Translation of the meaning of the noble Quran - Uzbek translation * - Translations


Translation of the meaning of Sura: Ad-Dhuhaa
Aya:
 

Zuho surasi

وَٱلضُّحَىٰ
1. Чошгоҳ вақтига қасам.
Arabic short Tafasir:
وَٱلَّيۡلِ إِذَا سَجَىٰ
2. (Ўз зулмати билан чор-атрофни) қоплаб-ўраб олган кечага қасамки,
Arabic short Tafasir:
مَا وَدَّعَكَ رَبُّكَ وَمَا قَلَىٰ
3. (Эй Муҳаммад алайҳис-салоту вас-салом), Парвардигорингиз сизни тарк этгани ҳам йўқ, ёмон кўриб қолгани ҳам йўқдир.
И з о ҳ. Ушбу оятлар Пайғамбаримизга ваҳий келиши бир неча муддат тўхтаб қолган ва айрим мушриклар «Мана Муҳаммадни Парвардигори ташлаб кетди», деб гап тарқатган вақтларида нозил бўлгандир. Аллоҳ таоло Ўзи яратган чошгоҳ (ёруғлик) ва кеча (қоронғулик) ҳақига қасам билан Муҳаммад алайҳис-салоту вас-саломни тарк этмагани ва ёмон кўриб қолмагани ҳақида хабар бериш орқали гўё ойнинг (ваҳий келмай қолган) ўн беши қоронғу бўлган бўлса, қолган ўн беши ёруғ бўлишига ишора қилаётгандек.
Arabic short Tafasir:
وَلَلۡأٓخِرَةُ خَيۡرٞ لَّكَ مِنَ ٱلۡأُولَىٰ
4. Албатта Охират сиз учун дунёдан яхшироқдир.
Arabic short Tafasir:
وَلَسَوۡفَ يُعۡطِيكَ رَبُّكَ فَتَرۡضَىٰٓ
5. Яқинда Парвардигорингиз сизга (шундай неъматлар) ато этурки, сиз (у илоҳий марҳаматлардан) рози бўлурсиз.
Arabic short Tafasir:
أَلَمۡ يَجِدۡكَ يَتِيمٗا فَـَٔاوَىٰ
6. (Эй Муҳаммад алайҳис-салоту вас-салом, Парвардигорингиз) сизни етим ҳолда топгач, бошпана бермадими?
И з о ҳ. Бу ўринда Пайғамбар алайҳис-салоту вас-салом ёш гўдаклик чоғларида етим бўлиб қолганларида аввал боболари Абдулмутталиб, сўнгра амакилари Абу Толиб қарамоғларида тарбия топганларига ишора қилинмоқда.
Arabic short Tafasir:
وَوَجَدَكَ ضَآلّٗا فَهَدَىٰ
7. У зот сизни гумроҳ-ғофил ҳолда топиб, (Ҳақ йўлига) ҳидоят қилиб қўйди-ку!
Arabic short Tafasir:
وَوَجَدَكَ عَآئِلٗا فَأَغۡنَىٰ
8. У зот сизни камбағал ҳолда топиб, бой қилиб қўйди-ку!
Arabic short Tafasir:
فَأَمَّا ٱلۡيَتِيمَ فَلَا تَقۡهَرۡ
9. Бас, энди сиз ҳам етимга қаҳр қилманг!
Arabic short Tafasir:
وَأَمَّا ٱلسَّآئِلَ فَلَا تَنۡهَرۡ
10. Сўровчи гадони эса (бирон нарса бермасдан) ҳайдаманг!
Arabic short Tafasir:
وَأَمَّا بِنِعۡمَةِ رَبِّكَ فَحَدِّثۡ
11. Парвардигорингознинг (сизга ато этган пайғамбарлик ва бошқа барча) неъмати ҳақида (кишиларга доимо) сўзланг!
И з о ҳ. Ушбу илоҳий йўл-йўриқлар фақат Пайғамбар алайҳис-салоту вас-саломнинг ўзларига тааллуқли бўлмай, балки у зотнинг барча умматларига ҳам алоқадордир. Зеро ҳар бир иймон-эътиқодли кишининг бурчи ўзи фазлу марҳаматига муҳтож бўлган энг олий зот Аллоҳ таолонинг унга ато этган беҳисоб ноз-неъматларини эслаб, ўзига муҳтож бўлган етим-бечораларга зулм қилмай, аксинча уларга қўлидан келганича ёрдам бериб юрмоқдир.
Arabic short Tafasir:

 
Translation of the meaning of Sura: Ad-Dhuhaa
Sura list Page number
 
Translation of the meaning of the noble Quran - Uzbek translation - Translations

Alauddin Mansour's translation of the meanings of the noble Qur'an into Uzbek, (1430 AH). NB. The translation of some verses (indicated) are corrected by the Rowwad Translation Center. Original translations are available for comments, assessment, and development.

Close