Terjemahan makna Surah Surah Al-Infiṭār - Terjemahan Berbahasa Azerbaijan - Ali Khan Musayef - Ensiklopedia Alquran Alkarim

əl-İnfitar

Ayah: 1

إِذَا ٱلسَّمَآءُ ٱنفَطَرَتۡ

Göy parçalanacağı zaman;

Ayah: 2

وَإِذَا ٱلۡكَوَاكِبُ ٱنتَثَرَتۡ

ulduzlar səpələnəcəyi zaman;

Ayah: 3

وَإِذَا ٱلۡبِحَارُ فُجِّرَتۡ

dənizlər daşıb bir-birinə qarışacağı zaman;

Ayah: 4

وَإِذَا ٱلۡقُبُورُ بُعۡثِرَتۡ

qəbirlər çevriləcəyi zaman;

Ayah: 5

عَلِمَتۡ نَفۡسٞ مَّا قَدَّمَتۡ وَأَخَّرَتۡ

hər kəs əvvəlcədən (özü üçün) nəyi tədarük edib, nəyi sonraya saxladığını biləcəkdir.

Ayah: 6

يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ

Ey insan! Kərim olan Rəbbinə qarşı səni aldadan nədir?

Ayah: 7

ٱلَّذِي خَلَقَكَ فَسَوَّىٰكَ فَعَدَلَكَ

O Rəbbin ki, səni yaradıb kamilləşdirdi və sənə gözəl bir surət verdi.

Ayah: 8

فِيٓ أَيِّ صُورَةٖ مَّا شَآءَ رَكَّبَكَ

Səni istədiyi şəklə saldı.

Ayah: 9

كَلَّا بَلۡ تُكَذِّبُونَ بِٱلدِّينِ

Xeyr! Əksinə, siz (Qiyaməti) yalan hesab edirsiniz!

Ayah: 10

وَإِنَّ عَلَيۡكُمۡ لَحَٰفِظِينَ

Sizin üzərinizdə nəzarətçilər vardır.

Ayah: 11

كِرَامٗا كَٰتِبِينَ

Hörmətli (əməllərinizi) yazan mələklər.

Ayah: 12

يَعۡلَمُونَ مَا تَفۡعَلُونَ

Onlar sizin nə etdiklərinizi bilirlər.

Ayah: 13

إِنَّ ٱلۡأَبۡرَارَ لَفِي نَعِيمٖ

Həqiqətən, yaxşılar nemət içində olacaqlar.

Ayah: 14

وَإِنَّ ٱلۡفُجَّارَ لَفِي جَحِيمٖ

Günahkarlar isə Cəhənnəmdə olacaqlar.

Ayah: 15

يَصۡلَوۡنَهَا يَوۡمَ ٱلدِّينِ

Onlar ora Din (hesab) günü girəcəklər.

Ayah: 16

وَمَا هُمۡ عَنۡهَا بِغَآئِبِينَ

Onlar oradan çıxa bilməyəcəklər.

Ayah: 17

وَمَآ أَدۡرَىٰكَ مَا يَوۡمُ ٱلدِّينِ

(Ey Peyğəmbər!) Sən nə biləydin ki, Din günü nədir?

Ayah: 18

ثُمَّ مَآ أَدۡرَىٰكَ مَا يَوۡمُ ٱلدِّينِ

Sonra sən nə biləydin ki, Din günü nədir?

Ayah: 19

يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ

O gün heç kəs heç kəsə heç bir fayda verə bilməz. O gün hökm yalnız Allaha məxsus olacaqdır!