શબ્દોનું ભાષાંતર સૂરહ અન્ નૂર - લુહ્યા અનુવાદ - આંતરરાષ્ટ્રીય વિજ્ઞાન અને સંસ્કૃતિ સંગઠન - પેજ નંબર 352 - કુરઆન કરીમનો એન્સાઈક્લોપીડિયા

આયત: 21

۞ يَٰٓأَيُّهَا ٱلَّذِينَ ءَامَنُواْ لَا تَتَّبِعُواْ خُطُوَٰتِ ٱلشَّيۡطَٰنِۚ وَمَن يَتَّبِعۡ خُطُوَٰتِ ٱلشَّيۡطَٰنِ فَإِنَّهُۥ يَأۡمُرُ بِٱلۡفَحۡشَآءِ وَٱلۡمُنكَرِۚ وَلَوۡلَا فَضۡلُ ٱللَّهِ عَلَيۡكُمۡ وَرَحۡمَتُهُۥ مَا زَكَىٰ مِنكُم مِّنۡ أَحَدٍ أَبَدٗا وَلَٰكِنَّ ٱللَّهَ يُزَكِّي مَن يَشَآءُۗ وَٱللَّهُ سَمِيعٌ عَلِيمٞ

Enywe Abasuubili, mulaloonda amaseenelo ka Shetani tawe. Ne ulia uloonda amaseenelo ka Shetani, toto ye alomesinjia eshifwabi nende amabii. Ne chikhayanga okhuba emikabo chia Nyasaye nende tsimbabaasi tsitsie khwinye, shiyakhatswenukhekhwo mwinywe kata mulala tawe. Halali Nyasaye atswenulanga owayenya. Ne Nyasaye ni Omuwulili po, Omumanyi muno.

આયત: 22

وَلَا يَأۡتَلِ أُوْلُواْ ٱلۡفَضۡلِ مِنكُمۡ وَٱلسَّعَةِ أَن يُؤۡتُوٓاْ أُوْلِي ٱلۡقُرۡبَىٰ وَٱلۡمَسَٰكِينَ وَٱلۡمُهَٰجِرِينَ فِي سَبِيلِ ٱللَّهِۖ وَلۡيَعۡفُواْ وَلۡيَصۡفَحُوٓاْۗ أَلَا تُحِبُّونَ أَن يَغۡفِرَ ٱللَّهُ لَكُمۡۚ وَٱللَّهُ غَفُورٞ رَّحِيمٌ

Ne baletsuba tawe balia abebikhole ebilayi nende balia bali nende obunyali mwinywe okhukhaya okhukhoonya abekho babu, abamanani nende balia bawuya bali khunjila ya Nyasaye. Ne baleshele ne bebilile. Shimwachamakhwo mbu Nyasaye abaleshele tawe? Ne Nyasaye ni Wobulesheli muno, Owetsimbabaasi po.

આયત: 23

إِنَّ ٱلَّذِينَ يَرۡمُونَ ٱلۡمُحۡصَنَٰتِ ٱلۡغَٰفِلَٰتِ ٱلۡمُؤۡمِنَٰتِ لُعِنُواْ فِي ٱلدُّنۡيَا وَٱلۡأٓخِرَةِ وَلَهُمۡ عَذَابٌ عَظِيمٞ

Toto balia bachishilanga abakhasi abatswenufu abakorerwe (amabii) Abaisilamu, bali nende eshitsubo khushialo nende mwikulu, ne bali nende eshinyasio eshikhongo.

આયત: 24

يَوۡمَ تَشۡهَدُ عَلَيۡهِمۡ أَلۡسِنَتُهُمۡ وَأَيۡدِيهِمۡ وَأَرۡجُلُهُم بِمَا كَانُواْ يَعۡمَلُونَ

Inyanga yetsinimi tsiabu nende emikhono chiabu, nende ebileenje biabu bilibarusilia obuloli khukalia akabakholanga.

આયત: 25

يَوۡمَئِذٖ يُوَفِّيهِمُ ٱللَّهُ دِينَهُمُ ٱلۡحَقَّ وَيَعۡلَمُونَ أَنَّ ٱللَّهَ هُوَ ٱلۡحَقُّ ٱلۡمُبِينُ

Inyanga eyo Nyasaye alibarunga habwene omurungo kwabu kwatoto, ne balimanya mbu toto Nyasaye niye owa obwatoto buli habulafu.

આયત: 26

ٱلۡخَبِيثَٰتُ لِلۡخَبِيثِينَ وَٱلۡخَبِيثُونَ لِلۡخَبِيثَٰتِۖ وَٱلطَّيِّبَٰتُ لِلطَّيِّبِينَ وَٱلطَّيِّبُونَ لِلطَّيِّبَٰتِۚ أُوْلَٰٓئِكَ مُبَرَّءُونَ مِمَّا يَقُولُونَۖ لَهُم مَّغۡفِرَةٞ وَرِزۡقٞ كَرِيمٞ

Abakhasi ababii nibabasatsa ababii, ne abasatsa ababii nibabakhasi ababii. Ne abakhasi abalayi nibabasatsa abalayi, ne abasatsa abalayi nibabakhasi abalayi. Abo bali ehale nende kabasungungwakhwo. Abo balinyoola eshileshelo nende omukabo omulayi.

આયત: 27

يَٰٓأَيُّهَا ٱلَّذِينَ ءَامَنُواْ لَا تَدۡخُلُواْ بُيُوتًا غَيۡرَ بُيُوتِكُمۡ حَتَّىٰ تَسۡتَأۡنِسُواْ وَتُسَلِّمُواْ عَلَىٰٓ أَهۡلِهَاۚ ذَٰلِكُمۡ خَيۡرٞ لَّكُمۡ لَعَلَّكُمۡ تَذَكَّرُونَ

Enywe Abasuubili, mulenjila mutsinzu tsilali etsienyu tawe okhuula musabe omunwa kwokhwinjilamwo, ne mubarusilie amashesio beenetsio. Obo ni obulayi khwinywe khomwanyoola okhwitsulila.