Terjemahan makna Surah Ar-Rūm - Terjemahan Berbahasa Dagbani - Muhammad Baba Gatubu - Nomor Halaman 404 - Ensiklopedia Alquran Alkarim

Ar-Rum

Ayah: 1

الٓمٓ

1. Alif-Laam-Miim (A.L.M.). [Bachi gaŋ gaŋ ŋɔ maa wuhirimi ni Alkur’aani nyɛla Muɣujizah (lahiʒibsi din ka ŋmali), dama so ʒi di gbinni naɣila Naawuni].

Ayah: 2

غُلِبَتِ ٱلرُّومُ

2. Bɛ nya nasara Roomnim’ zuɣu.^[1]

[1] Roomnim’ maa daa nyɛla ban ti Naawuni yɛlima ŋli, ka nyɛ dolodolo nima, ka tobu daa laɣim bɛ mini Faarisnima. Lala Faarisnim ŋɔ maa mi daa nyɛla ban jɛmdi buɣum ka bi ti Naawuni yɛlima ŋli. Amaa! Ka bɛ daa nya nasara dolodolonim’maaa zuɣu. Ka dinzuɣu chɛ ka Maka chɛfurinim’ daa niŋ suhupiɛlli, ka yɛli ni bɛ taba ban jɛmdi buɣa maa ni nya nasara Roomnim’ zuɣu shɛm, tobu yi ti lu bɛ gba mini Muslinnim’ sunsuuni, lala ka ɛb yɛn nya nasara. Ka Naawuni daa siɣisi suurili ŋɔ maa na ti tiri Annabi Muhammadu lahibali kadama yuma bɛila puuni, tobu shɛli ni lahi lu bɛ sunsuuni, ka Roomnim’maa gba nya nasara Faarisnim’ zuɣu, ka di daa ti shiri ni ŋ lala.

Ayah: 3

فِيٓ أَدۡنَى ٱلۡأَرۡضِ وَهُم مِّنۢ بَعۡدِ غَلَبِهِمۡ سَيَغۡلِبُونَ

3. Tiŋgbani shεli din be yoma puuni (Syria, ni Iraq, ni Jordan, n-ti pahi Palestine tiŋgbana ni). Amaa! Bɛ nyɛŋbu ŋɔ maa nyaaŋa, ni baalim, bɛ gba ni ti nya nasara (Faarisnim’ zuɣu).

Ayah: 4

فِي بِضۡعِ سِنِينَۗ لِلَّهِ ٱلۡأَمۡرُ مِن قَبۡلُ وَمِنۢ بَعۡدُۚ وَيَوۡمَئِذٖ يَفۡرَحُ ٱلۡمُؤۡمِنُونَ

4. Yuma biɛla puuni. Naawuni n-su yεllikam piligu ni di bahigu. Dindali maa, ninvuɣu shɛba ban ti Naawuni yεlimaŋli maa gba ni niŋ suhupiεlli.

Ayah: 5

بِنَصۡرِ ٱللَّهِۚ يَنصُرُ مَن يَشَآءُۖ وَهُوَ ٱلۡعَزِيزُ ٱلرَّحِيمُ

5. Ni Naawuni sɔŋsim, O tirila O ni bɔri so nasara. Yaha! Ŋuna n-nyɛ Nyɛŋda, Zaadali Nambɔoboznaa.