ترجمهٔ معانی سوره سوره صافات - الترجمة البشتوية - سرفراز - دایرة المعارف قرآن کریم

الصافات

آیه: 1

وَالصّٰٓفّٰتِ صَفًّا ۟ۙ

قسم پر کتار او صف جوړوونکو.

آیه: 2

فَالزّٰجِرٰتِ زَجْرًا ۟ۙ

او قسم پر شړونکو.

آیه: 3

فَالتّٰلِیٰتِ ذِكْرًا ۟ۙ

او قسم پر ذکر کوونکو

آیه: 4

اِنَّ اِلٰهَكُمْ لَوَاحِدٌ ۟ؕ

چې بې شکه ستاسې معبود یکې یو دی.

آیه: 5

رَبُّ السَّمٰوٰتِ وَالْاَرْضِ وَمَا بَیْنَهُمَا وَرَبُّ الْمَشَارِقِ ۟ؕ

د اسمانونو، ځمکې، د دواړو په مینځ کې د ټولو څیزونو او د بي شمیرو ختیځونو رب دی.

آیه: 6

اِنَّا زَیَّنَّا السَّمَآءَ الدُّنْیَا بِزِیْنَةِ ١لْكَوَاكِبِ ۟ۙ

مونږ نږدې اسمان د ستورو په ښایست سره سینګار کړی دی.

آیه: 7

وَحِفْظًا مِّنْ كُلِّ شَیْطٰنٍ مَّارِدٍ ۟ۚ

او هم مو له هر خپل سري شیطان څخه ژغورلی دی.

آیه: 8

لَا یَسَّمَّعُوْنَ اِلَی الْمَلَاِ الْاَعْلٰی وَیُقْذَفُوْنَ مِنْ كُلِّ جَانِبٍ ۟

شیطانان د پورته عالم خبر وته غوږ نه شي نیولی او له هرې لورې ویشتلی شي.

آیه: 9

دُحُوْرًا وَّلَهُمْ عَذَابٌ وَّاصِبٌ ۟ۙ

ښه پوره شړل کیږي او تل پاتې عذاب يې په برخه دی.

آیه: 10

اِلَّا مَنْ خَطِفَ الْخَطْفَةَ فَاَتْبَعَهٗ شِهَابٌ ثَاقِبٌ ۟

بیا هم که کوم یو يې په منډه څه وتښتوي نو سوزوونکې لمبه ورپسې شي.

آیه: 11

فَاسْتَفْتِهِمْ اَهُمْ اَشَدُّ خَلْقًا اَمْ مَّنْ خَلَقْنَا ؕ— اِنَّا خَلَقْنٰهُمْ مِّنْ طِیْنٍ لَّازِبٍ ۟

نو اوس کافران وپوښته چې د هغوی پیدایښت سخت دی او که د هغو څیزونو چې مونږ پیدا کړي دي؟ له شکه وتلې ده چې دوی مو له سریښناکې خټې نه پیدا کړي.

آیه: 12

بَلْ عَجِبْتَ وَیَسْخَرُوْنَ ۪۟

ته د عالم هر څه ته په تعجب کې يې او هغوی پرې ملنډې وهي.

آیه: 13

وَاِذَا ذُكِّرُوْا لَا یَذْكُرُوْنَ ۪۟

او چې پند ورکړای شي نه يې اخلي.

آیه: 14

وَاِذَا رَاَوْا اٰیَةً یَّسْتَسْخِرُوْنَ ۪۟

او چې هره لویه نښه وویني نو ملنډې وهي.

آیه: 15

وَقَالُوْۤا اِنْ هٰذَاۤ اِلَّا سِحْرٌ مُّبِیْنٌ ۟ۚۖ

او وايې چې دا پرته له ښکاره جادو بل هیڅ نه دی.

آیه: 16

ءَاِذَا مِتْنَا وَكُنَّا تُرَابًا وَّعِظَامًا ءَاِنَّا لَمَبْعُوْثُوْنَ ۟ۙ

او وایې چې ایا مونږ مړه، خاورې او هډوکې شو نو بیرته به ژوندي راپاڅول کیږو؟

آیه: 17

اَوَاٰبَآؤُنَا الْاَوَّلُوْنَ ۟ؕ

او زموږ تیر پلرونه او نیکونه هم؟

آیه: 18

قُلْ نَعَمْ وَاَنْتُمْ دَاخِرُوْنَ ۟ۚ

ای محمده! وووایه چې: هو! او تاسې خورا سپک او بې وسې يې.

آیه: 19

فَاِنَّمَا هِیَ زَجْرَةٌ وَّاحِدَةٌ فَاِذَا هُمْ یَنْظُرُوْنَ ۟

قیامت خو بس یو ټکان دی. ناببره به هر څه په خپله وویني.

آیه: 20

وَقَالُوْا یٰوَیْلَنَا هٰذَا یَوْمُ الدِّیْنِ ۟

او و به وايې چې: افسوس پر مونږ دا خو د جزا ورځ ده.

آیه: 21

هٰذَا یَوْمُ الْفَصْلِ الَّذِیْ كُنْتُمْ بِهٖ تُكَذِّبُوْنَ ۟۠

ورته به وویل شي چې: هو! دا د پریکړې هغه ورځ ده چې تاسې به درواغ ګڼله.

آیه: 22

اُحْشُرُوا الَّذِیْنَ ظَلَمُوْا وَاَزْوَاجَهُمْ وَمَا كَانُوْا یَعْبُدُوْنَ ۟ۙ

الله به امر وکړي چې ظالمان د هغوی ښځې، انډیوالان او هغه خدایان چې پرته له الله يي هغوی عبادت کاوه راټول کړئ.

آیه: 23

مِنْ دُوْنِ اللّٰهِ فَاهْدُوْهُمْ اِلٰی صِرَاطِ الْجَحِیْمِ ۟

او ټولو ته د دوزخ لار ور وښايئ.

آیه: 24

وَقِفُوْهُمْ اِنَّهُمْ مَّسْـُٔوْلُوْنَ ۟ۙ

او ويي دره وئ چې پوښتنه ترې کیږي.

آیه: 25

مَا لَكُمْ لَا تَنَاصَرُوْنَ ۟

په تاسې څه وشول؟ ولې یو له بل سره لاس نه کوي؟

آیه: 26

بَلْ هُمُ الْیَوْمَ مُسْتَسْلِمُوْنَ ۟

هو! نن ټول ځانونه تسلیموي.

آیه: 27

وَاَقْبَلَ بَعْضُهُمْ عَلٰی بَعْضٍ یَّتَسَآءَلُوْنَ ۟

یو به پر بل مخ واړوي او سره به پوښتي.

آیه: 28

قَالُوْۤا اِنَّكُمْ كُنْتُمْ تَاْتُوْنَنَا عَنِ الْیَمِیْنِ ۟

تاسې واست چې له ښي ړخ نه پر مونږ راتلئ.

آیه: 29

قَالُوْا بَلْ لَّمْ تَكُوْنُوْا مُؤْمِنِیْنَ ۟ۚ

نور به ځواب ورکړي چې : نه: بلکې تاسې په خپله ایمان راوړونکي نه واست.

آیه: 30

وَمَا كَانَ لَنَا عَلَیْكُمْ مِّنْ سُلْطٰنٍ ۚ— بَلْ كُنْتُمْ قَوْمًا طٰغِیْنَ ۟

زمونږ خو پر تاسې کوم زور نه و. بلکې تاسې په خپله سرغړوونکي خلک واست.

آیه: 31

فَحَقَّ عَلَیْنَا قَوْلُ رَبِّنَاۤ ۖۗ— اِنَّا لَذَآىِٕقُوْنَ ۟

هو! زمونږ د رب خبره پر مونږ پخه شوه نو ځکه د عذاب څکونکي یو.

آیه: 32

فَاَغْوَیْنٰكُمْ اِنَّا كُنَّا غٰوِیْنَ ۟

هو! مونږ تاسې ته د همغو بې لاریو په لور بلنه درکړې چې مونږ پرې وو.

آیه: 33

فَاِنَّهُمْ یَوْمَىِٕذٍ فِی الْعَذَابِ مُشْتَرِكُوْنَ ۟

بې له شکه نن به ټول په عذاب کې برخه من وي.

آیه: 34

اِنَّا كَذٰلِكَ نَفْعَلُ بِالْمُجْرِمِیْنَ ۟

او مونږ مجرمانو ته همدا وړ جزا ورکوو.

آیه: 35

اِنَّهُمْ كَانُوْۤا اِذَا قِیْلَ لَهُمْ لَاۤ اِلٰهَ اِلَّا اللّٰهُ یَسْتَكْبِرُوْنَ ۟ۙ

دوی وو چې کله به ورته وویل شو چې: پرته له الله بل معبود نشته نو لويې به يې کوله.

آیه: 36

وَیَقُوْلُوْنَ اَىِٕنَّا لَتَارِكُوْۤا اٰلِهَتِنَا لِشَاعِرٍ مَّجْنُوْنٍ ۟ؕ

او ویلي به يې: ایا مونږ خپل خدایان د یوه لیونی شاعر په خوله پریږدو؟

آیه: 37

بَلْ جَآءَ بِالْحَقِّ وَصَدَّقَ الْمُرْسَلِیْنَ ۟

نه: هغه لیونې نه: بلکې حق يي راوړی او پخواني پیغمبران رښتیني ګڼي.

آیه: 38

اِنَّكُمْ لَذَآىِٕقُوا الْعَذَابِ الْاَلِیْمِ ۟ۚ

بې له شکه به تاسې دردناک عذاب وڅکئ.

آیه: 39

وَمَا تُجْزَوْنَ اِلَّا مَا كُنْتُمْ تَعْمَلُوْنَ ۟ۙ

او د خپلو عملونو جزا به درکړای شي.

آیه: 40

اِلَّا عِبَادَ اللّٰهِ الْمُخْلَصِیْنَ ۟

خو د الله غوره بنده ګان به له دې بدي ورځې نه خوندي وي.

آیه: 41

اُولٰٓىِٕكَ لَهُمْ رِزْقٌ مَّعْلُوْمٌ ۟ۙ

د هغوی لپاره ټاکلې روزي ده.

آیه: 42

فَوَاكِهُ ۚ— وَهُمْ مُّكْرَمُوْنَ ۟ۙ

هر ډول میوې او هلته به عزتمن وي.

آیه: 43

فِیْ جَنّٰتِ النَّعِیْمِ ۟ۙ

د نعمتونو په باغونو کې به وي.

آیه: 44

عَلٰی سُرُرٍ مُّتَقٰبِلِیْنَ ۟

یو بل ته پر مخامخ تختونو به وي.

آیه: 45

یُطَافُ عَلَیْهِمْ بِكَاْسٍ مِّنْ مَّعِیْنٍ ۟ۙ

د خالصو او پاکو شرابو ډکې پیالې به پرې ګرځول کیږي.

آیه: 46

بَیْضَآءَ لَذَّةٍ لِّلشّٰرِبِیْنَ ۟ۚ

تک سپین، پاک او څښونکي به ترې خوند اخلي.

آیه: 47

لَا فِیْهَا غَوْلٌ وَّلَا هُمْ عَنْهَا یُنْزَفُوْنَ ۟

نه به پکې څه تاوان او ضرر او نه به پرې هغوی نیشه کیږي.

آیه: 48

وَعِنْدَهُمْ قٰصِرٰتُ الطَّرْفِ عِیْنٌ ۟ۙ

نظر ژغورونکي د ښایسته غټو سترګو لرونکي ښځې به ورسره وي.

آیه: 49

كَاَنَّهُنَّ بَیْضٌ مَّكْنُوْنٌ ۟

ګواکې پوښل شوي هکۍ دي.

آیه: 50

فَاَقْبَلَ بَعْضُهُمْ عَلٰی بَعْضٍ یَّتَسَآءَلُوْنَ ۟

جنتیان به یو پر بل مخ اړوي او سره به پوښتي

آیه: 51

قَالَ قَآىِٕلٌ مِّنْهُمْ اِنِّیْ كَانَ لِیْ قَرِیْنٌ ۟ۙ

نو یو به ووایې چې: زما یو دوست و.

آیه: 52

یَّقُوْلُ ءَاِنَّكَ لَمِنَ الْمُصَدِّقِیْنَ ۟

ماته به يې ویل: ایا ته له رښتیاویونکو يې؟

آیه: 53

ءَاِذَا مِتْنَا وَكُنَّا تُرَابًا وَّعِظَامًا ءَاِنَّا لَمَدِیْنُوْنَ ۟

چې کله مونږ مړه، خاورې، او هډوکي شو نو مونږ ته به جزا راکولای شي؟

آیه: 54

قَالَ هَلْ اَنْتُمْ مُّطَّلِعُوْنَ ۟

نو غواړئ چې ددې سړي له حال نه خبر شئ؟

آیه: 55

فَاطَّلَعَ فَرَاٰهُ فِیْ سَوَآءِ الْجَحِیْمِ ۟

چې معلومات يي واخیست نو هغه يي دوزخ په مینځ کې مینده کړ.

آیه: 56

قَالَ تَاللّٰهِ اِنْ كِدْتَّ لَتُرْدِیْنِ ۟ۙ

نو ورته به ووایې قسم په الله چې ته خو نژدې وې چې ما هم هلاک کړې.

آیه: 57

وَلَوْلَا نِعْمَةُ رَبِّیْ لَكُنْتُ مِنَ الْمُحْضَرِیْنَ ۟

که زما د رب لورینه پر ما نه وای نو نن به زه هم له تاسره پروت وم.

آیه: 58

اَفَمَا نَحْنُ بِمَیِّتِیْنَ ۟ۙ

اوس مونږ مړه کیدوونکي نه یو

آیه: 59

اِلَّا مَوْتَتَنَا الْاُوْلٰی وَمَا نَحْنُ بِمُعَذَّبِیْنَ ۟

یوازې یو مرګ و چې یو ځل تیر شوی دې او مونږ ته به هیڅ ډول عذاب نه وي.

آیه: 60

اِنَّ هٰذَا لَهُوَ الْفَوْزُ الْعَظِیْمُ ۟

په رښتیا همدغه لوی بری دی.

آیه: 61

لِمِثْلِ هٰذَا فَلْیَعْمَلِ الْعٰمِلُوْنَ ۟

او باید د همدغه بري د ترلاسه کولو لپاره خلک هڅه وکړي.

آیه: 62

اَذٰلِكَ خَیْرٌ نُّزُلًا اَمْ شَجَرَةُ الزَّقُّوْمِ ۟

ایا دا غوره میلمستیا ده او که د زقوم ونه؟

آیه: 63

اِنَّا جَعَلْنٰهَا فِتْنَةً لِّلظّٰلِمِیْنَ ۟

مونږ پرې ظالمان ازمایو.

آیه: 64

اِنَّهَا شَجَرَةٌ تَخْرُجُ فِیْۤ اَصْلِ الْجَحِیْمِ ۟ۙ

هغه یوه ونه ده چې د دوزخ په بیخ کې راټوکیږي.

آیه: 65

طَلْعُهَا كَاَنَّهٗ رُءُوْسُ الشَّیٰطِیْنِ ۟

د هغي غوټۍ داسې دي لکه د شیطانانو سرونه.

آیه: 66

فَاِنَّهُمْ لَاٰكِلُوْنَ مِنْهَا فَمَالِـُٔوْنَ مِنْهَا الْبُطُوْنَ ۟ؕ

دوزخیان به يې خوري او خیټې به ترې ډکوي.

آیه: 67

ثُمَّ اِنَّ لَهُمْ عَلَیْهَا لَشَوْبًا مِّنْ حَمِیْمٍ ۟ۚ

او بیا به ګرمي او جوش اوبه د پاسه پرې څښي.

آیه: 68

ثُمَّ اِنَّ مَرْجِعَهُمْ لَاۡاِلَی الْجَحِیْمِ ۟

بیا يي ورتګ دوزخ ته دی.

آیه: 69

اِنَّهُمْ اَلْفَوْا اٰبَآءَهُمْ ضَآلِّیْنَ ۟ۙ

دا هغه خلک وو چې خپل پلرونه يي بې لارې میندلي وو.

آیه: 70

فَهُمْ عَلٰۤی اٰثٰرِهِمْ یُهْرَعُوْنَ ۟

او د هغوی پر پلونو[۸] زغولای شول.

[۸] پرته له دې چې له عقل څخه کار واخلي د پلرونو پر دین بیولی شول( تفسیر ابن کثیر)

آیه: 71

وَلَقَدْ ضَلَّ قَبْلَهُمْ اَكْثَرُ الْاَوَّلِیْنَ ۟ۙ

او په رښتیا چې پخواني ډیر خلک يي بې لارې شوي وو.

آیه: 72

وَلَقَدْ اَرْسَلْنَا فِیْهِمْ مُّنْذِرِیْنَ ۟

او مونږ ښه ډیر ډاروونکي ورولیږلي وو.

آیه: 73

فَانْظُرْ كَیْفَ كَانَ عَاقِبَةُ الْمُنْذَرِیْنَ ۟ۙ

نو وګوره چې د ډارول شوو خلکو پای څه شوه؟

آیه: 74

اِلَّا عِبَادَ اللّٰهِ الْمُخْلَصِیْنَ ۟۠

یوازې د الله سوچه او پاک شوي بنده ګان ژغورل شوي وو.

آیه: 75

وَلَقَدْ نَادٰىنَا نُوْحٌ فَلَنِعْمَ الْمُجِیْبُوْنَ ۟ؗۖ

او مونږ ته غږ کړی او مونږ ډير ښه ځواب ورکوونکي یو.

آیه: 76

وَنَجَّیْنٰهُ وَاَهْلَهٗ مِنَ الْكَرْبِ الْعَظِیْمِ ۟ؗۖ

مونږ هغه او د هغه کورنۍ له ستر غم نه وژغورله.

آیه: 77

وَجَعَلْنَا ذُرِّیَّتَهٗ هُمُ الْبٰقِیْنَ ۟ؗۖ

او یوازې د هغه ځوځات مو پاتې کړل.

آیه: 78

وَتَرَكْنَا عَلَیْهِ فِی الْاٰخِرِیْنَ ۟ؗۖ

او په وروستیو نسلونو کې مو پر هغه لورینه پريښووله.

آیه: 79

سَلٰمٌ عَلٰی نُوْحٍ فِی الْعٰلَمِیْنَ ۟

په ګرد عالم کې دې پر نوح سلام وي.

آیه: 80

اِنَّا كَذٰلِكَ نَجْزِی الْمُحْسِنِیْنَ ۟

مونږ نیکو کارانو ته همدا ډول بدله ورکوو.

آیه: 81

اِنَّهٗ مِنْ عِبَادِنَا الْمُؤْمِنِیْنَ ۟

او په رښتیا چې هغه زما له مؤمنو بنده ګانو څخه و.

آیه: 82

ثُمَّ اَغْرَقْنَا الْاٰخَرِیْنَ ۟

او بیا مو نور خلک غرق کړل.

آیه: 83

وَاِنَّ مِنْ شِیْعَتِهٖ لَاِبْرٰهِیْمَ ۟ۘ

او ابراهیم د نوح په لار روان و.

آیه: 84

اِذْ جَآءَ رَبَّهٗ بِقَلْبٍ سَلِیْمٍ ۟

چې په پاک زړه سره يي خپل رب ته پنا یووړه.

آیه: 85

اِذْ قَالَ لِاَبِیْهِ وَقَوْمِهٖ مَاذَا تَعْبُدُوْنَ ۟ۚ

خپل پلار او قوم ته يي وویل: دا څه دي چې تاسې يي عبادت کوئ؟

آیه: 86

اَىِٕفْكًا اٰلِهَةً دُوْنَ اللّٰهِ تُرِیْدُوْنَ ۟ؕ

ایا پرته له الله نه په درواغو جوړ شوي معبودان غواړئ؟

آیه: 87

فَمَا ظَنُّكُمْ بِرَبِّ الْعٰلَمِیْنَ ۟

نو د رب العالمین په هکله ستاسې ګومان څه دی؟

آیه: 88

فَنَظَرَ نَظْرَةً فِی النُّجُوْمِ ۟ۙ

ابراهیم د ستورو په لور وکتل[۹]

[۹] په فکر کې شو عربان هغه چاته چې فکر کوي وايي: ستورو ته ګوري( تفسیر الماوردي)

آیه: 89

فَقَالَ اِنِّیْ سَقِیْمٌ ۟

نو ويي ویل چې زه ناروغ یم.

آیه: 90

فَتَوَلَّوْا عَنْهُ مُدْبِرِیْنَ ۟

هغوی ټول ترې په ستنه په څټ شول.

آیه: 91

فَرَاغَ اِلٰۤی اٰلِهَتِهِمْ فَقَالَ اَلَا تَاْكُلُوْنَ ۟ۚ

نو په خورا پټه د هغوی خدایانو ته ورغی او ورته يې وویل: ولې[۱۰] خوراک نه کوئ؟

[۱۰] دغه د خوراک څیزونه چې ستاسې په وړاندې ایښي ولې يي نه خورئ( تفسیر الماوردی).

آیه: 92

مَا لَكُمْ لَا تَنْطِقُوْنَ ۟

ولې خبرې نه کوئ؟

آیه: 93

فَرَاغَ عَلَیْهِمْ ضَرْبًا بِالْیَمِیْنِ ۟

په خورا زور او قوت سره يي پرې ګوزار وکړ.

آیه: 94

فَاَقْبَلُوْۤا اِلَیْهِ یَزِفُّوْنَ ۟

ټول قوم يي ابراهیم ته په منډه ورغی.

آیه: 95

قَالَ اَتَعْبُدُوْنَ مَا تَنْحِتُوْنَ ۟ۙ

ابراهیم ورته وویل: ایا تاسې د هغه څه عبادت کوئ چې په خپلو لاسونو يي تراشئ؟

آیه: 96

وَاللّٰهُ خَلَقَكُمْ وَمَا تَعْمَلُوْنَ ۟

په داسې حال کې چې الله تاسې او هغه ټول پیدا کړي دي چې تاسې يې جوړوئ؟

آیه: 97

قَالُوا ابْنُوْا لَهٗ بُنْیَانًا فَاَلْقُوْهُ فِی الْجَحِیْمِ ۟

هغوی سره وویل: یو ځای ورته جوړ کړئ او په تاوجن اور کې يې ورواچوئ.

آیه: 98

فَاَرَادُوْا بِهٖ كَیْدًا فَجَعَلْنٰهُمُ الْاَسْفَلِیْنَ ۟

د هغه پر خلاف يې شوم پلان درلود خو مونږ پاتې راوستل.

آیه: 99

وَقَالَ اِنِّیْ ذَاهِبٌ اِلٰی رَبِّیْ سَیَهْدِیْنِ ۟

ابراهیم وویل: زه د خپل رب لور ته ځم هغه به ماته ښوونه وکړي.

آیه: 100

رَبِّ هَبْ لِیْ مِنَ الصّٰلِحِیْنَ ۟

ای زما ربه! ما ته یو ځوی راکړه چې له صالحانو وي.

آیه: 101

فَبَشَّرْنٰهُ بِغُلٰمٍ حَلِیْمٍ ۟

مونږ هغه ته د زغم لرونکي هلک زیری ورکړ.

آیه: 102

فَلَمَّا بَلَغَ مَعَهُ السَّعْیَ قَالَ یٰبُنَیَّ اِنِّیْۤ اَرٰی فِی الْمَنَامِ اَنِّیْۤ اَذْبَحُكَ فَانْظُرْ مَاذَا تَرٰی ؕ— قَالَ یٰۤاَبَتِ افْعَلْ مَا تُؤْمَرُ ؗ— سَتَجِدُنِیْۤ اِنْ شَآءَ اللّٰهُ مِنَ الصّٰبِرِیْنَ ۟

کله چې کوچنۍ تر هلو ځلو ورسید نو ابراهیم وویل: ځوی جانه! زه په خوب کې ګورم چې تا حلالوم ته وایه چې ستا نظر څه دی؟ ځوی يي وویل: پلارجانه! څه چې درته حکم کیږي هغه وکړه! ان شاء الله چې ما به صابر وویني.

آیه: 103

فَلَمَّاۤ اَسْلَمَا وَتَلَّهٗ لِلْجَبِیْنِ ۟ۚ

بالاخره دواړو غاړه کیښووله او ځوی يي پړمخ پر تندي وګورځاو.

آیه: 104

وَنَادَیْنٰهُ اَنْ یّٰۤاِبْرٰهِیْمُ ۟ۙ

مونږ پرې غږ وکړ چې ای ابراهیمه!

آیه: 105

قَدْ صَدَّقْتَ الرُّءْیَا ۚ— اِنَّا كَذٰلِكَ نَجْزِی الْمُحْسِنِیْنَ ۟

تا خوب پوره کړ. مونږ په همدې توګه نیکو کارانو ته بدل وکوو.

آیه: 106

اِنَّ هٰذَا لَهُوَ الْبَلٰٓؤُا الْمُبِیْنُ ۟

په رښتیا چې دا خورا ښکاره ازمیښت و.

آیه: 107

وَفَدَیْنٰهُ بِذِبْحٍ عَظِیْمٍ ۟

او مونږ هغه ته یوه لویه قرباني هدیه کړه.

آیه: 108

وَتَرَكْنَا عَلَیْهِ فِی الْاٰخِرِیْنَ ۟ؗ

او په وروستنیو نسلونو کې مو پر هغه لورینه پریښووله.

آیه: 109

سَلٰمٌ عَلٰۤی اِبْرٰهِیْمَ ۟

سلام پر ابراهیم.

آیه: 110

كَذٰلِكَ نَجْزِی الْمُحْسِنِیْنَ ۟

هو! مونږ نیکو کارانو ته همدا ډول بدله ورکوو.

آیه: 111

اِنَّهٗ مِنْ عِبَادِنَا الْمُؤْمِنِیْنَ ۟

په رښتیا چې هغه زما له مؤمنو بنده ګانو څخه و.

آیه: 112

وَبَشَّرْنٰهُ بِاِسْحٰقَ نَبِیًّا مِّنَ الصّٰلِحِیْنَ ۟

او مونږ هغه ته دپیغمبر او صالح اسحق زیری ورکړ.

آیه: 113

وَبٰرَكْنَا عَلَیْهِ وَعَلٰۤی اِسْحٰقَ ؕ— وَمِنْ ذُرِّیَّتِهِمَا مُحْسِنٌ وَّظَالِمٌ لِّنَفْسِهٖ مُبِیْنٌ ۟۠

او مونږ پر هغه او پر اسحق برکت وکړ او د هغوی دواړو له ځوځات نه ځينې نیکو کار او ځیني يي پر خپلو ځانونو ښکاره تیري کوونکي دي.

آیه: 114

وَلَقَدْ مَنَنَّا عَلٰی مُوْسٰی وَهٰرُوْنَ ۟ۚ

او مونږ پر موسی او هارون لورینه وکړه.

آیه: 115

وَنَجَّیْنٰهُمَا وَقَوْمَهُمَا مِنَ الْكَرْبِ الْعَظِیْمِ ۟ۚ

هغوی او قوم يي مونږ له غم نه خلاص کړل.

آیه: 116

وَنَصَرْنٰهُمْ فَكَانُوْا هُمُ الْغٰلِبِیْنَ ۟ۚ

له هغوی سره مو کومک وکړ نو برلاسي شول.

آیه: 117

وَاٰتَیْنٰهُمَا الْكِتٰبَ الْمُسْتَبِیْنَ ۟ۚ

او هغوی ته مې څرګندوونکی کتاب ورکړ.

آیه: 118

وَهَدَیْنٰهُمَا الصِّرَاطَ الْمُسْتَقِیْمَ ۟ۚ

او روغه او سمه لار مو هم وروښووله.

آیه: 119

وَتَرَكْنَا عَلَیْهِمَا فِی الْاٰخِرِیْنَ ۟ۙۖ

او په وروستنیو امتونو کې مو پر هغوی لورینه پریښووله.

آیه: 120

سَلٰمٌ عَلٰی مُوْسٰی وَهٰرُوْنَ ۟

سلام پر موسی او هارون

آیه: 121

اِنَّا كَذٰلِكَ نَجْزِی الْمُحْسِنِیْنَ ۟

هو! مونږ نیکوکارانو ته همدا ډول بدل ورکوو.

آیه: 122

اِنَّهُمَا مِنْ عِبَادِنَا الْمُؤْمِنِیْنَ ۟

په رښتیا چې هغوی دواړه زما له مؤمنو بنده ګانو څخه وو.

آیه: 123

وَاِنَّ اِلْیَاسَ لَمِنَ الْمُرْسَلِیْنَ ۟ؕ

او له شک نه وتلې ده چې الیاس هم له پیغمبرانو څخه و

آیه: 124

اِذْ قَالَ لِقَوْمِهٖۤ اَلَا تَتَّقُوْنَ ۟

یاد کړه چې خپل قوم ته يي وویل: ایا تاسې نه ډاریږئ؟

آیه: 125

اَتَدْعُوْنَ بَعْلًا وَّتَذَرُوْنَ اَحْسَنَ الْخَالِقِیْنَ ۟ۙ

ایا بغل نومی بوت رابلئ او تر ټولو ښه پیدا کوونکی پریږدئ؟

آیه: 126

اللّٰهَ رَبَّكُمْ وَرَبَّ اٰبَآىِٕكُمُ الْاَوَّلِیْنَ ۟

ایا هغه الله پریږدئ چې ستاسې او ستاسې د پلرونو رب دی.

آیه: 127

فَكَذَّبُوْهُ فَاِنَّهُمْ لَمُحْضَرُوْنَ ۟ۙ

خو هغوی درواغجن وګاڼه نو ځکه به هغوی عذاب ته حاضر کړای شي.

آیه: 128

اِلَّا عِبَادَ اللّٰهِ الْمُخْلَصِیْنَ ۟

یوازې د الله هغه بنده ګان له عذاب نه خلاص دي چې خاص کړي شوي وو.

آیه: 129

وَتَرَكْنَا عَلَیْهِ فِی الْاٰخِرِیْنَ ۟ۙ

او مونږ په ورستیو امتونو کې پرهغه لورینه پریښووله.

آیه: 130

سَلٰمٌ عَلٰۤی اِلْ یَاسِیْنَ ۟

سلام پر الیاس.

آیه: 131

اِنَّا كَذٰلِكَ نَجْزِی الْمُحْسِنِیْنَ ۟

هو! مونږ نیکوکارو ته همدا وړ بدل وکووو.

آیه: 132

اِنَّهٗ مِنْ عِبَادِنَا الْمُؤْمِنِیْنَ ۟

په رښتیا چې هغه زمونږ له مؤمنو بنده ګانو څخه وو.

آیه: 133

وَاِنَّ لُوْطًا لَّمِنَ الْمُرْسَلِیْنَ ۟ؕ

او له شک نه وتلې ده چې لوط هم پیغمبرانو څخه و.

آیه: 134

اِذْ نَجَّیْنٰهُ وَاَهْلَهٗۤ اَجْمَعِیْنَ ۟ۙ

هغه یاد کړه چې مونږ هغه او د هغه ټولې کورنۍ ته نجات ورکړ.

آیه: 135

اِلَّا عَجُوْزًا فِی الْغٰبِرِیْنَ ۟

یوازې یوه سپین سرې وه چې په پاتې کیدونکو کې وه.

آیه: 136

ثُمَّ دَمَّرْنَا الْاٰخَرِیْنَ ۟

بیا مو نور ټول هلا کړل.

آیه: 137

وَاِنَّكُمْ لَتَمُرُّوْنَ عَلَیْهِمْ مُّصْبِحِیْنَ ۟ۙ

او ای قریشو! تاسې ګهیځ پر هغوی تیریږئ.

آیه: 138

وَبِالَّیْلِ ؕ— اَفَلَا تَعْقِلُوْنَ ۟۠

او د شپې له لورې هم. ایا له عقل نه کار نه اخلئ

آیه: 139

وَاِنَّ یُوْنُسَ لَمِنَ الْمُرْسَلِیْنَ ۟ؕ

او له شک نه وتلې ده چې یونس هم له پیغمبرانو څخه و.

آیه: 140

اِذْ اَبَقَ اِلَی الْفُلْكِ الْمَشْحُوْنِ ۟ۙ

هغه يي یاد کړه چې د یوې ډکې کښتۍ په لور وتښتید

آیه: 141

فَسَاهَمَ فَكَانَ مِنَ الْمُدْحَضِیْنَ ۟ۚ

چې په خپلو مینځونو کې ي پچه واچوله نو یونس ماتې خوړونکی و.

آیه: 142

فَالْتَقَمَهُ الْحُوْتُ وَهُوَ مُلِیْمٌ ۟

نو هغه وو چې یوه کب تیر کړ او ځان يې پړ ګاڼه

آیه: 143

فَلَوْلَاۤ اَنَّهٗ كَانَ مِنَ الْمُسَبِّحِیْنَ ۟ۙ

که هغه له تسبیح ویونکو څخه نه وای؟

آیه: 144

لَلَبِثَ فِیْ بَطْنِهٖۤ اِلٰی یَوْمِ یُبْعَثُوْنَ ۟ۚ

نو د بیرته ژوندي راپاڅیدلو تر ورځې به د کب په خیټه کې پاتې شوی ؤ

آیه: 145

فَنَبَذْنٰهُ بِالْعَرَآءِ وَهُوَ سَقِیْمٌ ۟ۚ

په یوه هوار، خالي ‌ډاګ کې مو بې وسې او ناتوانه وغورځاو.

آیه: 146

وَاَنْۢبَتْنَا عَلَیْهِ شَجَرَةً مِّنْ یَّقْطِیْنٍ ۟ۚ

او زیلۍ لرونکې[۱۲] ونه مو پرې رازرغونه کړه.

[۱۲] هغه بوټي ته وايي چې ډډ ونه لري او د ځمکي په مخ خوریږي( تفسیر الماوردی)

آیه: 147

وَاَرْسَلْنٰهُ اِلٰی مِائَةِ اَلْفٍ اَوْ یَزِیْدُوْنَ ۟ۚ

او له یو لک نه زیاتو خلکو په لور مو ولیږه.

آیه: 148

فَاٰمَنُوْا فَمَتَّعْنٰهُمْ اِلٰی حِیْنٍ ۟ؕ

ټولو ایمان راوړ نو تر یوه وخته مې مهلت ورکړ.

آیه: 149

فَاسْتَفْتِهِمْ اَلِرَبِّكَ الْبَنَاتُ وَلَهُمُ الْبَنُوْنَ ۟ۙ

نو ته کافران وپوښته: چې ستا د رب دې لروګانې وي او د هغوی ځامن؟

آیه: 150

اَمْ خَلَقْنَا الْمَلٰٓىِٕكَةَ اِنَاثًا وَّهُمْ شٰهِدُوْنَ ۟

او ایا دوی حاضر وو چې مونږ ملایکې ښځینه پیدا کړې؟

آیه: 151

اَلَاۤ اِنَّهُمْ مِّنْ اِفْكِهِمْ لَیَقُوْلُوْنَ ۟ۙ

خبردار چې دوی د خپلو درواغو له مخې وايي.

آیه: 152

وَلَدَ اللّٰهُ ۙ— وَاِنَّهُمْ لَكٰذِبُوْنَ ۟

الله زیږول کړي او په رښتیا چې ډیر درواغجن دي.

آیه: 153

اَصْطَفَی الْبَنَاتِ عَلَی الْبَنِیْنَ ۟ؕ

ایا الله لورګانې پر ځامنو غوره کړي دي؟

آیه: 154

مَا لَكُمْ ۫— كَیْفَ تَحْكُمُوْنَ ۟

په تاسې څه شوي؟ او څه ډول پریکړه کوئ؟

آیه: 155

اَفَلَا تَذَكَّرُوْنَ ۟ۚ

ایا پنده نه اخلئ؟

آیه: 156

اَمْ لَكُمْ سُلْطٰنٌ مُّبِیْنٌ ۟ۙ

او که له تاسې سره کوم څرګند دلیل شته؟

آیه: 157

فَاْتُوْا بِكِتٰبِكُمْ اِنْ كُنْتُمْ صٰدِقِیْنَ ۟

هغه لیکنه مو راوړاندې کړئ که تاسې رښتیني یاست

آیه: 158

وَجَعَلُوْا بَیْنَهٗ وَبَیْنَ الْجِنَّةِ نَسَبًا ؕ— وَلَقَدْ عَلِمَتِ الْجِنَّةُ اِنَّهُمْ لَمُحْضَرُوْنَ ۟ۙ

او هغوی د الله او ملایکو ترمینځ خپلوي جوړوي. په داسې حال کې چې ملایکې پوه دي چې ددې خبرې ویونکي به عذاب ته حاضر کړای شي.

آیه: 159

سُبْحٰنَ اللّٰهِ عَمَّا یَصِفُوْنَ ۟ۙ

الله له هغه څه پاک دی چې دوی يي بیانوي

آیه: 160

اِلَّا عِبَادَ اللّٰهِ الْمُخْلَصِیْنَ ۟

مګر یوازې د الله غوره بنده ګان يې په ښو نومونو ستايي.

آیه: 161

فَاِنَّكُمْ وَمَا تَعْبُدُوْنَ ۟ۙ

نو ای مشرکانو! تاسې او ستاسې بللي خدایان

آیه: 162

مَاۤ اَنْتُمْ عَلَیْهِ بِفٰتِنِیْنَ ۟ۙ

هیڅوک په دې بوت بلنې سره په ازمیښت کې نه شئ اچولی

آیه: 163

اِلَّا مَنْ هُوَ صَالِ الْجَحِیْمِ ۟

مګر یوازې هغه خلک ښویولي شئ چې دوزخ ته تلونکي دي.

آیه: 164

وَمَا مِنَّاۤ اِلَّا لَهٗ مَقَامٌ مَّعْلُوْمٌ ۟ۙ

او زمونږ د هرې ملایکې ځای په ګوته کړی شوی دی.

آیه: 165

وَّاِنَّا لَنَحْنُ الصَّآفُّوْنَ ۟ۚ

او مونږ د الله په وړاندې صف په صف ولاړې یو

آیه: 166

وَاِنَّا لَنَحْنُ الْمُسَبِّحُوْنَ ۟

او یوازې د هغه تسبیح وایو

آیه: 167

وَاِنْ كَانُوْا لَیَقُوْلُوْنَ ۟ۙ

کافرانو به همیش ویل

آیه: 168

لَوْ اَنَّ عِنْدَنَا ذِكْرًا مِّنَ الْاَوَّلِیْنَ ۟ۙ

که مونږ ته د پخوانیو خلکو په شان کتاب راغلی وای

آیه: 169

لَكُنَّا عِبَادَ اللّٰهِ الْمُخْلَصِیْنَ ۟

نو مونږ به هم د الله غوره بنده ګان وای

آیه: 170

فَكَفَرُوْا بِهٖ فَسَوْفَ یَعْلَمُوْنَ ۟

چې کتاب ورته راغی نو ترې منکر شول ډیر ژر به په عاقبت پوه شي

آیه: 171

وَلَقَدْ سَبَقَتْ كَلِمَتُنَا لِعِبَادِنَا الْمُرْسَلِیْنَ ۟ۚۖ

او د پیغمبرانو په هکله زمونږ پریکړه پخوا صادره شوې ده

آیه: 172

اِنَّهُمْ لَهُمُ الْمَنْصُوْرُوْنَ ۪۟

چې کومک به ورسره کیږي

آیه: 173

وَاِنَّ جُنْدَنَا لَهُمُ الْغٰلِبُوْنَ ۟

او یوازې زمږ لښکرې بریمني او برلاسي دي

آیه: 174

فَتَوَلَّ عَنْهُمْ حَتّٰی حِیْنٍ ۟ۙ

نو ای محمده! تر ټاکلې مودې ترې مخ واړه وه

آیه: 175

وَّاَبْصِرْهُمْ فَسَوْفَ یُبْصِرُوْنَ ۟

ورته ګوره ډیر ژر به هغوی خپل عاقبت وویني

آیه: 176

اَفَبِعَذَابِنَا یَسْتَعْجِلُوْنَ ۟

ایا هغوی په تلوار زمونږ عذاب غواري؟

آیه: 177

فَاِذَا نَزَلَ بِسَاحَتِهِمْ فَسَآءَ صَبَاحُ الْمُنْذَرِیْنَ ۟

کله چې د هغوی پر سیمه عذاب راښکته شي نو د ډارول شوو خلکو سهار به خورا ناورین وي.

آیه: 178

وَتَوَلَّ عَنْهُمْ حَتّٰی حِیْنٍ ۟ۙ

او ای محمده! تر ټاکلې مودې ترې مخ واړوه.

آیه: 179

وَّاَبْصِرْ فَسَوْفَ یُبْصِرُوْنَ ۟

او ورته ګوره ډیر ژر به هغوی خپل عاقبت وویني

آیه: 180

سُبْحٰنَ رَبِّكَ رَبِّ الْعِزَّةِ عَمَّا یَصِفُوْنَ ۟ۚ

ستا رب، د عزت څښتن، له هغه څه نه پاک دی چې هغوی يې بیانوي.

آیه: 181

وَسَلٰمٌ عَلَی الْمُرْسَلِیْنَ ۟ۚ

او سلام پر پیغمبرانو

آیه: 182

وَالْحَمْدُ لِلّٰهِ رَبِّ الْعٰلَمِیْنَ ۟۠

او ټولې ستاینې یوازې د یو الله دي چې رب د ټول عالم دی.