Fassarar Ma'anonin Alqura'ni - الترجمة الفولانية للمختصر في تفسير القرآن الكريم * - Teburin Bayani kan wasu Fassarori
Simoore laamu (al-mulku)
daga cikin abunda Surar ta kunsa:
إظهار كمال ملك الله وقدرته؛ بعثًا على خشيته، وتحذيرًا من عقابه.
ٱلَّذِي خَلَقَ ٱلۡمَوۡتَ وَٱلۡحَيَوٰةَ لِيَبۡلُوَكُمۡ أَيُّكُمۡ أَحۡسَنُ عَمَلٗاۚ وَهُوَ ٱلۡعَزِيزُ ٱلۡغَفُورُ
On tagirɗo maayde e nguurdam, fii ndaarndagol on onon ɓee yimɓe, annda ko hommbo e mo'on ɓuri moƴƴude golle. Ko Kanko woni Fooluɗo Mo gooto foolataa, Haforanoowo kala tuubuɗo e jeyaaɓe Makko ɓen.
Tafsiran larabci:
ٱلَّذِي خَلَقَ سَبۡعَ سَمَٰوَٰتٖ طِبَاقٗاۖ مَّا تَرَىٰ فِي خَلۡقِ ٱلرَّحۡمَٰنِ مِن تَفَٰوُتٖۖ فَٱرۡجِعِ ٱلۡبَصَرَ هَلۡ تَرَىٰ مِن فُطُورٖ
O taguɗo kammuuli jeeɗiɗi, kammu kala hino dewtii e hoore nguya ko aldaa e momondirgol hakkunde majji. An ndaaroowo on, a yi'ataa e ko ɓuradata woo e tagu Allah ngun. Yiltii gite maa ɗen ndaaraa. Taw si a yi'ay ceekol maa ɓurdal? Pellet, a yi'ataa ɗum ! Ko yi'aa, ko tagu ñeñaangu, gollii ngu.
Tafsiran larabci:
وَلَقَدۡ زَيَّنَّا ٱلسَّمَآءَ ٱلدُّنۡيَا بِمَصَٰبِيحَ وَجَعَلۡنَٰهَا رُجُومٗا لِّلشَّيَٰطِينِۖ وَأَعۡتَدۡنَا لَهُمۡ عَذَابَ ٱلسَّعِيرِ
Gomɗii Men cuɗirii kammu ngu aduna ngun koode jalbuɗe, Men waɗi ɗen koode fiɗirɗe seytanuuji wujjayɗi heɗoo ɗin ko sunna ɗi, Men hebilani ɓe ka laakara ton lette Yiite Huɓɓunge.
Tafsiran larabci:
تَكَادُ تَمَيَّزُ مِنَ ٱلۡغَيۡظِۖ كُلَّمَآ أُلۡقِيَ فِيهَا فَوۡجٞ سَأَلَهُمۡ خَزَنَتُهَآ أَلَمۡ يَأۡتِكُمۡ نَذِيرٞ
Hinge eɓɓa fultagol, nge sennditoo, hakkee ko nge tikkani naadaaɗo e magge ɓen. Tuma kala nde fedde e heeferɓe ɓen bugaa e magge, Malaa'ikaaɓe ayninaaɓe nge ɓen lamndoo ɓe wi'a: Enee ! Nulaaɗo araano e mon aduna, jertinaynooɗo on e lette Allah ɗen?
Tafsiran larabci:
قَالُواْ بَلَىٰ قَدۡ جَآءَنَا نَذِيرٞ فَكَذَّبۡنَا وَقُلۡنَا مَا نَزَّلَ ٱللَّهُ مِن شَيۡءٍ إِنۡ أَنتُمۡ إِلَّا فِي ضَلَٰلٖ كَبِيرٖ
Heeferɓe ɓen wi'a : Ko pellet, Nulaaɗo aruno e amen tigi, himo jertinaynoo men e lette Allah ɗen, kono men fenni mo, men wi'i mo: Allah jippinaali hay wahayu. Onon ɓee Nulaaɓe, on wonaali si wanaa e nder majjere mawnde woɗɗii goonga.
Tafsiran larabci:
وَقَالُواْ لَوۡ كُنَّا نَسۡمَعُ أَوۡ نَعۡقِلُ مَا كُنَّا فِيٓ أَصۡحَٰبِ ٱلسَّعِيرِ
Heeferɓe ɓen wi'ita : Si men nanayno men jaɓa, maa hara men haqqilayno men senndindira hakkunde goonga e meere, men jeyetanooke e yimɓe Yiite ɓen; men gomɗinayno Nulaaɓe ɓen, men goongina ko ɓe addi kon, fii no men jeyiree e yimɓe Aljanna ɓen.
Tafsiran larabci:
daga cikin fa'idodin Ayoyin wannan shafi:
• في معرفة الحكمة من خلق الموت والحياة وجوب المبادرة للعمل الصالح قبل الموت.
• حَنَقُ جهنم على الكفار وغيظها غيرةً لله سبحانه.
هُوَ ٱلَّذِي جَعَلَ لَكُمُ ٱلۡأَرۡضَ ذَلُولٗا فَٱمۡشُواْ فِي مَنَاكِبِهَا وَكُلُواْ مِن رِّزۡقِهِۦۖ وَإِلَيۡهِ ٱلنُّشُورُ
Ko Kanko waɗani on leydi ndin eltaandi newiniraa ka hoɗee : haray yahee e seraaji mayri, ñaamon e arsike Makko mo O hebilani on e mayri. Ko ka Makko tun woni ummital fii ñaaweede njoɓdi.
Tafsiran larabci:
ءَأَمِنتُم مَّن فِي ٱلسَّمَآءِ أَن يَخۡسِفَ بِكُمُ ٱلۡأَرۡضَ فَإِذَا هِيَ تَمُورُ
E on hooli wonnde Allah wonɗo On ka kammu nde fettinta leydi e mo'on leydi ndin wano O mutiniri Qaaruuna e mayri? Hari le ko ndi newinanoondi fii hoɗugol e mun. Tawaa yoo hindi dilla e mon ɓaawo ndi deeƴude.
Tafsiran larabci:
أَمۡ أَمِنتُم مَّن فِي ٱلسَّمَآءِ أَن يُرۡسِلَ عَلَيۡكُمۡ حَاصِبٗاۖ فَسَتَعۡلَمُونَ كَيۡفَ نَذِيرِ
Kaa on hooli wonnde Allah wonɗo ka kammu On nde O accitataa kaaƴe e mo'on immorde ka kammu, wano O accitirnoo ɗen e yimɓe Luutu ɓen? Aray nde anndon ko honno woni jertinaango Am ngon, tuma yi'oton lette Am ɗen. Ko woni tun, on nafitoroytaa ɗum ɓaawo nde yi'oyton lette ɗen.
Tafsiran larabci:
أَوَلَمۡ يَرَوۡاْ إِلَى ٱلطَّيۡرِ فَوۡقَهُمۡ صَٰٓفَّٰتٖ وَيَقۡبِضۡنَۚ مَا يُمۡسِكُهُنَّ إِلَّا ٱلرَّحۡمَٰنُۚ إِنَّهُۥ بِكُلِّ شَيۡءِۭ بَصِيرٌ
E ɓee fennooɓe yi'aali colli ɗin dow maɓɓe, tuma ɗi wiirata, ɗi fontay gabitannji majji ɗin e henndu ndun, ɗi ñobba ɗi kadi? Wonnde ko Allah jogitii ɗin fii wata ɗi yanu ka leydi. Pellet, Kanko ko O reenuɗo kala huunde. Hay huunde suuɗaaki Mo.
Tafsiran larabci:
أَمَّنۡ هَٰذَا ٱلَّذِي هُوَ جُندٞ لَّكُمۡ يَنصُرُكُم مِّن دُونِ ٱلرَّحۡمَٰنِۚ إِنِ ٱلۡكَٰفِرُونَ إِلَّا فِي غُرُورٍ
Konuujo alanaa on onon ɓee heeferɓe ɓe, mo no daɗana on e lette Allah ɗen tuma O faandanii on ɗe. Tigi on, heeferɓe ɓen wonaali si wanaa hodaaɓe; ko seytaane hodi ɓe, ɓe ɗaynitori mo.
Tafsiran larabci:
قُلۡ هُوَ ٱلَّذِيٓ أَنشَأَكُمۡ وَجَعَلَ لَكُمُ ٱلسَّمۡعَ وَٱلۡأَبۡصَٰرَ وَٱلۡأَفۡـِٔدَةَۚ قَلِيلٗا مَّا تَشۡكُرُونَ
An Nulaaɗo, maakan ɓee sirkooɓe fennooɓe : ko Allah woni taguɗo on, O waɗani on nanɗe ɗe naniron, e giiɗe e yi'iron, e ɓerɗe ɗe haqqiliron. Kono fanɗii ko yettoton Mo e ko O neeminiri on kon.
Tafsiran larabci:
قُلۡ هُوَ ٱلَّذِي ذَرَأَكُمۡ فِي ٱلۡأَرۡضِ وَإِلَيۡهِ تُحۡشَرُونَ
An Nulaaɗo, maakan ɓee sirkooɓe fennooɓe : Ko Allah woni saakitɗo on e leydi ndin, wanaa sanamuuji mon ɗi tagataa ɗin hay fus ! Kadi, ko ka Makko tun woni mooɓitoyteɗon Ñalnde Darngal, fii ñaaweede yoɓitee, wanaa ka sanamuuji mon. Hulee Mo kisan, rewon Mo Kanko tun.
Tafsiran larabci:
daga cikin fa'idodin Ayoyin wannan shafi:
• الكفر والمعاصي من أسباب حصول عذاب الله في الدنيا والآخرة.
فَلَمَّا رَأَوۡهُ زُلۡفَةٗ سِيٓـَٔتۡ وُجُوهُ ٱلَّذِينَ كَفَرُواْ وَقِيلَ هَٰذَا ٱلَّذِي كُنتُم بِهِۦ تَدَّعُونَ
Nde kammbaa on yanoyta e maɓɓe ɓe yi'a lette ɗen ka ɓadii ɓe, woni Ñalnde Darngal, geece yedduɓe Allah ɓen wayloto ɓawla, ɓe wi'anee ontuma : ko ɗum ɗoo woni ɗaɓɓaynoɗon yaccinaneede ka aduna.
Tafsiran larabci:
قُلۡ أَرَءَيۡتُمۡ إِنۡ أَهۡلَكَنِيَ ٱللَّهُ وَمَن مَّعِيَ أَوۡ رَحِمَنَا فَمَن يُجِيرُ ٱلۡكَٰفِرِينَ مِنۡ عَذَابٍ أَلِيمٖ
An Nulaaɗo, maakan ɓee sirkooɓe fennooɓe : Yeetee lam, si Allah ƴettiti lam, O ƴettitii gomɗimɓe wonnduɓe e am ɓen, wollo O yurmii min ko hommbo daɗndata heeferɓe ɓen e lette muusuɗe? O alaa daɗndoo- wo mbo e heɗe hay gooto.
Tafsiran larabci:
قُلۡ هُوَ ٱلرَّحۡمَٰنُ ءَامَنَّا بِهِۦ وَعَلَيۡهِ تَوَكَّلۡنَاۖ فَسَتَعۡلَمُونَ مَنۡ هُوَ فِي ضَلَٰلٖ مُّبِينٖ
An Nulaaɗo, maakan ɓee sirkooɓe : Ko Kanko Jom hinaraŋke noddoowo on e rewugol Mo Kanko tun On. Men gomɗinii Mo, ko e Makko tun kadi woni ko men fawata fiyakuuji amen. Aray pellet, nde anndoton, ko hommbo wonunoo e majjere ɓanngunde e wonunooɓe e laawol focciingol ngol.
Tafsiran larabci:
daga cikin fa'idodin Ayoyin wannan shafi:
• اتصاف الرسول صلى الله عليه وسلم بأخلاق القرآن.
• صفات الكفار صفات ذميمة يجب على المؤمن الابتعاد عنها، وعن طاعة أهلها.
Fassarar Ma'anonin Alqura'ni - الترجمة الفولانية للمختصر في تفسير القرآن الكريم - Teburin Bayani kan wasu Fassarori
الترجمة الفولانية للمختصر في تفسير القرآن الكريم، صادر عن مركز تفسير للدراسات القرآنية.