શબ્દોનું ભાષાંતર આયત 17 સૂરહ અલ્ માઇદહ - الترجمة الأوزبكية للمختصر في تفسير القرآن الكريم - કુરઆન કરીમનો એન્સાઈક્લોપીડિયા

આયત: 17

لَّقَدۡ كَفَرَ ٱلَّذِينَ قَالُوٓاْ إِنَّ ٱللَّهَ هُوَ ٱلۡمَسِيحُ ٱبۡنُ مَرۡيَمَۚ قُلۡ فَمَن يَمۡلِكُ مِنَ ٱللَّهِ شَيۡـًٔا إِنۡ أَرَادَ أَن يُهۡلِكَ ٱلۡمَسِيحَ ٱبۡنَ مَرۡيَمَ وَأُمَّهُۥ وَمَن فِي ٱلۡأَرۡضِ جَمِيعٗاۗ وَلِلَّهِ مُلۡكُ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَاۚ يَخۡلُقُ مَا يَشَآءُۚ وَٱللَّهُ عَلَىٰ كُلِّ شَيۡءٖ قَدِيرٞ

Насронийлардан «Аллоҳ Марямнинг ўғли Масиҳдир», деган кимсалар аниқ кофир бўлдилар. Эй Пайғамбар алайҳиссалом, уларга айтинг: «Агар Аллоҳ Марямнинг ўғли Масиҳни, унинг онасини ва ер юзидаги ҳамма одамларни ҳалок этишни истаса, ким Аллоҳни бирон ишдан қайтара олади?!» Модомики, бу иш ҳеч кимнинг қўлидан келмас экан, шунинг ўзи Аллоҳдан ўзга илоҳ йўқлигини, Марямнинг ўзи ҳам, ўғли Масиҳ ҳам ва бошқа ҳамма махлуқотлар ҳам Аллоҳнинг бандалари эканини кўрсатмайдими? Осмонлар, ер ва уларнинг орасидаги бор нарсалар Аллоҳнинг мулкидир. У Ўзи истаган нарсасини Ўзи истаган тарзда яратур. Ийсо алайҳиссаломни яратиши ҳам шулар жумласидандир. Ийсо Аллоҳнинг бандаси ва элчисидир. Аллоҳ ҳамма нарсага Қодирдир.

આયતોના ફાયદાઓ માંથી:

• تَرْك العمل بمواثيق الله وعهوده قد يوجب وقوع العداوة وإشاعة البغضاء والتنافر والتقاتل بين المخالفين لأمر الله تعالى.

Аллоҳга берган аҳду паймонларга вафо қилмаслик Аллоҳ таолонинг фармонига бўйсунмаганлар орасида ўзаро адоват, нафрат, келишмовчиликлар ва урушларни келтириб чиқариши мумкин.

• الرد على النصارى القائلين بأن الله تعالى تجسد في المسيح عليه السلام، وبيان كفرهم وضلال قولهم.

"Аллоҳ Масиҳ алайҳиссаломда ўз аксини топган", дейдиган насронийларга раддия билдирилиб, уларнинг адашганлиги ва кофирлиги баён қилиняпти.

• من أدلة بطلان ألوهية المسيح أن الله تعالى إن أراد أن يهلك المسيح وأمه عليهما السلام وجميع أهل الأرض فلن يستطيع أحد رده، وهذا يثبت تفرده سبحانه بالأمر وأنه لا إله غيره.

Масиҳ алайҳиссалом илоҳ эмаслигига ёрқин далиллардан бири шуки, агар Аллоҳ Марямнинг ўғли Масиҳни, унинг онасини ва ер юзидаги ҳамма одамларни ҳалок этишни истаса, ҳеч ким У Зотни бу ишдан қайтара олмайди. Шунинг ўзи Аллоҳнинг ягоналигини, У Зотдан ўзга илоҳ йўқлигини, фармон бериш фақат У Зотнинг қўлида эканини кўрсатиб турибди.

• من أدلة بطلان ألوهية المسيح أن الله تعالى يُذَكِّر بكونه تعالى ﴿ يَخْلُقُ مَا يَشَاءُ﴾ (المائدة: 17)، فهو يخلق من الأبوين، ويخلق من أم بلا أب كعيسى عليه السلام، ويخلق من الجماد كحية موسى عليه السلام، ويخلق من رجل بلا أنثى كحواء من آدم عليهما السلام.

Масиҳ алайҳиссаломнинг илоҳ эмаслигига яна бир ёрқин далил шуки, Аллоҳ таоло "Ўзи истаган нарсасини Ўзи истагандек яратади". (Моида - 17) У Зот ота-онадан ҳам, Ийсо алайҳиссалом каби онанинг ўзидан ҳам, Мусо алайҳиссаломнинг илони каби жонсиз нарсадан ҳам, Ҳавво онамизни Одам отамиз алайҳиссаломдан яратгани каби бир эркакдан ҳам яратаверади.