Translation of the meanings Surah Al-Kawthar - Khmer translation of Abridged Explanation of the Quran - The Noble Qur'an Encyclopedia

សូរ៉ោះអាល់កាវសើរ

Purposes of the Surah:

بيان منّة الله على نبيه صلى الله عليه وسلم بالخير الكثير؛ والدفاع عنه.

បញ្ជាក់អំពីគុណបំណាច់របស់អល់ឡោះជាម្ចាស់ចំពោះព្យាការីមូហាំម៉ាត់ ដោយទ្រង់បានប្រទានដល់គាត់នូវប្រការល្អជាច្រើន ព្រមទាំងបានការពារគាត់ថែមទៀត។

---

Ayah: 1

إِنَّآ أَعۡطَيۡنَٰكَ ٱلۡكَوۡثَرَ

ពិតប្រាកដណាស់ យើងបានប្រទានឱ្យអ្នក(ឱអ្នកនាំសារមូហាំម៉ាត់)នូវប្រការល្អជាច្រើន ដែលក្នុងនោះ គឺមានទន្លេមួយនៅក្នុងឋានសួគ៌ដែលមានឈ្មោះថា អាល់កាវសើរ។

Ayah: 2

فَصَلِّ لِرَبِّكَ وَٱنۡحَرۡ

ហេតុនេះ ចូរអ្នកថ្លែងអំណរគុណអល់ឡោះចំពោះឧបការគុណនេះ ដោយអ្នកត្រូវប្រតិបត្តិសឡាតចំពោះអល់ឡោះ និងសម្លេះសត្វដើម្បីម្ចាស់របស់អ្នកតែមួយគត់ ខុសពីអ្វីដែលពួកមុស្ហរីគីន(ពួកពហុទេពនិយម)បានធ្វើ ដោយពួកគេបញ្ជិតខ្លួនទៅកាន់រូបបដិមារបស់ពួកគេដោយសារសម្លេះសត្វនោះ។

Ayah: 3

إِنَّ شَانِئَكَ هُوَ ٱلۡأَبۡتَرُ

ពិតប្រាកដណាស់ អ្នកដែលខឹងសម្បារនឹងអ្នកនោះ គឺជាបុគ្គលដែលត្រូវបានគេកាត់ផ្តាច់ពីប្រការល្អទាំងអស់ ជាអ្នកដែលត្រូវគេបំភ្លេចមិននឹកនានោះឡើយ ហើយបើទោះបីជាគេរំលឹកពីពួកគេ ក៏គេរំលឹកតែពីរឿងអាក្រក់របស់គេដែរ។

Benefits of the verses in this page:

• أهمية الأمن في الإسلام.

• សារសំខាន់នៃសុខសន្តិភាពក្នុងឥស្លាម។

• الرياء أحد أمراض القلوب، وهو يبطل العمل.

• រីយ៉ាក(ការធ្វើអ្វីមួយដោយគ្រាន់តែចង់ឱ្យគេឃើញ) គឺជាជំងឺផ្លូវចិត្តមួយ ហើយវានឹងធ្វើឱ្យទង្វើកុសលដែលគេធ្វើនោះក្លាយជាមោឃៈ។

• مقابلة النعم بالشكر يزيدها.

• ការថ្លែងអំណរគុណទៅចំពោះឧបការគុណដែលទទួលបាន នឹងធ្វើឲ្យគេកាន់តែទទួលបាននូវឧបការគុណនោះថែមទៀត។

• كرامة النبي صلى الله عليه وسلم على ربه وحفظه له وتشريفه له في الدنيا والآخرة.

• ភាពខ្ពង់ខ្ពស់របស់ព្យាការីមូហាំម៉ាត់ចំពោះម្ចាស់របស់គាត់ ការថែរក្សារបស់ទ្រង់ចំពោះគាត់ និងការផ្តល់កិត្តិយសដល់គាត់ ទាំងក្នុងលោកិយនិងនៅថ្ងៃបរលោក។