Fassarar Ma'anoni Sura Suratu Al'ifidar - Fassarar Hausa - Kundin Alqurani Mai girma

Suratu Al'ifidar

Aya: 1

إِذَا ٱلسَّمَآءُ ٱنفَطَرَتۡ

Idan sama ta tsãge.

Aya: 2

وَإِذَا ٱلۡكَوَاكِبُ ٱنتَثَرَتۡ

Kuma idan taurãri suka wãtse.

Aya: 3

وَإِذَا ٱلۡبِحَارُ فُجِّرَتۡ

Kuma idan tẽkuna aka facce su.

Aya: 4

وَإِذَا ٱلۡقُبُورُ بُعۡثِرَتۡ

Kuma idan kaburbura aka tõne su.

Aya: 5

عَلِمَتۡ نَفۡسٞ مَّا قَدَّمَتۡ وَأَخَّرَتۡ

Rai yã san abin da ya gabatar, da abin da yã jinkirtar.

Aya: 6

يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ

Yã kai mutum! Mẽ ya rũɗe ka game da Ubangijinka, Mai karamci.

Aya: 7

ٱلَّذِي خَلَقَكَ فَسَوَّىٰكَ فَعَدَلَكَ

Wanda Ya halitta ka sa'an nan ya daidaitã ka, Ya kuma tsakaitã ka.

Aya: 8

فِيٓ أَيِّ صُورَةٖ مَّا شَآءَ رَكَّبَكَ

A cikin kõwace irin sũra Ya so Ya ginã ka a kanta.

Aya: 9

كَلَّا بَلۡ تُكَذِّبُونَ بِٱلدِّينِ

A'aha, bã haka ba, kuna ƙaryatãwa game da sakamako!

Aya: 10

وَإِنَّ عَلَيۡكُمۡ لَحَٰفِظِينَ

Lalle ne, a kanku, haƙiƙa akwai matsara.

Aya: 11

كِرَامٗا كَٰتِبِينَ

Mãsu daraja, marubũta.

Aya: 12

يَعۡلَمُونَ مَا تَفۡعَلُونَ

Sunã sanin abin da kuke aikatãwa.

Aya: 13

إِنَّ ٱلۡأَبۡرَارَ لَفِي نَعِيمٖ

Lalle ne, mãsu ɗã'ã ga Allah, dãhir, suna cikin ni'ima.

Aya: 14

وَإِنَّ ٱلۡفُجَّارَ لَفِي جَحِيمٖ

Kuma lalle ne, fãjirai, dãhir, sunã cikin Jahĩm.

Aya: 15

يَصۡلَوۡنَهَا يَوۡمَ ٱلدِّينِ

Zã su shigẽ ta a rãnar sakamako.

Aya: 16

وَمَا هُمۡ عَنۡهَا بِغَآئِبِينَ

Bã zã su faku daga gare ta ba.

Aya: 17

وَمَآ أَدۡرَىٰكَ مَا يَوۡمُ ٱلدِّينِ

Kuma mẽ ya sanar da kai abin da ake cẽ wa ranar sakamako?

Aya: 18

ثُمَّ مَآ أَدۡرَىٰكَ مَا يَوۡمُ ٱلدِّينِ

Sa'an nan, mẽ ya sanar da kai abin da ake cẽ wa rãnar sakamako?

Aya: 19

يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ

Rãnã ce da wani rai ba ya iya mallakar kõme dõmin wani rai al'amari, a rãnar nan, ga Allah (ɗai) yake.