Translation of the Meanings of the Noble Qur'an - Yau Translation * - Translations’ Index


Translation of the meanings Ayah: (2) Surah: An-Noor
ٱلزَّانِيَةُ وَٱلزَّانِي فَٱجۡلِدُواْ كُلَّ وَٰحِدٖ مِّنۡهُمَا مِاْئَةَ جَلۡدَةٖۖ وَلَا تَأۡخُذۡكُم بِهِمَا رَأۡفَةٞ فِي دِينِ ٱللَّهِ إِن كُنتُمۡ تُؤۡمِنُونَ بِٱللَّهِ وَٱلۡيَوۡمِ ٱلۡأٓخِرِۖ وَلۡيَشۡهَدۡ عَذَابَهُمَا طَآئِفَةٞ مِّنَ ٱلۡمُؤۡمِنِينَ
Jwankongwe jwachigwagwa ni jwannume jwachikululu basi jenumanja munnyesyani jwalijose mwa jamanjao mipichi jakwana lichila (100), soni chikantesya chanasa ligongo lyaŵaŵilio pa (kupitisya) dini ja Allah (malamusi galamwile pa ŵanyao), nam’baga jenumanja nkunkulupililaga Allah ni Lisiku Lyambesi. Soni likuga lya ŵakulupilila lilolele ilagasyo yaoyo.[1]
(24:1) (a) Akusimulila Abu Hurairah رضى الله عنه yanti: Ntume jwa Allahﷺjwalamwile pa jwangalombela jwatesile chikululu, kuti aŵinjidwe kwa chaka chantundu, pamo ni kupochela mpichi wakwe wakuŵajilwa (annyesye mipichi jakwana lichila [100]). (Swahîh Al-Bukhârî, Hadith No. 6444). (b) Akusimulila Jâbir bin Abdullah Al-Answârî رضى الله عنه yanti: Mundu jwakuumila ku lukosyo lwa Bani Aslam jwayiche kwa Ntume ﷺ Ntumejo juli mu nsikiti, nijwatite kuti jwalakwejo jutesile chikululu. Basi Ntume ﷺ niŵantundumalile mundu jula. Nambo jwalakwe jwagalauchile soni ku upande wajwatundumalile Ntumeo, ni jwalitendele umboni nsyene kakwana kacheche. Kaneka Ntume ﷺ niŵam’bilasile mundu jula nikum’busya kuti: “Ana mmwe ŵamasoka?” Jwalakwe jwatite: “Ngwamba!” Niŵam’busyisye soni kuti: “Ana mmwe ŵalombele?” Jwalakwe jwaite: “Elo.” Basi Ntume ﷺ ŵalamwile kuti jusomedwe maganga mundunjo (mpaka kuwa ligongo lyakutenda chikululu juli jwannombele). (Swahîh Al-Bukhâarî, Hadith No. 4969).
Arabic explanations of the Qur’an:
 
Translation of the meanings Ayah: (2) Surah: An-Noor
Surahs’ Index Page Number
 
Translation of the Meanings of the Noble Qur'an - Yau Translation - Translations’ Index

Translation of the Quran meanings into Yau by Muhammad bin Abdul Hamid Silika.

close