Fassarar Ma'anoni Sura Suratu Al'shams - الترجمة الكيروندية - Kundin Alqurani Mai girma

SURATU SSHAMSI

Aya: 1

وَٱلشَّمۡسِ وَضُحَىٰهَا

Jewe Allah, Ndarahiye ku zuba no ku muco waryo mu gitondo!

Aya: 2

وَٱلۡقَمَرِ إِذَا تَلَىٰهَا

No ku kwezi iyo gukurikiye izuba rirenze n’iyo riserutse!

Aya: 3

وَٱلنَّهَارِ إِذَا جَلَّىٰهَا

No ku murango iyo hakeye, umwijima w’ijoro ugaherengetera!

Aya: 4

وَٱلَّيۡلِ إِذَا يَغۡشَىٰهَا

No kw’ijoro iyo ripfutse isi hakijima!

Aya: 5

وَٱلسَّمَآءِ وَمَا بَنَىٰهَا

No kw’ijuru n’ukuntu ryubatse!

Aya: 6

وَٱلۡأَرۡضِ وَمَا طَحَىٰهَا

No kw’isi n’ukuntu ishashe, kugira ibiremwa bishobore kuyibako!

Aya: 7

وَنَفۡسٖ وَمَا سَوَّىٰهَا

No ku mushaha w’ikiremwa ico ari co cose n’ukuntu watunganijwe n’Imana Allah!

Aya: 8

فَأَلۡهَمَهَا فُجُورَهَا وَتَقۡوَىٰهَا

Igaheza Ikawumenyesha mu kuwutomorera inzira y’inabi n’iy’ineza!

Aya: 9

قَدۡ أَفۡلَحَ مَن زَكَّىٰهَا

Ni ukuri yaratsinze, uwejeje umushaha agakora ivyiza.

Aya: 10

وَقَدۡ خَابَ مَن دَسَّىٰهَا

Kandi ni ukuri yarahomvye ubuzima bwiwe, uwasibije umushaha agakora ivyaha.

Aya: 11

كَذَّبَتۡ ثَمُودُ بِطَغۡوَىٰهَآ

Bene Thamuudi barahakanye Intumwa y’Imana Swalehe (nyakugira amahoro y’Imana Allah), kubera ukwimonogoza kwabo mu gukora ivyaha;

Aya: 12

إِذِ ٱنۢبَعَثَ أَشۡقَىٰهَا

Igihe hiyadukiza inkozi y’ikibi muri bo^[1] kugira ice imitsi ingamiya;

[1] Yitwa Kubaru mwene Salifu.

Aya: 13

فَقَالَ لَهُمۡ رَسُولُ ٱللَّهِ نَاقَةَ ٱللَّهِ وَسُقۡيَٰهَا

Intumwa y’Imana Swalehe (nyakugira amahoro y’Imana Allah), iraheza ibabwira iti: “Mwoye gukomakoma ingamiya yarungitswe n’Imana Allah, mwiyubare kuyivogera ku musi wayo yagenewe gushoka kunywa”.

Aya: 14

فَكَذَّبُوهُ فَعَقَرُوهَا فَدَمۡدَمَ عَلَيۡهِمۡ رَبُّهُم بِذَنۢبِهِمۡ فَسَوَّىٰهَا

Maze barayigarariza batako baraca imitsi ya nya ngamiya. Imana yabo Rurema Allah Ica Irabahana, Irabahonya bose ata n’umwe arokotse, kubera ibicumuro vyabo.

Aya: 15

وَلَا يَخَافُ عُقۡبَٰهَا

Kandi Imana Allah, ntitinya inkurikizi z’ibihano Yabahaye.