Fassarar Ma'anoni Sura Al'nisaa - Fassarar Pilipiniyanci (Majindanao) - Cibiyar fassara ta Ruwwad - Lambar shafi 101 - Kundin Alqurani Mai girma

Aya: 141

ٱلَّذِينَ يَتَرَبَّصُونَ بِكُمۡ فَإِن كَانَ لَكُمۡ فَتۡحٞ مِّنَ ٱللَّهِ قَالُوٓاْ أَلَمۡ نَكُن مَّعَكُمۡ وَإِن كَانَ لِلۡكَٰفِرِينَ نَصِيبٞ قَالُوٓاْ أَلَمۡ نَسۡتَحۡوِذۡ عَلَيۡكُمۡ وَنَمۡنَعۡكُم مِّنَ ٱلۡمُؤۡمِنِينَۚ فَٱللَّهُ يَحۡكُمُ بَيۡنَكُمۡ يَوۡمَ ٱلۡقِيَٰمَةِۚ وَلَن يَجۡعَلَ ٱللَّهُ لِلۡكَٰفِرِينَ عَلَى ٱلۡمُؤۡمِنِينَ سَبِيلًا

Antu ba su mga taw a ya nilan peb-patikan salkanu na amayka aden salkanu i limu abpun sa Allah, na adtalun nilan manem i sakitanu bun mambu, na amayka lu manem ambwat kanu mga kafeer su umun a mapya na adtalun nilan manem kanu mga kafeer i tinabangan nami sekanu andu inalawan nami sekanu sa dikanu mabinasa nu mga Mu'min, na su Allah i kumukum salkanu sa gay a mawli andu dala baluya nu Allah kanu mga kafeer i lalan a silan i mapulu sa Mu'min sa gay a mawli.

Aya: 142

إِنَّ ٱلۡمُنَٰفِقِينَ يُخَٰدِعُونَ ٱللَّهَ وَهُوَ خَٰدِعُهُمۡ وَإِذَا قَامُوٓاْ إِلَى ٱلصَّلَوٰةِ قَامُواْ كُسَالَىٰ يُرَآءُونَ ٱلنَّاسَ وَلَا يَذۡكُرُونَ ٱللَّهَ إِلَّا قَلِيلٗا

Su mga munafiq na bagungaten nilan su Allah, na su Allah ibagungat sakanilan andu amayka sambayang silan na sangat i kapok nin, andu ipabpagilay bu sa mga taw andu di silan tumadem sa Allah ya tabya na paydu.

Aya: 143

مُّذَبۡذَبِينَ بَيۡنَ ذَٰلِكَ لَآ إِلَىٰ هَٰٓؤُلَآءِ وَلَآ إِلَىٰ هَٰٓؤُلَآءِۚ وَمَن يُضۡلِلِ ٱللَّهُ فَلَن تَجِدَ لَهُۥ سَبِيلٗا

Lu manem ka lumenem (so mga munafiq) di katawan o andew sekanin matantu andu su tadingen nu Allah na dala den maparuli nin a lalan a katidtu nin.

Aya: 144

يَٰٓأَيُّهَا ٱلَّذِينَ ءَامَنُواْ لَا تَتَّخِذُواْ ٱلۡكَٰفِرِينَ أَوۡلِيَآءَ مِن دُونِ ٱلۡمُؤۡمِنِينَۚ أَتُرِيدُونَ أَن تَجۡعَلُواْ لِلَّهِ عَلَيۡكُمۡ سُلۡطَٰنٗا مُّبِينًا

Hee sekanu anan atagin a mga bamamaginugut di nu pambaluy su mga kafeer a ka-unutan nu (agkalimwa) a salakaw kanu mga bamamaginugut, ngintu yanu kyug na mumbal kanu pan sa tindeg nu sa Allah a mapayag i kasiksa nin salkanu sa gay a mawli.

Aya: 145

إِنَّ ٱلۡمُنَٰفِقِينَ فِي ٱلدَّرۡكِ ٱلۡأَسۡفَلِ مِنَ ٱلنَّارِ وَلَن تَجِدَ لَهُمۡ نَصِيرًا

Saben-sabenal su mga munafiq na lu silan makad-takena sa naraka a kababan nu apuy andu dala maparuli nilan a tabang sakanilan.

Aya: 146

إِلَّا ٱلَّذِينَ تَابُواْ وَأَصۡلَحُواْ وَٱعۡتَصَمُواْ بِٱللَّهِ وَأَخۡلَصُواْ دِينَهُمۡ لِلَّهِ فَأُوْلَٰٓئِكَ مَعَ ٱلۡمُؤۡمِنِينَۖ وَسَوۡفَ يُؤۡتِ ٱللَّهُ ٱلۡمُؤۡمِنِينَ أَجۡرًا عَظِيمٗا

Ya tabya na su mid-tawbat andu nagumbaya andu kina-malan nin su (kasuguwan nu) Allah andu ikhlas i kinapagagama sa Allah, na silan na makuyug kanu mga bamamaginugut andu di abpalis i kanggay nu Allah kanu mga bamamaginugut sa balas a masla.

Aya: 147

مَّا يَفۡعَلُ ٱللَّهُ بِعَذَابِكُمۡ إِن شَكَرۡتُمۡ وَءَامَنتُمۡۚ وَكَانَ ٱللَّهُ شَاكِرًا عَلِيمٗا

Dala sa Allah i siksan kanu nin amayka adsukur kanu andu nangimbenal kanu andu su Allah na ma-sukur a mataw.