Prijevod značenja Sura Ta-Ha - Prijevod na kinjaruanda jezik - Organizacija muslimana Ruande - Broj stranice 313 - Enciklopedija Kur'ana

Ajet: 13

وَأَنَا ٱخۡتَرۡتُكَ فَٱسۡتَمِعۡ لِمَا يُوحَىٰٓ

“Kandi nagutoranyije (ngo ube Intumwa). Bityo, tega amatwi ibyo uhishurirwa”,

Ajet: 14

إِنَّنِيٓ أَنَا ٱللَّهُ لَآ إِلَٰهَ إِلَّآ أَنَا۠ فَٱعۡبُدۡنِي وَأَقِمِ ٱلصَّلَوٰةَ لِذِكۡرِيٓ

Mu by’ukuri ndi Allah! Nta yindi mana iriho ikwiye gusengwa itari Njye. Bityo, jya ungaragira kandi unahozeho iswala kugira ngo unyibuke.

Ajet: 15

إِنَّ ٱلسَّاعَةَ ءَاتِيَةٌ أَكَادُ أُخۡفِيهَا لِتُجۡزَىٰ كُلُّ نَفۡسِۭ بِمَا تَسۡعَىٰ

Mu by’ukuri imperuka izaba. Nayihishe (ibiremwa byose) kugira ngo buri muntu azahemberwe umuhate we.

Ajet: 16

فَلَا يَصُدَّنَّكَ عَنۡهَا مَن لَّا يُؤۡمِنُ بِهَا وَٱتَّبَعَ هَوَىٰهُ فَتَرۡدَىٰ

Bityo, uramenye umuntu utayemera (imperuka) agakurikira ibyo umutima we ukunda, ntazakubuze kuyemera bitazakuviramo kurimbuka.

Ajet: 17

وَمَا تِلۡكَ بِيَمِينِكَ يَٰمُوسَىٰ

(Allah aramubaza ati) “Ese icyo ni iki kiri mu kuboko kwawe kw’iburyo, yewe Musa?”

Ajet: 18

قَالَ هِيَ عَصَايَ أَتَوَكَّؤُاْ عَلَيۡهَا وَأَهُشُّ بِهَا عَلَىٰ غَنَمِي وَلِيَ فِيهَا مَـَٔارِبُ أُخۡرَىٰ

(Musa) aravuga ati “Ni inkoni yanjye nishingikiriza, nkanayimanuza amababi y’ibiti ngaburira intama zanjye, kandi mfite n’ibindi nyikoresha.”

Ajet: 19

قَالَ أَلۡقِهَا يَٰمُوسَىٰ

(Allah) aravuga ati “Yinage hasi, yewe Musa!”

Ajet: 20

فَأَلۡقَىٰهَا فَإِذَا هِيَ حَيَّةٞ تَسۡعَىٰ

Nuko ayinaga hasi, ihita ihinduka inzoka ikururuka.

Ajet: 21

قَالَ خُذۡهَا وَلَا تَخَفۡۖ سَنُعِيدُهَا سِيرَتَهَا ٱلۡأُولَىٰ

(Allah) aravuga ati “Yifate kandi ntutinye! Turongera tuyigire (inkoni) nk’uko yari imeze”,

Ajet: 22

وَٱضۡمُمۡ يَدَكَ إِلَىٰ جَنَاحِكَ تَخۡرُجۡ بَيۡضَآءَ مِنۡ غَيۡرِ سُوٓءٍ ءَايَةً أُخۡرَىٰ

“Unashyire ukuboko kwawe mu kwaha, kuravamo kurabagirana bidatewe n’uburwayi; icyo kiraba ari ikindi gitangaza”,

Ajet: 23

لِنُرِيَكَ مِنۡ ءَايَٰتِنَا ٱلۡكُبۡرَى

“(Ibyo) ni ukugira ngo tukwereke bimwe mu bitangaza byacu bihambaye”,

Ajet: 24

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

(Allah aramubwira ati) “Jya kwa Farawo (umuhamagarire kwemera Allah). Mu by’ukuri akabije kwigomeka.”

Ajet: 25

قَالَ رَبِّ ٱشۡرَحۡ لِي صَدۡرِي

(Musa) aravuga ati “Nyagasani wanjye! Agura igituza cyanjye (kugira ngo mbashe gusohoza ubutumwa bwawe)”,

Ajet: 26

وَيَسِّرۡ لِيٓ أَمۡرِي

Kandi unyorohereze inshingano zanjye (umpaye),

Ajet: 27

وَٱحۡلُلۡ عُقۡدَةٗ مِّن لِّسَانِي

Unagobotore ururimi rwanjye,

Ajet: 28

يَفۡقَهُواْ قَوۡلِي

Kugira ngo babashe gusobanukirwa amagambo yanjye,

Ajet: 29

وَٱجۡعَل لِّي وَزِيرٗا مِّنۡ أَهۡلِي

Kandi umpe umwunganizi ukomoka mu muryango wanjye,

Ajet: 30

هَٰرُونَ أَخِي

(Ari we) Haruna (Aroni), umuvandimwe wanjye,

Ajet: 31

ٱشۡدُدۡ بِهِۦٓ أَزۡرِي

Munshyigikize mu kunyongerera imbaraga,

Ajet: 32

وَأَشۡرِكۡهُ فِيٓ أَمۡرِي

Kandi umuhe gufatanya nanjye mu nshingano zanjye (zo gusohoza ubutumwa bwawe),

Ajet: 33

كَيۡ نُسَبِّحَكَ كَثِيرٗا

Kugira ngo tubashe kugusingiza cyane,

Ajet: 34

وَنَذۡكُرَكَ كَثِيرًا

Tunakwambaze cyane,

Ajet: 35

إِنَّكَ كُنتَ بِنَا بَصِيرٗا

Mu by’ukuri wowe utubona bihebuje.”

Ajet: 36

قَالَ قَدۡ أُوتِيتَ سُؤۡلَكَ يَٰمُوسَىٰ

(Allah) aravuga ati “Rwose ubusabe bwawe bwakiriwe, yewe Musa!”

Ajet: 37

وَلَقَدۡ مَنَنَّا عَلَيۡكَ مَرَّةً أُخۡرَىٰٓ

Kandi rwose, twari twaranaguhundagajeho ingabire zacu indi nshuro,