамойилда яратдик.

Ayə: 5

ثُمَّ رَدَدۡنَٰهُ أَسۡفَلَ سَٰفِلِينَ

5. Сўнгра (у Биз ато этган шундай гўзал сурат ва мукаммал хилқатнинг шукрини қилмасдан, куфру туғён йўлига кетгач), уни асфала-софилинга (яъни, энг тубан дўзахга) қайтардик.

Ayə: 6

إِلَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ فَلَهُمۡ أَجۡرٌ غَيۡرُ مَمۡنُونٖ

6. Фақат (қай) бир зотлар иймон келтирсалар ва яхши амаллар қилсалар, ана ўшалар учун битмас-туганмас ажр-мукофот бордир.

Ayə: 7

فَمَا يُكَذِّبُكَ بَعۡدُ بِٱلدِّينِ

7. Бас, (эй инсон), энди (яъни, Аллоҳ таолонинг барча нарсага қодир Зот эканлигини билганингдан сўнг) нима сени (Қиёмат Кунида бандаларнинг қилиб ўтган амалларига бериладиган) жазони ёлғон дейишга мажбур қилур?!

Ayə: 8

أَلَيۡسَ ٱللَّهُ بِأَحۡكَمِ ٱلۡحَٰكِمِينَ

8. Ахир Аллоҳ ҳукм қилгувчиларнинг энг адолатлиси эмасми?! (Дарҳақиқат, Аллоҳ таоло Қиёмат Кунида энг одил ҳукм қилгувчидир).