Translation of the Meanings of the Noble Qur'an - Filipino translation (Bisayan) - Rowwad Translation Center * - Translations’ Index
۞ إِنَّآ أَوۡحَيۡنَآ إِلَيۡكَ كَمَآ أَوۡحَيۡنَآ إِلَىٰ نُوحٖ وَٱلنَّبِيِّـۧنَ مِنۢ بَعۡدِهِۦۚ وَأَوۡحَيۡنَآ إِلَىٰٓ إِبۡرَٰهِيمَ وَإِسۡمَٰعِيلَ وَإِسۡحَٰقَ وَيَعۡقُوبَ وَٱلۡأَسۡبَاطِ وَعِيسَىٰ وَأَيُّوبَ وَيُونُسَ وَهَٰرُونَ وَسُلَيۡمَٰنَۚ وَءَاتَيۡنَا دَاوُۥدَ زَبُورٗا
Sa pagkatinuod, Kami (Allah) nagpadayag kanimo (O Muhammad) ingon nga Kami nagpadayag kang Noe, ug sa mga Propeta human kaniya, ug Kami nagpadayag kang Abraham, Ismael, Isaak, Hakob ug (ang mga propeta gikan) sa ilang mga kaliwatan, ug kang Hesus, Job, Jonas, Aaron, Solomon ug Kami naghatag kang David sa Zabur (Salmo).
Arabic explanations of the Qur’an:
وَرُسُلٗا قَدۡ قَصَصۡنَٰهُمۡ عَلَيۡكَ مِن قَبۡلُ وَرُسُلٗا لَّمۡ نَقۡصُصۡهُمۡ عَلَيۡكَۚ وَكَلَّمَ ٱللَّهُ مُوسَىٰ تَكۡلِيمٗا
Ug (Kami nagpadala) ug mga Mensahero nga Kami nagsaysay sa ilang mga sugilanon nganha kanimo kaniadto, ug mga Mensahero nga Kami wala magsaysay sa ilang mga sugilanon nganha kanimo; ug ngadto kang Moises, ang Allah misulti sa Iyang Pulong, nga nakigsulti (kaniya) sa direkta.
Arabic explanations of the Qur’an:
رُّسُلٗا مُّبَشِّرِينَ وَمُنذِرِينَ لِئَلَّا يَكُونَ لِلنَّاسِ عَلَى ٱللَّهِ حُجَّةُۢ بَعۡدَ ٱلرُّسُلِۚ وَكَانَ ٱللَّهُ عَزِيزًا حَكِيمٗا
(Kami nagpadala) og mga Mensahero ingon nga mga tighatag og maayong balita, ug ingon nga mga tigpasidaan, aron ang mga tawo wala’y bisan unsang ikapangatarongan batok sa Allah human sa (pag-abot sa) mga Mensahero; ang Allah mao ang Labing Gamhanan, Labing Maalamon.
Arabic explanations of the Qur’an:
لَّٰكِنِ ٱللَّهُ يَشۡهَدُ بِمَآ أَنزَلَ إِلَيۡكَۖ أَنزَلَهُۥ بِعِلۡمِهِۦۖ وَٱلۡمَلَٰٓئِكَةُ يَشۡهَدُونَۚ وَكَفَىٰ بِٱللَّهِ شَهِيدًا
Apan ang Allah nagsaksi pinaagi sa unsay Iyang gipadayag kanimo, nga Iyang gipadayag kini uban sa Iyang Kahibalo, ug ang mga anghel nagsaksi. Ang Allah Igo na isip Saksi.
Arabic explanations of the Qur’an:
إِنَّ ٱلَّذِينَ كَفَرُواْ وَظَلَمُواْ لَمۡ يَكُنِ ٱللَّهُ لِيَغۡفِرَ لَهُمۡ وَلَا لِيَهۡدِيَهُمۡ طَرِيقًا
Sa pagkatinuod niadtong nagpadayon sa pagpanglimod ug nagbuhat sa dili makatarunganon, ang Allah dili gayud mopasaylo kanila ni mogiya kanila sa bisan unsang dalan -
Arabic explanations of the Qur’an:
يَٰٓأَيُّهَا ٱلنَّاسُ قَدۡ جَآءَكُمُ ٱلرَّسُولُ بِٱلۡحَقِّ مِن رَّبِّكُمۡ فَـَٔامِنُواْ خَيۡرٗا لَّكُمۡۚ وَإِن تَكۡفُرُواْ فَإِنَّ لِلَّهِ مَا فِي ٱلسَّمَٰوَٰتِ وَٱلۡأَرۡضِۚ وَكَانَ ٱللَّهُ عَلِيمًا حَكِيمٗا
O katawhan, sa pagkatinuod ang Mensahero miabot kaninyo uban ang Kamatuoran gikan sa (Allāh) nga inyong Ginoo, busa tumuo kamo alang sa inyong kaugalingong kaayohan; apan kon kamo maglimod, nan sa pagkatinuod iya sa Allāh (lamang) ang bisan unsa nga anaa sa mga langit ug sa yuta. Ang Allāh mao ang Labing Nakahibalo, Labing Maalamon.
Arabic explanations of the Qur’an:
Translation of the Meanings of the Noble Qur'an - Filipino translation (Bisayan) - Rowwad Translation Center - Translations’ Index
translated by Rowwad Translation Center, in cooperation with the Islamic Propagation Office in Rabwah and the Association for Serving Islamic Content in Languages.