Übersetzung der Bedeutungen Surah / Kapitel An-Nisāʾ - Die philippinische Übersetzung (Maguindanao) - Rowwad-Übersetzungszentrum. - Nummer der Seite 91 - Die Enzyklopädie von dem heiligen Quran

Vers: 80

مَّن يُطِعِ ٱلرَّسُولَ فَقَدۡ أَطَاعَ ٱللَّهَۖ وَمَن تَوَلَّىٰ فَمَآ أَرۡسَلۡنَٰكَ عَلَيۡهِمۡ حَفِيظٗا

Anteyn i maginugut sa sinugu (Muhammad) na saben-sabenal a pinaginugutan nin su Allah, su minanda (dala talima) na dala nami sugwa seka sa taldun nengka silan.

Vers: 81

وَيَقُولُونَ طَاعَةٞ فَإِذَا بَرَزُواْ مِنۡ عِندِكَ بَيَّتَ طَآئِفَةٞ مِّنۡهُمۡ غَيۡرَ ٱلَّذِي تَقُولُۖ وَٱللَّهُ يَكۡتُبُ مَا يُبَيِّتُونَۖ فَأَعۡرِضۡ عَنۡهُمۡ وَتَوَكَّلۡ عَلَى ٱللَّهِۚ وَكَفَىٰ بِٱللَّهِ وَكِيلًا

Andu kadtalu nilan i wagib i maginugut kami salka, na amayka nakalyu silan salka na sinambyan nu kaped sakanilan sya kanu magabi sa dala nengka madtalu (sambiyan nilan su kadtalu nu Rasulullah) andu su Allah i ped- sulat kanu galbek nilan sa magabi,pasagadi ka silan (Muhammad) andu salig ka saAllah, ka su Allah i tumaldu a dala kapedin.

Vers: 82

أَفَلَا يَتَدَبَّرُونَ ٱلۡقُرۡءَانَۚ وَلَوۡ كَانَ مِنۡ عِندِ غَيۡرِ ٱللَّهِ لَوَجَدُواْ فِيهِ ٱخۡتِلَٰفٗا كَثِيرٗا

Ngintu ka di nilan panulimanen su Qur-an, na umana bu ka nakabpun sa salakaw sa Allah na maparuli nilan sa dalam nin i kadsu- sungkanga.

Vers: 83

وَإِذَا جَآءَهُمۡ أَمۡرٞ مِّنَ ٱلۡأَمۡنِ أَوِ ٱلۡخَوۡفِ أَذَاعُواْ بِهِۦۖ وَلَوۡ رَدُّوهُ إِلَى ٱلرَّسُولِ وَإِلَىٰٓ أُوْلِي ٱلۡأَمۡرِ مِنۡهُمۡ لَعَلِمَهُ ٱلَّذِينَ يَسۡتَنۢبِطُونَهُۥ مِنۡهُمۡۗ وَلَوۡلَا فَضۡلُ ٱللَّهِ عَلَيۡكُمۡ وَرَحۡمَتُهُۥ لَٱتَّبَعۡتُمُ ٱلشَّيۡطَٰنَ إِلَّا قَلِيلٗا

Andu amayka nakawma sakanilan i mapya a tudtulan atawka makagilak, na ipayag nilan (ipamayapat nilan) na antu ba ka lu nilan inim-balingan (idtalu) kanu Rasul atawka su padtaladu sakanilan, na katawan den o mga taw a sinaligan sa andaw i dayt a ipayag, (su mga munafiq na mamayapat sa makabinasa a tudtulan) andu dikena bu su limu nu Allah salkanu na ya nubun kawnutan i shaytan, ya tabya na paydu gayd salkanu. (i di makaunot sa shaytan)

Vers: 84

فَقَٰتِلۡ فِي سَبِيلِ ٱللَّهِ لَا تُكَلَّفُ إِلَّا نَفۡسَكَۚ وَحَرِّضِ ٱلۡمُؤۡمِنِينَۖ عَسَى ٱللَّهُ أَن يَكُفَّ بَأۡسَ ٱلَّذِينَ كَفَرُواْۚ وَٱللَّهُ أَشَدُّ بَأۡسٗا وَأَشَدُّ تَنكِيلٗا

Ambunwa ka (Muhammad) sa lalan sa Allah, nya kab-palyugati i ginawa nengka andu i sugu nengka su kambunwa kanu mgabamamaginugut , ka di abpalis na patalnan nu Allah su kapasang nu mga kafeer andu su Allah i muna i kapasang a bagelen andu mapasang i kapakayd nin. (kanu mga kafeer)

Vers: 85

مَّن يَشۡفَعۡ شَفَٰعَةً حَسَنَةٗ يَكُن لَّهُۥ نَصِيبٞ مِّنۡهَاۖ وَمَن يَشۡفَعۡ شَفَٰعَةٗ سَيِّئَةٗ يَكُن لَّهُۥ كِفۡلٞ مِّنۡهَاۗ وَكَانَ ٱللَّهُ عَلَىٰ كُلِّ شَيۡءٖ مُّقِيتٗا

Anteyn i tumabang sa mapya na aden salkanin su umun nin a mapya, andu su tumabang sa malat na aden bun kadusan nin, andu su Allahu na kanu langun na anggaga-isa na baguyagan nin.

Vers: 86

وَإِذَا حُيِّيتُم بِتَحِيَّةٖ فَحَيُّواْ بِأَحۡسَنَ مِنۡهَآ أَوۡ رُدُّوهَآۗ إِنَّ ٱللَّهَ كَانَ عَلَىٰ كُلِّ شَيۡءٍ حَسِيبًا

86 .Andu amayka sinalam kanu, na salam kanu sanya pan mapya kanu sinumalam, atawka ka makapagidsan nin den mun, ka su Allah na kanu langun na anggaga-isa na dalidipen nin.