Translation of the meanings Ayah 16 Surah Ar-Ra‘d - Pashto translation - Maulvi Janbaz Sarfaraz - The Noble Qur'an Encyclopedia

Ayah: 16

قُلْ مَنْ رَّبُّ السَّمٰوٰتِ وَالْاَرْضِ ؕ— قُلِ اللّٰهُ ؕ— قُلْ اَفَاتَّخَذْتُمْ مِّنْ دُوْنِهٖۤ اَوْلِیَآءَ لَا یَمْلِكُوْنَ لِاَنْفُسِهِمْ نَفْعًا وَّلَا ضَرًّا ؕ— قُلْ هَلْ یَسْتَوِی الْاَعْمٰی وَالْبَصِیْرُ ۙ۬— اَمْ هَلْ تَسْتَوِی الظُّلُمٰتُ وَالنُّوْرُ ۚ۬— اَمْ جَعَلُوْا لِلّٰهِ شُرَكَآءَ خَلَقُوْا كَخَلْقِهٖ فَتَشَابَهَ الْخَلْقُ عَلَیْهِمْ ؕ— قُلِ اللّٰهُ خَالِقُ كُلِّ شَیْءٍ وَّهُوَ الْوَاحِدُ الْقَهَّارُ ۟

ای محمده! ووایه چې د اسمانونو او ځمکې رب څوک دی؟ ورته ووایه چې یوازې یو الله دی. ای محمده! ووایه چې خبره همدا ده نو تاسې ولې پرته له هغه نه داسې دوستان نیولي چې خپلو ځانو ته د ګټې او تاوان واک نه لري؟ ای محمده! ووایه ایا ړوند او بینا یو برابر دي؟ او ایا تیارې او رڼا سره یو شان دي؟ او ایا دوی له الله سره شریکان نیولي؟ ایا د دوی شریکانو د الله په شان پیدایښت کړی؟ چې له دې کبله پر هغوی د پیدایښت موضوع د اشتباه وړ ګرځیدلې؟ ووایه چې الله پاک د هر شي پیدا کوونکی، یو، او په هر څه برلاسی او زورور دی.