ترجمهٔ معانی سوره سوره تين - ترجمه ى ازبکی - علاء الدین منصور - دایرة المعارف قرآن کریم

Тийн сураси

آیه: 1

وَٱلتِّينِ وَٱلزَّيۡتُونِ

1. Анжирга қасам, зайтунга қасам;

آیه: 2

وَطُورِ سِينِينَ

2. (Аллоҳ таоло Мусо пайғамбар билан бевосита сўзлашган) Сино тоғига қасам;

آیه: 3

وَهَٰذَا ٱلۡبَلَدِ ٱلۡأَمِينِ

3. Мана шу тинч-осойишта шаҳар (Маккаи Мукаррама)га қасамки;

آیه: 4

لَقَدۡ خَلَقۡنَا ٱلۡإِنسَٰنَ فِيٓ أَحۡسَنِ تَقۡوِيمٖ

4. Дарҳақиқат, Биз инсонни энг гўзал шаклу шамойилда яратдик.

آیه: 5

ثُمَّ رَدَدۡنَٰهُ أَسۡفَلَ سَٰفِلِينَ

5. Сўнгра (у Биз ато этган шундай гўзал сурат ва мукаммал хилқатнинг шукрини қилмасдан, куфру туғён йўлига кетгач), уни асфала-софилинга (яъни, энг тубан дўзахга) қайтардик.

آیه: 6

إِلَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ فَلَهُمۡ أَجۡرٌ غَيۡرُ مَمۡنُونٖ

6. Фақат (қай) бир зотлар иймон келтирсалар ва яхши амаллар қилсалар, ана ўшалар учун битмас-туганмас ажр-мукофот бордир.

آیه: 7

فَمَا يُكَذِّبُكَ بَعۡدُ بِٱلدِّينِ

7. Бас, (эй инсон), энди (яъни, Аллоҳ таолонинг барча нарсага қодир Зот эканлигини билганингдан сўнг) нима сени (Қиёмат Кунида бандаларнинг қилиб ўтган амалларига бериладиган) жазони ёлғон дейишга мажбур қилур?!

آیه: 8

أَلَيۡسَ ٱللَّهُ بِأَحۡكَمِ ٱلۡحَٰكِمِينَ

8. Ахир Аллоҳ ҳукм қилгувчиларнинг энг адолатлиси эмасми?! (Дарҳақиқат, Аллоҳ таоло Қиёмат Кунида энг одил ҳукм қилгувчидир).