Fassarar Ma'anoni Sura Aal'Imran - Fassarar Pilipiniyanci (Majindanao) - Cibiyar fassara ta Ruwwad - Lambar shafi 57 - Kundin Alqurani Mai girma

Aya: 53

رَبَّنَآ ءَامَنَّا بِمَآ أَنزَلۡتَ وَٱتَّبَعۡنَا ٱلرَّسُولَ فَٱكۡتُبۡنَا مَعَ ٱلشَّٰهِدِينَ

Pedtyakap sa lekami (Allah), nalityala (nangimbenal) kami kanu nganin a initulun nengka endu mibpatyunut kami kanu sinugu (Eisa), na baluy kami nengka a kaped kanu manga saksi.

Aya: 54

وَمَكَرُواْ وَمَكَرَ ٱللَّهُۖ وَٱللَّهُ خَيۡرُ ٱلۡمَٰكِرِينَ

Endu nagakal silan (sa kaimatay kanu Eisa) endu pinandaya silan nu Allah (sa katadingan) endu su Allah i labi a mapya kanu bamagakal.

Aya: 55

إِذۡ قَالَ ٱللَّهُ يَٰعِيسَىٰٓ إِنِّي مُتَوَفِّيكَ وَرَافِعُكَ إِلَيَّ وَمُطَهِّرُكَ مِنَ ٱلَّذِينَ كَفَرُواْ وَجَاعِلُ ٱلَّذِينَ ٱتَّبَعُوكَ فَوۡقَ ٱلَّذِينَ كَفَرُوٓاْ إِلَىٰ يَوۡمِ ٱلۡقِيَٰمَةِۖ ثُمَّ إِلَيَّ مَرۡجِعُكُمۡ فَأَحۡكُمُ بَيۡنَكُمۡ فِيمَا كُنتُمۡ فِيهِ تَخۡتَلِفُونَ

Kanu kutika pidtalu nu Allah: Hay Eisa! saben-sabenal na saki i bagimatay sa leka endu pebpulu sa leka sya sa laki endu pedsuti sa leka ebpun kanu silan a namegkafir endu bamaluy sa kanu silan a namebpatyunut sa leka sa pulu nu silan a namegkafir endu taman sa gay a mawli, mawli na sya laki i egkambalinganan nu, na atulen ku su pageltan nu sya kanu nganin a kaaden nu lu ba a pembida-bida.

Aya: 56

فَأَمَّا ٱلَّذِينَ كَفَرُواْ فَأُعَذِّبُهُمۡ عَذَابٗا شَدِيدٗا فِي ٱلدُّنۡيَا وَٱلۡأٓخِرَةِ وَمَا لَهُم مِّن نَّٰصِرِينَ

Makapantag kanu silan a namegkafir na siksan ku silan sa siksa a malipedes sya sa dunya endu lu sagay a mawli endu da sa kanilan i makadtabang.

Aya: 57

وَأَمَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ فَيُوَفِّيهِمۡ أُجُورَهُمۡۗ وَٱللَّهُ لَا يُحِبُّ ٱلظَّٰلِمِينَ

Endu makapantag kanu silan a namalityala (namangimbenal) endu minggalbek sa manga mapya na itapenay nin sa kanilan su manga balas nilan, endu su Allah na di nin kalinyan su manga salimbuten.

Aya: 58

ذَٰلِكَ نَتۡلُوهُ عَلَيۡكَ مِنَ ٱلۡأٓيَٰتِ وَٱلذِّكۡرِ ٱلۡحَكِيمِ

Entuba na binatya namisekanin sa leka (Muhammad) ebpun kanu manga tanda endu patadem a matigel.

Aya: 59

إِنَّ مَثَلَ عِيسَىٰ عِندَ ٱللَّهِ كَمَثَلِ ءَادَمَۖ خَلَقَهُۥ مِن تُرَابٖ ثُمَّ قَالَ لَهُۥ كُن فَيَكُونُ

Saben-sabenal na ya pagidsan ni Eisa sa kanu Allah na mana upama ni Adam, binaluy nin sekanin ebpun sa budta, mawli na pidtalu nin sa lekanin i maaden ka na naaden.

Aya: 60

ٱلۡحَقُّ مِن رَّبِّكَ فَلَا تَكُن مِّنَ ٱلۡمُمۡتَرِينَ

Su bantang na ebpun sa kanu pedtyakap sa leka (Allah), na da ka bu maaden sa kaped kanu manga bagalang-alang.

Aya: 61

فَمَنۡ حَآجَّكَ فِيهِ مِنۢ بَعۡدِ مَا جَآءَكَ مِنَ ٱلۡعِلۡمِ فَقُلۡ تَعَالَوۡاْ نَدۡعُ أَبۡنَآءَنَا وَأَبۡنَآءَكُمۡ وَنِسَآءَنَا وَنِسَآءَكُمۡ وَأَنفُسَنَا وَأَنفُسَكُمۡ ثُمَّ نَبۡتَهِلۡ فَنَجۡعَل لَّعۡنَتَ ٱللَّهِ عَلَى ٱلۡكَٰذِبِينَ

Na entayn i ebpalawa sa leka sa ulyan nu nganin a kinawma na ilmu sa leka, na edtalu ka (Muhammad): sya kanu ka enggaten tanu su manga wata nami endu manga wata nu endu manga kaluma nami endu manga kaluma nu endu su manga ginawa nami endu manga ginawa nu, mawli na mangeni tanu (sa Allah) na balwin tanu su mulka nu Allah sa kanu manga budtuden.