ترجمهٔ معانی آیه 77 سوره سوره قصص - الترجمة الأويغورية للمختصر في تفسير القرآن الكريم - دایرة المعارف قرآن کریم

آیه: 77

وَٱبۡتَغِ فِيمَآ ءَاتَىٰكَ ٱللَّهُ ٱلدَّارَ ٱلۡأٓخِرَةَۖ وَلَا تَنسَ نَصِيبَكَ مِنَ ٱلدُّنۡيَاۖ وَأَحۡسِن كَمَآ أَحۡسَنَ ٱللَّهُ إِلَيۡكَۖ وَلَا تَبۡغِ ٱلۡفَسَادَ فِي ٱلۡأَرۡضِۖ إِنَّ ٱللَّهَ لَا يُحِبُّ ٱلۡمُفۡسِدِينَ

ئاللاھ ساڭا بەرگەن مال - مۈلۈكلەرنى ياخشىلىق يوللىرىغا سەرپ قىلىش ئارقىلىق ئاخىرەتتىكى ساۋابنى كۆزلىگىن، ئىسراپ قىلماستىن ۋە چوڭچىلىق قىلماستىن يەپ - ئىچىش، كىيىم - كېچەك ۋە ئۇنىڭدىن باشقا ھۇزۇر - ھالاۋەتتىن ئىبارەت نېسىۋەڭنىمۇ ئۇنتۇمىغىن، ئاللاھ ساڭا ياخشىلىق قىلغاندەك، سەنمۇ پەرۋەردىگارىڭ ۋە ئۇنىڭ بەندىلىرىگە ياخشى مۇئامىلە قىلغىن، يەر يۈزىدە گۇناھ - مەئسىيەت ئۆتكۈزۈش ۋە تائەت - ئىبادەتلەرنى تاشلاش ئارقىلىق بۇزغۇنچىلىقنى تىلىمىگىن. ئاللاھ ھەقىقەتەن يەر يۈزىدە بۇزغۇنچىلىق قىلغۇچىلارنى دوست تۇتمايدۇ، ئەكسىچە ئۇلارغا غەزەب قىلىدۇ.

از فواید آیات این صفحه:

• تعاقب الليل والنهار نعمة من نعم الله يجب شكرها له.

كېچە - كۈندۈزنىڭ نۆۋەت بىلەن ئالمىشىپ تۇرۇشى ئاللاھنىڭ نېئمەتلىرىدىن بىرى بولۇپ، ئۇنىڭغا شۈكرى قىلىش كېرەك.

• الطغيان كما يكون بالرئاسة والملك يكون بالمال.

ھەددىدىن ئېشىش ئەمەل - مەنسەپ سەۋەبلىك بولغىنىدەك مال - دۇنيا سەۋەبلىكمۇ بولىدۇ.

• الفرح بَطَرًا معصية يمقتها الله.

كۆرەڭلەش ئاللاھ ئۆچ كۆرىدىغان گۇناھتۇر.

• ضرورة النصح لمن يُخاف عليه من الفتنة.

ئېزىپ كېتىش خەۋپىگە دۇچ كەلگەن كىشىگە نەسىھەت قىلىش زۆرۈردۇر.

• بغض الله للمفسدين في الأرض.

ئاللاھ يەر يۈزىدە بۇزغۇنچىلىق قىلغۇچىلارنى ئۆچ كۆرىدۇ.