Firo maanaaji Simoore Simoore Gaafir - Eggo e haala Fulfulde wonande deftere Firo Alkur'aana raɓɓinaango. - Tonngoode hello ngoo 471 - Mawsuuwa al-quraan tedduɗo oo

Aaya: 34

وَلَقَدۡ جَآءَكُمۡ يُوسُفُ مِن قَبۡلُ بِٱلۡبَيِّنَٰتِ فَمَا زِلۡتُمۡ فِي شَكّٖ مِّمَّا جَآءَكُم بِهِۦۖ حَتَّىٰٓ إِذَا هَلَكَ قُلۡتُمۡ لَن يَبۡعَثَ ٱللَّهُ مِنۢ بَعۡدِهِۦ رَسُولٗاۚ كَذَٰلِكَ يُضِلُّ ٱللَّهُ مَنۡ هُوَ مُسۡرِفٞ مُّرۡتَابٌ

Gomɗii Yuusufu ardaniino on ko adii, e hujjaaji ɓannginɗi wootinɗingol Allah, kono on seeraano e sikkitagol fenna, kon ko o addani on. Haa nde o faatinoo, ɓeyduɗon sikkitagol, wi'uɗon. Allah nultataa Nulaaɗo goo, ɓaawo makko. Ko wano majjirɗon nii e goonga kan, Allah majjinirta kala yawtoowo keeri Allah ɗin, sikkitiiɗo e gootaaku Makko.

Aaya: 35

ٱلَّذِينَ يُجَٰدِلُونَ فِيٓ ءَايَٰتِ ٱللَّهِ بِغَيۡرِ سُلۡطَٰنٍ أَتَىٰهُمۡۖ كَبُرَ مَقۡتًا عِندَ ٱللَّهِ وَعِندَ ٱلَّذِينَ ءَامَنُواْۚ كَذَٰلِكَ يَطۡبَعُ ٱللَّهُ عَلَىٰ كُلِّ قَلۡبِ مُتَكَبِّرٖ جَبَّارٖ

Ɓen wenjirooɓe Aayeeje Allah ɗen, fii bonnitirgol ɗe ko aldaa e hujja arɗo ɓe, kuuɗe maɓɓe ɗen mawnii tikkere mun ka Allah, e ka gomɗimɓe Mo gomɗini Nulaaɓe Makko ɓen. Ko wano Allah notiri non e ɓerɗe ɓee wenjooɓe ɗoo ɓen, O notirta e ɓernde kala mawnintinaniiɗo goonga, dundarankeejo feewnetaake e peewal maa e jam.

Aaya: 36

وَقَالَ فِرۡعَوۡنُ يَٰهَٰمَٰنُ ٱبۡنِ لِي صَرۡحٗا لَّعَلِّيٓ أَبۡلُغُ ٱلۡأَسۡبَٰبَ

Fir'awna wi'ani jaagoraaɗo makko on Haaamaana: Ko an yo Haamaana, mahanam soorooru toowundu, no gasa ka mi yottoo ɗate ɗen.

Aaya: 37

أَسۡبَٰبَ ٱلسَّمَٰوَٰتِ فَأَطَّلِعَ إِلَىٰٓ إِلَٰهِ مُوسَىٰ وَإِنِّي لَأَظُنُّهُۥ كَٰذِبٗاۚ وَكَذَٰلِكَ زُيِّنَ لِفِرۡعَوۡنَ سُوٓءُ عَمَلِهِۦ وَصُدَّ عَنِ ٱلسَّبِيلِۚ وَمَا كَيۡدُ فِرۡعَوۡنَ إِلَّا فِي تَبَابٖ

Fii no mi yottora e laawi ƴawruɗi ɗin ka kammuuli, mi ƴeewa Reweteeɗo Muusaa, On mo o aaƴii wiide On ko Reweteeɗo e goonga, sabu miɗo sikki ko o fenoowo. Ko wano non Fir'awna cuɗiranaa, kuuɗe makko bonɗe ɗen, no de ɗaɓɓiraynoo Haamaana, waɗugol ɗum; o sakkaa e laawol goonga ngol, o heddii e laawol majjere ngol. Feere Fir'awna nden non - e fii feññingol meere makko nden, bonnita goonga Muusaa kan - wonaali, si wanaa e hayrere, tawde ko nimse e sooyugol ko sakkitori, e makiseede poomaa.

Aaya: 38

وَقَالَ ٱلَّذِيٓ ءَامَنَ يَٰقَوۡمِ ٱتَّبِعُونِ أَهۡدِكُمۡ سَبِيلَ ٱلرَّشَادِ

Gorko gomɗinɗo, jeyaaɗo e yimɓe Fir'awna ɓen, woni e laaɓangol reedu, o wi'i: Ko onon yo yimɓe am, jokkee lam, mi tinndina on, laawol sawaaba e peewal ngol.

Aaya: 39

يَٰقَوۡمِ إِنَّمَا هَٰذِهِ ٱلۡحَيَوٰةُ ٱلدُّنۡيَا مَتَٰعٞ وَإِنَّ ٱلۡأٓخِرَةَ هِيَ دَارُ ٱلۡقَرَارِ

Ko onon yo yimɓe am, anndee ɗam nguurndam aduna, ko dakamme daƴondirayɗo, wata ɗum hodu on. Anndon ko laakara on, e neemaaji makko duumotooɗi ɗin, woni galle ñiiɓal ɗen. Golliranee ɗen ɗon, ɗoftagol Allah, rentoo e soklirgol nguurndam mon aduna, yejjiton gollangol laakara.

Aaya: 40

مَنۡ عَمِلَ سَيِّئَةٗ فَلَا يُجۡزَىٰٓ إِلَّا مِثۡلَهَاۖ وَمَنۡ عَمِلَ صَٰلِحٗا مِّن ذَكَرٍ أَوۡ أُنثَىٰ وَهُوَ مُؤۡمِنٞ فَأُوْلَٰٓئِكَ يَدۡخُلُونَ ٱلۡجَنَّةَ يُرۡزَقُونَ فِيهَا بِغَيۡرِ حِسَابٖ

Mo gollii ko boni, o yoɓitetaake, si wanaa yeru ɗum, o ɓeydantaake lepte e mun; kala kadi golluɗo ko moƴƴi, hara ko fii Allah, woni gorko maa debbo, hara ko gomɗinɗo Allah e Nulaaɗo Makko on, ɓen ɗon e sifaaji maɓɓe yettiniiɗi ɗin, ɓe naatoyay Aljanaa, Ñalnde Darngal, ɓe arsikoyee ton: kon ko Allah fodunooɓe e dimɗe, e neemaaji duumiiɗi, ɗi taƴondirtaa, ko aldaa e limoore.

Ina jeyaa e nafoore aayeeje ɗee e ngol hello:

• الجدال لإبطال الحق وإحقاق الباطل خصلة ذميمة، وهي من صفات أهل الضلال.

Wenjirgol fii bonnitugol goonga, tabintina meere, ko jikku ŋiñaaɗo, anndiraaɗo yimɓe majjere ɓen.

• التكبر مانع من الهداية إلى الحق.

Mawnintinaare, hino haɗa feewugol e goonga.

• إخفاق حيل الكفار ومكرهم لإبطال الحق.

Aajeeue ɗen ɓannginii sooyde heeferɓe ɓen, e pewje maɓɓe ɗen, fii bonnitugol goonga kan.

• وجوب الاستعداد للآخرة، وعدم الانشغال عنها بالدنيا.

Hino waɗɗii heblanaade laakara, hara yejjitiraali ɗum, golle aduna ɗen.