Translation of the Meanings of the Noble Qur'an - Dagbani translation * - Translations’ Index

Translation of the meanings Surah: Al-Mutaffifīn   Ayah:
Surahs’ Index Page Number HTML

Al-Mutaffifīn

Ayah: 1

وَيۡلٞ لِّلۡمُطَفِّفِينَ
1. Azaaba kpeeni be ban filindi zaɣa (muuru bee sikeli) zuɣu.
Arabic explanations of the Qur’an:

Ayah: 2

ٱلَّذِينَ إِذَا ٱكۡتَالُواْ عَلَى ٱلنَّاسِ يَسۡتَوۡفُونَ
2. Bana n-nyɛ ninvuɣu shɛba ban yɛn zahim niriba sani, ka bɔri ni di pali.
Arabic explanations of the Qur’an:

Ayah: 3

وَإِذَا كَالُوهُمۡ أَو وَّزَنُوهُمۡ يُخۡسِرُونَ
3. Amaa! Bɛ yi ti yɛn zahim n-ti shɛba muuru ni bee sikeeli zuɣu, ka bɛ filinda.
Arabic explanations of the Qur’an:

Ayah: 4

أَلَا يَظُنُّ أُوْلَٰٓئِكَ أَنَّهُم مَّبۡعُوثُونَ
4. Di ni bɔŋɔ, bannim’ maa bi tɛhiri ni bɛ nyɛla bɛ ni yɛn ti neei shɛba?
Arabic explanations of the Qur’an:

Ayah: 5

لِيَوۡمٍ عَظِيمٖ
5. Dabsi’ titali maa ni (Zaadali).
Arabic explanations of the Qur’an:

Ayah: 6

يَوۡمَ يَقُومُ ٱلنَّاسُ لِرَبِّ ٱلۡعَٰلَمِينَ
6. Dabsi’ shɛli ninsalinim’ ni yɛn ti zani binnamda Duuma tooni.
Arabic explanations of the Qur’an:

Ayah: 7

كَلَّآ إِنَّ كِتَٰبَ ٱلۡفُجَّارِ لَفِي سِجِّينٖ
7. Haifa! Bibiɛhi tuuntumsa gbana yɛn ti bela Sijjiin puuni.
Arabic explanations of the Qur’an:

Ayah: 8

وَمَآ أَدۡرَىٰكَ مَا سِجِّينٞ
8. (Yaa nyini Annabi)! Bo n-leei baŋsi a, bo n-leei nyɛ Sijjiin?
Arabic explanations of the Qur’an:

Ayah: 9

كِتَٰبٞ مَّرۡقُومٞ
9. Di nyɛla litaafi shɛli bɛ ni sabi daba tuuntumsa di puuni.
Arabic explanations of the Qur’an:

Ayah: 10

وَيۡلٞ يَوۡمَئِذٖ لِّلۡمُكَذِّبِينَ
10. Dindali maa, azaaba kpeeni daa be ni ban labsiri Chiyaama ʒiri la zuɣu.
Arabic explanations of the Qur’an:

Ayah: 11

ٱلَّذِينَ يُكَذِّبُونَ بِيَوۡمِ ٱلدِّينِ
11. Ninvuɣu shɛba ban labsiri Sanyoodali ʒiri.
Arabic explanations of the Qur’an:

Ayah: 12

وَمَا يُكَذِّبُ بِهِۦٓ إِلَّا كُلُّ مُعۡتَدٍ أَثِيمٍ
12. So mi bi labsiri li ʒiri, naɣila ŋun kam kpahiri yεɣiri tariga, ka zooi Naawuni taali ni kpɛbu.
Arabic explanations of the Qur’an:

Ayah: 13

إِذَا تُتۡلَىٰ عَلَيۡهِ ءَايَٰتُنَا قَالَ أَسَٰطِيرُ ٱلۡأَوَّلِينَ
13. Bɛ yi ti karindi Ti (Tinim’ Naawuni) aayanima n-tiri o, ka o yɛli: “Ŋɔ maa nyɛla kurumbuninim’ salima.”
Arabic explanations of the Qur’an:

Ayah: 14

كَلَّاۖ بَلۡۜ رَانَ عَلَىٰ قُلُوبِهِم مَّا كَانُواْ يَكۡسِبُونَ
14. Haifa! Chɛli gba! Bɛ tuuntumsa nyɛla din zahim bɛ suhiri zuɣu.
Arabic explanations of the Qur’an:

Ayah: 15

كَلَّآ إِنَّهُمۡ عَن رَّبِّهِمۡ يَوۡمَئِذٖ لَّمَحۡجُوبُونَ
15. Haifa! Dindali maa, bɛ nyɛla bɛ ni yɛn limsi shɛba ka chɛ bɛ Duuma (Naawuni) nyabu.
Arabic explanations of the Qur’an:

Ayah: 16

ثُمَّ إِنَّهُمۡ لَصَالُواْ ٱلۡجَحِيمِ
16. Din nyaaŋa, achiika! Bɛ nyɛla ban yɛn ti kpe ʒehiim buɣum ni.
Arabic explanations of the Qur’an:

Ayah: 17

ثُمَّ يُقَالُ هَٰذَا ٱلَّذِي كُنتُم بِهِۦ تُكَذِّبُونَ
17. Din nyaaŋa, ka bɛ yɛli ba: “Ŋɔ maa n-nyɛ yi ni daa labsiri shɛli ʒiri maa.”
Arabic explanations of the Qur’an:

Ayah: 18

كَلَّآ إِنَّ كِتَٰبَ ٱلۡأَبۡرَارِ لَفِي عِلِّيِّينَ
18. Haifa! Achiika! Ninvuɣu suma tuuntumsa gbana yɛn ti bela Illiyyiin puuni.
Arabic explanations of the Qur’an:

Ayah: 19

وَمَآ أَدۡرَىٰكَ مَا عِلِّيُّونَ
19. (Yaa nyini Annabi)! Bo n-leei baŋsa, bo n-nyɛ Illiyyiin?
Arabic explanations of the Qur’an:

Ayah: 20

كِتَٰبٞ مَّرۡقُومٞ
20. Di nyɛla litaafi shɛli bɛ ni sabi daba tuuntumsa di puuni.
Arabic explanations of the Qur’an:

Ayah: 21

يَشۡهَدُهُ ٱلۡمُقَرَّبُونَ
21. Ka ban miri Naawuni diri di shɛhira.
Arabic explanations of the Qur’an:

Ayah: 22

إِنَّ ٱلۡأَبۡرَارَ لَفِي نَعِيمٍ
22. Achiika! Ninvuɣu suma yɛn ti bela nyεɣisim puuni.
Arabic explanations of the Qur’an:

Ayah: 23

عَلَى ٱلۡأَرَآئِكِ يَنظُرُونَ
23. Ka bɛ do kuɣuwaɣila zuɣu nlihira.
Arabic explanations of the Qur’an:

Ayah: 24

تَعۡرِفُ فِي وُجُوهِهِمۡ نَضۡرَةَ ٱلنَّعِيمِ
24. Ka a ni baŋ neesim din nyε Naawuni yolsa bɛ nindɔhi puuni.
Arabic explanations of the Qur’an:

Ayah: 25

يُسۡقَوۡنَ مِن رَّحِيقٖ مَّخۡتُومٍ
25. Ka bɛ nyuhiri ba da’ shɛŋa bɛ ni yo di binyɔrsi zuɣu.
Arabic explanations of the Qur’an:

Ayah: 26

خِتَٰمُهُۥ مِسۡكٞۚ وَفِي ذَٰلِكَ فَلۡيَتَنَافَسِ ٱلۡمُتَنَٰفِسُونَ
26. Ka di lambu bahigu nyo almiski. Lala zuɣu, ban yεn kpaɣi taba (ni tuunviεla) kpaɣima.
Arabic explanations of the Qur’an:

Ayah: 27

وَمِزَاجُهُۥ مِن تَسۡنِيمٍ
27. Yaha! Ka bɛ gabi li ni Tasniim.
Arabic explanations of the Qur’an:

Ayah: 28

عَيۡنٗا يَشۡرَبُ بِهَا ٱلۡمُقَرَّبُونَ
28. Di (Tasniimi maa) nyɛla kobilnin’ shɛli ban miri Naawuni ni nyuri li.
Arabic explanations of the Qur’an:

Ayah: 29

إِنَّ ٱلَّذِينَ أَجۡرَمُواْ كَانُواْ مِنَ ٱلَّذِينَ ءَامَنُواْ يَضۡحَكُونَ
29. Achiika! Ninvuɣu shɛba ban tum bibɛlim maa daa nyɛla ban lari ninvuɣu shɛba ban ti Naawun yɛlimaŋli (Dunia puuni).
Arabic explanations of the Qur’an:

Ayah: 30

وَإِذَا مَرُّواْ بِهِمۡ يَتَغَامَزُونَ
30. Yaha! Bɛ daa yi gari bɛ zuɣu, ka bɛ zuɣusiri bɛ noya.
Arabic explanations of the Qur’an:

Ayah: 31

وَإِذَا ٱنقَلَبُوٓاْ إِلَىٰٓ أَهۡلِهِمُ ٱنقَلَبُواْ فَكِهِينَ
31. Yaha! Bɛ daa yi ŋmalgi labi bɛ niriba sani, ka bɛ labi ka nyɛla ban wumdi nyεɣisim.
Arabic explanations of the Qur’an:

Ayah: 32

وَإِذَا رَأَوۡهُمۡ قَالُوٓاْ إِنَّ هَٰٓؤُلَآءِ لَضَآلُّونَ
32. Yaha! Bɛ daa yi nya ba ka bɛ yɛli: “Achiika! Bambɔŋɔnim’ nyɛla ban bɔrgi.”
Arabic explanations of the Qur’an:

Ayah: 33

وَمَآ أُرۡسِلُواْ عَلَيۡهِمۡ حَٰفِظِينَ
33. Bɛ mi bi tim ba na ni bɛ ti nyɛ ban guli ba.
Arabic explanations of the Qur’an:

Ayah: 34

فَٱلۡيَوۡمَ ٱلَّذِينَ ءَامَنُواْ مِنَ ٱلۡكُفَّارِ يَضۡحَكُونَ
34. Dinzuɣu zuŋɔ, ninvuɣu shɛba ban ti Naawuni yɛlimaŋli nyɛla ban lara chɛfurinima.
Arabic explanations of the Qur’an:

Ayah: 35

عَلَى ٱلۡأَرَآئِكِ يَنظُرُونَ
35. Ka nyɛla ban do kuɣuwaɣila zuɣu n-lihira.
Arabic explanations of the Qur’an:

Ayah: 36

هَلۡ ثُوِّبَ ٱلۡكُفَّارُ مَا كَانُواْ يَفۡعَلُونَ
36. Di ni bɔŋɔ, bɛ yo chɛfurinim’ bɛ ni daa tumdi shɛli samli?
Arabic explanations of the Qur’an:
 
Translation of the meanings Surah: Al-Mutaffifīn
Surahs’ Index Page Number
 
Translation of the Meanings of the Noble Qur'an - Dagbani translation - Translations’ Index

Translation of the Quran meanings into Dagbani by Muhammad Baba Gutubu

close