Translation of the Meanings of the Noble Qur'an - Fulani translation * - Translations’ Index

Translation of the meanings Surah: Ad-Dukhān   Ayah:
Surahs’ Index Page Number HTML

Simoore Cuurki

Ayah: 1

حمٓ
Haa, Miim.
Arabic explanations of the Qur’an:

Ayah: 2

وَٱلۡكِتَٰبِ ٱلۡمُبِينِ
Mi woondirii Defere ɓanngunde nden !
Arabic explanations of the Qur’an:

Ayah: 3

إِنَّآ أَنزَلۡنَٰهُ فِي لَيۡلَةٖ مُّبَٰرَكَةٍۚ إِنَّا كُنَّا مُنذِرِينَ
Men jippinirii nde e jemma barkinaaɗo, Men siforii wonde jertinooɓe.
Arabic explanations of the Qur’an:

Ayah: 4

فِيهَا يُفۡرَقُ كُلُّ أَمۡرٍ حَكِيمٍ
Ko e on (jemma) woni ko senndetee kala fiyaaku ñeñaaɗo.
Arabic explanations of the Qur’an:

Ayah: 5

أَمۡرٗا مِّنۡ عِندِنَآۚ إِنَّا كُنَّا مُرۡسِلِينَ
Ɗum ko yamiroore immorde ka Amen. Men siforii wonde Nulooɓe.
Arabic explanations of the Qur’an:

Ayah: 6

رَحۡمَةٗ مِّن رَّبِّكَۚ إِنَّهُۥ هُوَ ٱلسَّمِيعُ ٱلۡعَلِيمُ
yurmeende immornde ka Joomi maa. Pellet, ko Kanko woni Nanoowo, Annduɗo On.
Arabic explanations of the Qur’an:

Ayah: 7

رَبِّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَآۖ إِن كُنتُم مُّوقِنِينَ
Jeyɗo kammuuli ɗin e leydi ndin e ko woni kon hakkunde majji, si wonii ko on yananaaɓe.
Arabic explanations of the Qur’an:

Ayah: 8

لَآ إِلَٰهَ إِلَّا هُوَ يُحۡيِۦ وَيُمِيتُۖ رَبُّكُمۡ وَرَبُّ ءَابَآئِكُمُ ٱلۡأَوَّلِينَ
Reweteeɗo goo alaa, si wanaa Kanko. Himo wuurna, Himo wara. Jeyɗo on Jeyi baabiraaɓe mon aramɓe ɓen.
Arabic explanations of the Qur’an:

Ayah: 9

بَلۡ هُمۡ فِي شَكّٖ يَلۡعَبُونَ
Ko woni tun, ɓe wonii e sikke, hiɓe fija.
Arabic explanations of the Qur’an:

Ayah: 10

فَٱرۡتَقِبۡ يَوۡمَ تَأۡتِي ٱلسَّمَآءُ بِدُخَانٖ مُّبِينٖ
Habbito ñalnde kammu ngun ardata e curki feeñuuki,
Arabic explanations of the Qur’an:

Ayah: 11

يَغۡشَى ٱلنَّاسَۖ هَٰذَا عَذَابٌ أَلِيمٞ
suddayki yimɓe ɓen. [Ɓe wi'anee]: "Ɗum ko lepte muusuɗe" !
Arabic explanations of the Qur’an:

Ayah: 12

رَّبَّنَا ٱكۡشِفۡ عَنَّا ٱلۡعَذَابَ إِنَّا مُؤۡمِنُونَ
"Joomi amen, huncan men lepte ɗen. Menen ko men gomɗimɓe".
Arabic explanations of the Qur’an:

Ayah: 13

أَنَّىٰ لَهُمُ ٱلذِّكۡرَىٰ وَقَدۡ جَآءَهُمۡ رَسُولٞ مُّبِينٞ
Ko honno ɓe waajitorta, ko goongo Nulaaɗo ɓannginɗo ariino ɓe?
Arabic explanations of the Qur’an:

Ayah: 14

ثُمَّ تَوَلَّوۡاْ عَنۡهُ وَقَالُواْ مُعَلَّمٞ مَّجۡنُونٌ
Refti ɓe hucciti, ɓe wi'i: "Ko tinndinaaɗo, haangaaɗo".
Arabic explanations of the Qur’an:

Ayah: 15

إِنَّا كَاشِفُواْ ٱلۡعَذَابِ قَلِيلًاۚ إِنَّكُمۡ عَآئِدُونَ
Awa ko Men ittooɓe lepte ɗen seeɗa; kono pellet, ko on ruttitotooɓe.
Arabic explanations of the Qur’an:

Ayah: 16

يَوۡمَ نَبۡطِشُ ٱلۡبَطۡشَةَ ٱلۡكُبۡرَىٰٓ إِنَّا مُنتَقِمُونَ
Ñalnde Men nanngiroyta wippannde mawnde nden, pellet, ko Men yottoytooɓe.
Arabic explanations of the Qur’an:

Ayah: 17

۞ وَلَقَدۡ فَتَنَّا قَبۡلَهُمۡ قَوۡمَ فِرۡعَوۡنَ وَجَآءَهُمۡ رَسُولٞ كَرِيمٌ
Gomɗii Men jarribinoke ado maɓɓe, yimɓe Fir'awna ɓen, Nulaaɗo tedduɗo ari e maɓɓe,
Arabic explanations of the Qur’an:

Ayah: 18

أَنۡ أَدُّوٓاْ إِلَيَّ عِبَادَ ٱللَّهِۖ إِنِّي لَكُمۡ رَسُولٌ أَمِينٞ
wonnde: "Waɗee e juuɗe am, jeyaaɓe Allah ɓen. Min ko mi Nulaaɗo e mon, hoolniiɗo.
Arabic explanations of the Qur’an:

Ayah: 19

وَأَن لَّا تَعۡلُواْ عَلَى ٱللَّهِۖ إِنِّيٓ ءَاتِيكُم بِسُلۡطَٰنٖ مُّبِينٖ
E wonde wata on townitano Allah, tawde mi addanay on hujja ɓannguɗo.
Arabic explanations of the Qur’an:

Ayah: 20

وَإِنِّي عُذۡتُ بِرَبِّي وَرَبِّكُمۡ أَن تَرۡجُمُونِ
Min kadi non, mi moolorii Jeyɗo lam On Jeyi on, nde fiɗotonmi kaaƴe.
Arabic explanations of the Qur’an:

Ayah: 21

وَإِن لَّمۡ تُؤۡمِنُواْ لِي فَٱعۡتَزِلُونِ
Si on gomɗinaa lam, haray selee lam".
Arabic explanations of the Qur’an:

Ayah: 22

فَدَعَا رَبَّهُۥٓ أَنَّ هَٰٓؤُلَآءِ قَوۡمٞ مُّجۡرِمُونَ
O noddi Joomi makko, wonnde: "Ɓee ɗoo, ko yimɓe bomɓe".
Arabic explanations of the Qur’an:

Ayah: 23

فَأَسۡرِ بِعِبَادِي لَيۡلًا إِنَّكُم مُّتَّبَعُونَ
"Yaadir e jeyaaɓe Am ɓen jemma; anndon ko on cukketeeɓe.
Arabic explanations of the Qur’an:

Ayah: 24

وَٱتۡرُكِ ٱلۡبَحۡرَ رَهۡوًاۖ إِنَّهُمۡ جُندٞ مُّغۡرَقُونَ
Accaa maayo ngon deeƴa [si on lummbii] ɓeya kan, ko konu yooleteengu".
Arabic explanations of the Qur’an:

Ayah: 25

كَمۡ تَرَكُواْ مِن جَنَّٰتٖ وَعُيُونٖ
Ɗuuɗii ko ɓe acci e gese e ɓulli,
Arabic explanations of the Qur’an:

Ayah: 26

وَزُرُوعٖ وَمَقَامٖ كَرِيمٖ
e remuruuji e koɗande teddunde,
Arabic explanations of the Qur’an:

Ayah: 27

وَنَعۡمَةٖ كَانُواْ فِيهَا فَٰكِهِينَ
e neemaaji ɗi ɓe wonunoo e neeminireede.
Arabic explanations of the Qur’an:

Ayah: 28

كَذَٰلِكَۖ وَأَوۡرَثۡنَٰهَا قَوۡمًا ءَاخَرِينَ
Ko wano non. Hooti Men ronini ɗi yimɓe goo.
Arabic explanations of the Qur’an:

Ayah: 29

فَمَا بَكَتۡ عَلَيۡهِمُ ٱلسَّمَآءُ وَٱلۡأَرۡضُ وَمَا كَانُواْ مُنظَرِينَ
Kammu ngun toɓaali ɓe, wanaa leydi ndin, ɓe wonaali kadi muñanteeɓe.
Arabic explanations of the Qur’an:

Ayah: 30

وَلَقَدۡ نَجَّيۡنَا بَنِيٓ إِسۡرَٰٓءِيلَ مِنَ ٱلۡعَذَابِ ٱلۡمُهِينِ
Gomɗii Men daɗndii ɓiɗɓe Israa'iila ɓen e lepte hoyneeje;
Arabic explanations of the Qur’an:

Ayah: 31

مِن فِرۡعَوۡنَۚ إِنَّهُۥ كَانَ عَالِيٗا مِّنَ ٱلۡمُسۡرِفِينَ
immorde e Fir'awna, tawde o laatino townitiiɗo, jeyaaɗo e fantimɓe ɓen.
Arabic explanations of the Qur’an:

Ayah: 32

وَلَقَدِ ٱخۡتَرۡنَٰهُمۡ عَلَىٰ عِلۡمٍ عَلَى ٱلۡعَٰلَمِينَ
Gomɗii Men suɓorike ɓe e dow ganndal e hoore winndere nden,
Arabic explanations of the Qur’an:

Ayah: 33

وَءَاتَيۡنَٰهُم مِّنَ ٱلۡأٓيَٰتِ مَا فِيهِ بَلَٰٓؤٞاْ مُّبِينٌ
Men okki ɓe maandeeji, ɗi jarrabuyee ɓannguɗo woni e mun.
Arabic explanations of the Qur’an:

Ayah: 34

إِنَّ هَٰٓؤُلَآءِ لَيَقُولُونَ
Ɓee kan no wi'a:
Arabic explanations of the Qur’an:

Ayah: 35

إِنۡ هِيَ إِلَّا مَوۡتَتُنَا ٱلۡأُولَىٰ وَمَا نَحۡنُ بِمُنشَرِينَ
"Ndee wonaali, si wanaa maayde amen aranere nden tun. Men wonatah immintinoyteeɓe.
Arabic explanations of the Qur’an:

Ayah: 36

فَأۡتُواْ بِـَٔابَآئِنَآ إِن كُنتُمۡ صَٰدِقِينَ
Awa artiree baabiraaɓe amen ɓen, si wonii ko on goonguɓe".
Arabic explanations of the Qur’an:

Ayah: 37

أَهُمۡ خَيۡرٌ أَمۡ قَوۡمُ تُبَّعٖ وَٱلَّذِينَ مِن قَبۡلِهِمۡ أَهۡلَكۡنَٰهُمۡۚ إِنَّهُمۡ كَانُواْ مُجۡرِمِينَ
Kere ko kamɓe ɓuri moƴƴude kaa ko yimɓe "Tubba'in" ɓen e ɓeya adinooɓe ɓe? Men halkuno ɓen, tawde hari ko ɓe bomɓe.
Arabic explanations of the Qur’an:

Ayah: 38

وَمَا خَلَقۡنَا ٱلسَّمَٰوَٰتِ وَٱلۡأَرۡضَ وَمَا بَيۡنَهُمَا لَٰعِبِينَ
Men tagiraali kammuuli ɗin e leydi ndin e ko woni hakkunde majji kon, fijooɓe.
Arabic explanations of the Qur’an:

Ayah: 39

مَا خَلَقۡنَٰهُمَآ إِلَّا بِٱلۡحَقِّ وَلَٰكِنَّ أَكۡثَرَهُمۡ لَا يَعۡلَمُونَ
Men tagiraali ɗin ɗiɗi, si wanaa e goonga. Kono ko ɓuri ɗuuɗude e maɓɓe, ɓe anndaa.
Arabic explanations of the Qur’an:

Ayah: 40

إِنَّ يَوۡمَ ٱلۡفَصۡلِ مِيقَٰتُهُمۡ أَجۡمَعِينَ
Pellet, ko Ñalaande Senndindiro ngon, woni ko ɓe saatinanaa, kamɓe fof.
Arabic explanations of the Qur’an:

Ayah: 41

يَوۡمَ لَا يُغۡنِي مَوۡلًى عَن مَّوۡلٗى شَيۡـٔٗا وَلَا هُمۡ يُنصَرُونَ
Ñalnde nde giɗo duncanoytaa giɗo [mun] hay huunde; ɓe wonaali kadi walloyteeɓe,
Arabic explanations of the Qur’an:

Ayah: 42

إِلَّا مَن رَّحِمَ ٱللَّهُۚ إِنَّهُۥ هُوَ ٱلۡعَزِيزُ ٱلرَّحِيمُ
si wanaa mo Allah yurmaa woo. Pellet, ko Kanko woni Fooluɗo, Hinnotooɗo On.
Arabic explanations of the Qur’an:

Ayah: 43

إِنَّ شَجَرَتَ ٱلزَّقُّومِ
Pellet, leggal Zaqquumi ngal,
Arabic explanations of the Qur’an:

Ayah: 44

طَعَامُ ٱلۡأَثِيمِ
ko ñaametee bakkondimɓe ɓen.
Arabic explanations of the Qur’an:

Ayah: 45

كَٱلۡمُهۡلِ يَغۡلِي فِي ٱلۡبُطُونِ
A sikkay ko taayinaa ; hino fata ka nder deedi.
Arabic explanations of the Qur’an:

Ayah: 46

كَغَلۡيِ ٱلۡحَمِيمِ
Wano wulɗam fatirta.
Arabic explanations of the Qur’an:

Ayah: 47

خُذُوهُ فَٱعۡتِلُوهُ إِلَىٰ سَوَآءِ ٱلۡجَحِيمِ
Nanngee mo pooɗiron ka hakkunde dulɓaynge.
Arabic explanations of the Qur’an:

Ayah: 48

ثُمَّ صُبُّواْ فَوۡقَ رَأۡسِهِۦ مِنۡ عَذَابِ ٱلۡحَمِيمِ
refti yuppon ka hoore makko, lepte fatinaaɗe ɗen.
Arabic explanations of the Qur’an:

Ayah: 49

ذُقۡ إِنَّكَ أَنتَ ٱلۡعَزِيزُ ٱلۡكَرِيمُ
Meeɗu non ! An [sikkunooɗo] ko a fooluɗo, tedduɗo.
Arabic explanations of the Qur’an:

Ayah: 50

إِنَّ هَٰذَا مَا كُنتُم بِهِۦ تَمۡتَرُونَ
Awa ko ɗum woni kon ko sikkitiɗon e mum.
Arabic explanations of the Qur’an:

Ayah: 51

إِنَّ ٱلۡمُتَّقِينَ فِي مَقَامٍ أَمِينٖ
Pellet, gomɗuɓe ɓen wonii e weerde hoolniinde,
Arabic explanations of the Qur’an:

Ayah: 52

فِي جَنَّٰتٖ وَعُيُونٖ
e nder gese e ɓulli,
Arabic explanations of the Qur’an:

Ayah: 53

يَلۡبَسُونَ مِن سُندُسٖ وَإِسۡتَبۡرَقٖ مُّتَقَٰبِلِينَ
hiɓe ɓoornoo ko ɗaati e ko tekki, hara hiɓe fewtondiri.
Arabic explanations of the Qur’an:

Ayah: 54

كَذَٰلِكَ وَزَوَّجۡنَٰهُم بِحُورٍ عِينٖ
Ko wano non. Men resini ɓe kadi yaajuɓe gite.
Arabic explanations of the Qur’an:

Ayah: 55

يَدۡعُونَ فِيهَا بِكُلِّ فَٰكِهَةٍ ءَامِنِينَ
Hiɓe nodda toon, kala muuyanteeɗi, hara ko ɓe hooliiɓe.
Arabic explanations of the Qur’an:

Ayah: 56

لَا يَذُوقُونَ فِيهَا ٱلۡمَوۡتَ إِلَّا ٱلۡمَوۡتَةَ ٱلۡأُولَىٰۖ وَوَقَىٰهُمۡ عَذَابَ ٱلۡجَحِيمِ
Ɓe meeɗataa ton maayde, si wanaa maayde aranere nden. O daɗnda ɓe lepte Jahiimi ɗen.
Arabic explanations of the Qur’an:

Ayah: 57

فَضۡلٗا مِّن رَّبِّكَۚ ذَٰلِكَ هُوَ ٱلۡفَوۡزُ ٱلۡعَظِيمُ
ko dokkal non, immorde ka Joomi maa. Awa ko ɗum woni maloore mawnde nden.
Arabic explanations of the Qur’an:

Ayah: 58

فَإِنَّمَا يَسَّرۡنَٰهُ بِلِسَانِكَ لَعَلَّهُمۡ يَتَذَكَّرُونَ
Ko Men newiniri nde e ɗamngal maaɗa, ko no ɓe waajitora.
Arabic explanations of the Qur’an:

Ayah: 59

فَٱرۡتَقِبۡ إِنَّهُم مُّرۡتَقِبُونَ
Habiito. Kamɓe ko ɓe habbitiiɓe.
Arabic explanations of the Qur’an:
 
Translation of the meanings Surah: Ad-Dukhān
Surahs’ Index Page Number
 
Translation of the Meanings of the Noble Qur'an - Fulani translation - Translations’ Index

Translation of the meanings of the Noble Qur'an into the Fulani language, translated by the team of Rowad Translation Center, in collaboration with www.islamhouse.com

close