Translation of the meanings Ayah 80 Surah Maryam - Kurdish translation of Al-Mukhtsar in interpretation of the Noble Quran - The Noble Qur'an Encyclopedia

Ayah: 80

وَنَرِثُهُۥ مَا يَقُولُ وَيَأۡتِينَا فَرۡدٗا

وە کاتێک دەیشمرێت و تیادەچێت ئێمە میراتگری ماڵ و منداڵ و سامانی دەبین، ھەمووی لێ دەسێنینەوە و ھیچی لەگەڵ خۆیدا نابات، وە لە ڕۆژی قیامەتدا بە تەنھا دێتە لامان بۆ لێپرسینەوە، ئەوەی ڕایدەبوارد پێی لە ماڵ و منداڵ و سەروەت و سامان و پلە و پایە، ھەمووی لێ دەسەنرێتەوە و ھیچ لەگەڵ خۆیدا نابات.

Benefits of the verses in this page:

• تدل الآيات على سخف الكافر وسَذَاجة تفكيره، وتَمَنِّيه الأماني المعسولة، وهو سيجد نقيضها تمامًا في عالم الآخرة.

ئەم ئایەتانە بەڵگەن لەسەر سووکی و بێ نرخی بێباوەڕ، وە لەسەر ھیچ و پوچی بیرکردنەوەی، وە لەسەر بێ بایەخی ئەو ئومێد و ئاواتە ھەنگوینیانەی کە دەیخوازێت، گوایە ئەگەر زیندوو بکرێتەوە لە ڕۆژی دواییدا باشتر و چاکتری پێ دەدرێت، بەڵام نازانێت لە ڕۆژی دواییدا پێچەوانەکەی دەبینێتەوە.

• سلَّط الله الشياطين على الكافرين بالإغواء والإغراء بالشر، والإخراج من الطاعة إلى المعصية.

خوای گەورە شەیتانەکانی زاڵ کردووە بەسەر بێباوەڕاندا، بەوەی لەسەر ڕێگای ڕاست لایان دەدەن، وە سەرگەردان و گومڕایان دەکەن، وە لەتاعەت و گوێڕایەڵی خوا دووریان دەخەنەوە بۆ سەرپێچی و بێ فەرمانی ئەو.

• أهل الفضل والعلم والصلاح يشفعون بإذن الله يوم القيامة.

کەسانی خواناس لە خاوەن فەزڵ و چاکەکار، بەیارمەتی و مۆڵەتی خوای گەورە تکا و شەفاعەت بۆ کەسانی تر دەکەن.