Terjemahan makna Surah Surah Al-Gāsyiyah - Terjemahan Berbahasa Albania - Hassan Nahi - Ensiklopedia Alquran Alkarim

Suretu El Gashije

Ayah: 1

هَلۡ أَتَىٰكَ حَدِيثُ ٱلۡغَٰشِيَةِ

A ke dëgjuar për Ngjarjen Gjithëpërfshirëse (Kiametin)?

Ayah: 2

وُجُوهٞ يَوۡمَئِذٍ خَٰشِعَةٌ

Atë Ditë do të poshtërohen fytyra njerëzish,

Ayah: 3

عَامِلَةٞ نَّاصِبَةٞ

që kanë punuar e janë rraskapitur (duke bërë të këqija në këtë botë).

Ayah: 4

تَصۡلَىٰ نَارًا حَامِيَةٗ

Ata do të digjen në zjarr të nxehtë

Ayah: 5

تُسۡقَىٰ مِنۡ عَيۡنٍ ءَانِيَةٖ

e do të pinë nga burime të valuara.

Ayah: 6

لَّيۡسَ لَهُمۡ طَعَامٌ إِلَّا مِن ضَرِيعٖ

Për ata nuk do të ketë tjetër ushqim, përveç ferrave helmuese,

Ayah: 7

لَّا يُسۡمِنُ وَلَا يُغۡنِي مِن جُوعٖ

të cilat as nuk do t’i mbajnë, as nuk do t’ua shuajnë urinë.

Ayah: 8

وُجُوهٞ يَوۡمَئِذٖ نَّاعِمَةٞ

Atë Ditë, fytyrat e disave do të jenë të gëzuara,

Ayah: 9

لِّسَعۡيِهَا رَاضِيَةٞ

të kënaqura për punët e bëra.

Ayah: 10

فِي جَنَّةٍ عَالِيَةٖ

Ata do të jenë në kopshtin e lartë,

Ayah: 11

لَّا تَسۡمَعُ فِيهَا لَٰغِيَةٗ

në të cilin nuk do të dëgjojnë fjalë boshe.

Ayah: 12

فِيهَا عَيۡنٞ جَارِيَةٞ

Atje ka një burim rrjedhës uji

Ayah: 13

فِيهَا سُرُرٞ مَّرۡفُوعَةٞ

dhe divane të ngritura,

Ayah: 14

وَأَكۡوَابٞ مَّوۡضُوعَةٞ

ka kupa të vëna (për t’u mbajtur në dorë)

Ayah: 15

وَنَمَارِقُ مَصۡفُوفَةٞ

dhe jastëkë të renditur,

Ayah: 16

وَزَرَابِيُّ مَبۡثُوثَةٌ

si dhe shumë qilima të shtruar.

Ayah: 17

أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ

Vallë, a nuk i shohin devetë, se si janë krijuar?!

Ayah: 18

وَإِلَى ٱلسَّمَآءِ كَيۡفَ رُفِعَتۡ

Po qiellin, se si është ngritur?!

Ayah: 19

وَإِلَى ٱلۡجِبَالِ كَيۡفَ نُصِبَتۡ

Po malet, se si janë vënë të patundur?!

Ayah: 20

وَإِلَى ٱلۡأَرۡضِ كَيۡفَ سُطِحَتۡ

Po Tokën, se si është shtrirë?!

Ayah: 21

فَذَكِّرۡ إِنَّمَآ أَنتَ مُذَكِّرٞ

Prandaj këshilloji (njerëzit o Muhamed), se ti je vetëm këshillues

Ayah: 22

لَّسۡتَ عَلَيۡهِم بِمُصَيۡطِرٍ

dhe nuk je ngarkuar t’i detyrosh ata me forcë!

Ayah: 23

إِلَّا مَن تَوَلَّىٰ وَكَفَرَ

Sa për ata që shmangen dhe nuk besojnë,

Ayah: 24

فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ

Allahu do t’i ndëshkojë me dënimin më të madh.

Ayah: 25

إِنَّ إِلَيۡنَآ إِيَابَهُمۡ

Pa dyshim, ata do të kthehen të gjithë tek Ne

Ayah: 26

ثُمَّ إِنَّ عَلَيۡنَا حِسَابَهُم

dhe patjetër që do të japin llogari para Nesh!