Fassarar Ma'anoni Sura Al'nazi'at - Fassara da yaren Pashto na taƙaitaccen Tafsirin AlƘur'ani mai girma. - Lambar shafi 583 - Kundin Alqurani Mai girma

نازعات

daga cikin abunda Surar ta kunsa:

التذكير بالله واليوم الآخر.

د الله او آخرت ورځ ورپه يادول

---

Aya: 1

وَالنّٰزِعٰتِ غَرْقًا ۟ۙ

الله پر هغو پرېښتو لوړه وکړه چې د کافرانو ساوې په سختۍ او تاوتريخوالي کشکوي.

Aya: 2

وَّالنّٰشِطٰتِ نَشْطًا ۟ۙ

او پر هغو پرېښتو يې لوړه وکړه چې د مؤمنانو ساوې په نرمۍ او آسانۍ وباسي.

Aya: 3

وَّالسّٰبِحٰتِ سَبْحًا ۟ۙ

او پر هغو پرېښتو يې لوړه وکړه چې د الله پر امر له آسمانه ځمکې ته غوټې وهي (راکوزيږي).

Aya: 4

فَالسّٰبِقٰتِ سَبْقًا ۟ۙ

او پر هغو پرېښتو يې لوړه وکړه چې د الله د امر په پرځای کولو کې له يو بل وړاندې کېږي.

Aya: 5

فَالْمُدَبِّرٰتِ اَمْرًا ۟ۘ

او پر هغو پرېښتو يې لوړه وکړه چې الله هغوی ته له خپلې پرېکړې کوم امر کړی هغه پر ځای کوي لکه د بندګانو پر کړنو ګومارل شوې پرېښتې؛ پر دغو ټولو يې لوړه وکړه چې هرومرو به هغوی د حساب او بدلې لپاره راپورته کوي.

Aya: 6

یَوْمَ تَرْجُفُ الرَّاجِفَةُ ۟ۙ

په کومه ورځ چې ځمکه له لومړي پوکي سره ولړزيږي.

Aya: 7

تَتْبَعُهَا الرَّادِفَةُ ۟ؕ

په دغه پوکي پسې به بل دويم پوکی وي.

Aya: 8

قُلُوْبٌ یَّوْمَىِٕذٍ وَّاجِفَةٌ ۟ۙ

په دغه ورځ به د کافرانو او بې لارو خلکو زړونه په وېره کې وي.

Aya: 9

اَبْصَارُهَا خَاشِعَةٌ ۟ۘ

پر سترګو به يې د رسوايۍ اغېز ښکاري.

Aya: 10

یَقُوْلُوْنَ ءَاِنَّا لَمَرْدُوْدُوْنَ فِی الْحَافِرَةِ ۟ؕ

او هغوی به وايي: آيا وروسته تر دې چې مړه شوو بېرته ژوند ته نه ورګرځو؟!.

Aya: 11

ءَاِذَا كُنَّا عِظَامًا نَّخِرَةً ۟ؕ

او کله چې موږ وراسته خالي هډوکي يو له دې وروسته بېرته ګرځو؟!.

Aya: 12

قَالُوْا تِلْكَ اِذًا كَرَّةٌ خَاسِرَةٌ ۟ۘ

هغوی ويل: کله چې وګرځو؛ نو دا خو ډېره تاواني ګرځېدنه ده، چې څښتن يې دوکه کړل شوی دی.

Aya: 13

فَاِنَّمَا هِیَ زَجْرَةٌ وَّاحِدَةٌ ۟ۙ

د بېرته راګرځېدو چاره آسانه ده، هغه خو يوازې پر پوکي د ګومارل شوې پرېښتې له لوري يوه چېغه ده.

Aya: 14

فَاِذَا هُمْ بِالسَّاهِرَةِ ۟ؕ

نو بيا به ټول د ځمکې پر مخ ژوندي وي وروسته تر دې چې هغوی يې په ګېډه کې مړه وو.

Aya: 15

هَلْ اَتٰىكَ حَدِیْثُ مُوْسٰی ۟ۘ

اې رسوله! تاته د موسی خبر له خپل پالونکي او له خپل دښمن فرعون سره راغلی؟!.

Aya: 16

اِذْ نَادٰىهُ رَبُّهٗ بِالْوَادِ الْمُقَدَّسِ طُوًی ۟ۚ

کله چې يې پالونکي د طوی په سپېڅلې شېله کې اواز ورته وکړ.

daga cikin fa'idodin Ayoyin wannan shafi:

• التقوى سبب دخول الجنة.

ځان ساتنه جنت ته د ننوتلو لامل دی.

• تذكر أهوال القيامة دافع للعمل الصالح.

د قيامت د سختيو يادونه نېک کارته هڅونه ده.

• قبض روح الكافر بشدّة وعنف، وقبض روح المؤمن برفق ولين.

د کافر سا په سختۍ او تاوتريخوالي اخېستل او د مؤمن سا په آسانۍ او نرمۍ سره.