Terjemahan makna Surah Al-A'rāf - Terjemahan Al-Mukhtaṣar fī Tafsīr Al-Qur`ān Al-Karīm ke bahasa Fulani - Nomor Halaman 160 - Ensiklopedia Alquran Alkarim

Ayah: 74

وَٱذۡكُرُوٓاْ إِذۡ جَعَلَكُمۡ خُلَفَآءَ مِنۢ بَعۡدِ عَادٖ وَبَوَّأَكُمۡ فِي ٱلۡأَرۡضِ تَتَّخِذُونَ مِن سُهُولِهَا قُصُورٗا وَتَنۡحِتُونَ ٱلۡجِبَالَ بُيُوتٗاۖ فَٱذۡكُرُوٓاْ ءَالَآءَ ٱللَّهِ وَلَا تَعۡثَوۡاْ فِي ٱلۡأَرۡضِ مُفۡسِدِينَ

Annditee neema Alla on tuma nde O lontini on Aadinkooɓe ɓen, O weerni on ka leydi hiɗon dakmitoo ɓaawo nde Aadinkooɓe ɓen halkiranoo sabu yeddugol maɓɓe fenna. Hiɗon maha e ndantaaji leydi ndin kuɓeeje, taƴon pelle ɗen waɗon cuuɗi. Annditee neemaaji Alla ɗin e mooɗon fii no yettiron Mo, selon ɓurnitugol bonnude ka leydi, accon yeddugol Alla.

Ayah: 75

قَالَ ٱلۡمَلَأُ ٱلَّذِينَ ٱسۡتَكۡبَرُواْ مِن قَوۡمِهِۦ لِلَّذِينَ ٱسۡتُضۡعِفُواْ لِمَنۡ ءَامَنَ مِنۡهُمۡ أَتَعۡلَمُونَ أَنَّ صَٰلِحٗا مُّرۡسَلٞ مِّن رَّبِّهِۦۚ قَالُوٓاْ إِنَّا بِمَآ أُرۡسِلَ بِهِۦ مُؤۡمِنُونَ

Hooreeɓe mbatu townitiiɓe ɓen e yimaɓe makko ɓen wi'ani gomɗimɓe lo'inaaɓe maɓɓe ɓen : "Onon ɓee gomɗimɓe, hiɗon anndi wonnde Saalihu ko Nulaaɗo Alla haqqan?" Ɓen gomɗimɓe jaabitii : "Menen ko men gomɗimɓe ko Saalihu Nulidaa e mun kon, jaɓuɓe sari'a makko".

Ayah: 76

قَالَ ٱلَّذِينَ ٱسۡتَكۡبَرُوٓاْ إِنَّا بِٱلَّذِيٓ ءَامَنتُم بِهِۦ كَٰفِرُونَ

Ɓen townitiiɓe e yimɓe makko ɓen wi'i : "Menen, kon ko gomɗinɗon -onon muumini'en, ko men yedduɓe ɗum, men gomɗintaa ɗum, men gollirtaa sari'a mun kadi".

Ayah: 77

فَعَقَرُواْ ٱلنَّاقَةَ وَعَتَوۡاْ عَنۡ أَمۡرِ رَبِّهِمۡ وَقَالُواْ يَٰصَٰلِحُ ٱئۡتِنَا بِمَا تَعِدُنَآ إِن كُنتَ مِنَ ٱلۡمُرۡسَلِينَ

Ɓe borii ngelooba mban mba ɓe haɗanoo memirgol bone, ɓe townitanii ɗoftagol Alla, ɓe wi'i hiɓe jalkitoo ko Saalihu kammbannoo ɓe : "Ko an yo Saalihu, addan men kon ko foduɗaa men e lepte muusuɗe, si tawii ko a jeyaaɗo tigiri e Nulaaɓe ɓen".

Ayah: 78

فَأَخَذَتۡهُمُ ٱلرَّجۡفَةُ فَأَصۡبَحُواْ فِي دَارِهِمۡ جَٰثِمِينَ

Lepte ɗe heeferaaɓe ɓen hawjirnoo ɗen ari ɓe, dillaango tiiɗungo nanngi ɓe, ɓe waɗtini jicciiɓe ugginii ka leydi, hay gooto e maɓɓe daɗaali halkaare nden.

Ayah: 79

فَتَوَلَّىٰ عَنۡهُمۡ وَقَالَ يَٰقَوۡمِ لَقَدۡ أَبۡلَغۡتُكُمۡ رِسَالَةَ رَبِّي وَنَصَحۡتُ لَكُمۡ وَلَٰكِن لَّا تُحِبُّونَ ٱلنَّٰصِحِينَ

Saalihu (yo o his) ɗuurnii e yimɓe makko ɓen ɓaawo nde o taƴii jaɓul maɓɓe, o maakani ɓe : "Ko onon yo yimɓe am, gomɗii mi yottinii Nulal Joomi am ngal e mon mi laaɓanii on kadi reedu, ko woni tun, on yiɗaa laaɓanooɓe on reedu ɓen".

Ayah: 80

وَلُوطًا إِذۡ قَالَ لِقَوۡمِهِۦٓ أَتَأۡتُونَ ٱلۡفَٰحِشَةَ مَا سَبَقَكُم بِهَا مِنۡ أَحَدٖ مِّنَ ٱلۡعَٰلَمِينَ

Janto kadi Luuti, tuma nde o maakirannoo yimɓe makko ɓen feloore : "E on aray pankare -nde gorko yiidata e gorko-?! Kon ko fuɗɗiɗon onon, hay gooto adaaki on faggitagol ɗum!"

Ayah: 81

إِنَّكُمۡ لَتَأۡتُونَ ٱلرِّجَالَ شَهۡوَةٗ مِّن دُونِ ٱلنِّسَآءِۚ بَلۡ أَنتُمۡ قَوۡمٞ مُّسۡرِفُونَ

Onon hiɗon itta tuuyo mon ɗin e worɓe ɓen accon rewɓe ɓen! Ɗen kuuɗe mon yiidaa e hakkil yaadaa e diina. Si ko woni, ko on yawtuɓe keeri Alla ɗin.

Beberapa Faedah Ayat-ayat di Halaman Ini:

• الاستكبار يتولد غالبًا من كثرة المال والجاه، وقلة المال والجاه تحمل على الإيمان والتصديق والانقياد غالبًا.

ko hasii kon, townitaare na jibinee fii heewde jawdi maa jaahu, fadude jawdi e daraja ɗin ɗiɗi non hino wona sabu gomɗinal e yankinaare.

• جواز البناء الرفيع كالقصور ونحوها؛ لأن من آثار النعمة: البناء الحسن مع شكر المنعم.

Wonnde no dagoo ɓamtude kuɓeeje toowuɗe ; ɗum ko jeyaaɗum e neema haanuɗo yettineede Neeminɗo On.

• الغالب في دعوة الأنبياء أن يبادر الضعفاء والفقراء إلى الإصغاء لكلمة الحق التي جاؤوا بها، وأما السادة والزعماء فيتمردون ويستعلون عليها.

Ko heewi kon e noddaandu Annabaaɓe ɓen, ko waasuɓe ɓen e lo'inaaɓe ɓen adotoo nootaade ɓe, heddiiɓe hoohoobe ɓen kan, ɓe murtay ɓe saloo.

• قد يعم عذاب الله المجتمع كله إذا كثر فيه الخَبَث، وعُدم فيه الإنكار.

Tuma bone on ɗuuɗi, lepte Alla ɗen huuɓitay fow.