Terjemahan makna Surah Al-Ḥāqqah - Terjemahan Berbahasa Hausa - Abu Bakar Jomy - Nomor Halaman 568 - Ensiklopedia Alquran Alkarim

Ayah: 36

وَلَا طَعَامٌ إِلَّا مِنۡ غِسۡلِينٖ

"Kuma bãbu wani abinci, sai daga (itãcen) gislĩn."

Ayah: 37

لَّا يَأۡكُلُهُۥٓ إِلَّا ٱلۡخَٰطِـُٔونَ

"Bãbu mai cin sa sai mãsu ganganci."

Ayah: 38

فَلَآ أُقۡسِمُ بِمَا تُبۡصِرُونَ

To, ba sai Nã yi rantsuwa da abin da kuke iya gani ba,

Ayah: 39

وَمَا لَا تُبۡصِرُونَ

Da abin da bã ku iya gani.

Ayah: 40

إِنَّهُۥ لَقَوۡلُ رَسُولٖ كَرِيمٖ

Lalle ne, shi (Alƙur'ani) tabbas maganar wani manzo (Jibirilu) mai daraja ne.

Ayah: 41

وَمَا هُوَ بِقَوۡلِ شَاعِرٖۚ قَلِيلٗا مَّا تُؤۡمِنُونَ

Kuma shi ba maganar wani mawãƙi ba ne. Kaɗan ƙwarai zã ku gaskata.

Ayah: 42

وَلَا بِقَوۡلِ كَاهِنٖۚ قَلِيلٗا مَّا تَذَكَّرُونَ

Kuma bã maganar bõka ba ne. Kaɗan ƙwarai zã ku iya tunãwa.

Ayah: 43

تَنزِيلٞ مِّن رَّبِّ ٱلۡعَٰلَمِينَ

Abin saukarwã ne daga Ubangijin halitta duka.

Ayah: 44

وَلَوۡ تَقَوَّلَ عَلَيۡنَا بَعۡضَ ٱلۡأَقَاوِيلِ

Kuma dã (Muhammadu) yã faɗi wata maganã, yã jingina ta garẽ Mu.

Ayah: 45

لَأَخَذۡنَا مِنۡهُ بِٱلۡيَمِينِ

Dã Mun kãma shi da dãma.

Ayah: 46

ثُمَّ لَقَطَعۡنَا مِنۡهُ ٱلۡوَتِينَ

sa'an nan, lalle ne, dã Mun kãtse masa lakã.

Ayah: 47

فَمَا مِنكُم مِّنۡ أَحَدٍ عَنۡهُ حَٰجِزِينَ

Kuma daga cikinku bãbu wasu mãsu iya kãre (azãbar Mu) daga gare shi.

Ayah: 48

وَإِنَّهُۥ لَتَذۡكِرَةٞ لِّلۡمُتَّقِينَ

Kuma lalle ne shi (Alƙur'ãni) tanãtarwa ce ga mãsu taƙawa.

Ayah: 49

وَإِنَّا لَنَعۡلَمُ أَنَّ مِنكُم مُّكَذِّبِينَ

Kuma lalle, ne Mũ, wallahi Munã sane da cẽwa daga cikinku alwwai mãsu ƙaryatãwa.

Ayah: 50

وَإِنَّهُۥ لَحَسۡرَةٌ عَلَى ٱلۡكَٰفِرِينَ

Kuma lalle ne shi (Alƙarãni) wallahi baƙin ciki ne ga kãfirai.

Ayah: 51

وَإِنَّهُۥ لَحَقُّ ٱلۡيَقِينِ

Kuma lalle, ne shi gaskiya ce ta yaƙini.

Ayah: 52

فَسَبِّحۡ بِٱسۡمِ رَبِّكَ ٱلۡعَظِيمِ

Sabõda haka, ka tsarkake sũnan Ubangjinka, mai girma.