Terjemahan makna Surah Surah Al-Mursalāt - Terjemahan Berbahasa Hausa - Abu Bakar Jomy - Ensiklopedia Alquran Alkarim

Suratu Almursala

Ayah: 1

وَٱلۡمُرۡسَلَٰتِ عُرۡفٗا

Ina rantsuwa da iskõkin da ake sakõwa jẽre, sunã bin jũna.

Ayah: 2

فَٱلۡعَٰصِفَٰتِ عَصۡفٗا

Sa'an nan, su zamã iskõki mãsu ƙarfi suna kaɗãwa da ƙarfi.

Ayah: 3

وَٱلنَّٰشِرَٰتِ نَشۡرٗا

Kuma, mãsu watsa rahama wãtsãwa.

Ayah: 4

فَٱلۡفَٰرِقَٰتِ فَرۡقٗا

sa'an nan, da ãyõyi* mãsu rarrabe gaskiya da ƙarya rarrabẽwa.

* Yã kamanta Manzanin Allah masu kãwo ayõyinsa da iskõki mãsu kãwo ruwa dõmin rahamar da ke cikin kowannensu.

Ayah: 5

فَٱلۡمُلۡقِيَٰتِ ذِكۡرًا

Sa'an nan da malã'iku mãsu jẽfa tunãtarwa ga Manzanni.

Ayah: 6

عُذۡرًا أَوۡ نُذۡرًا

Domin yanke hamzari ko dõmin gargadi.

Ayah: 7

إِنَّمَا تُوعَدُونَ لَوَٰقِعٞ

Lalle ne, abin da ake yi muku wa'adi da shi tabbas mai aukuwa ne

Ayah: 8

فَإِذَا ٱلنُّجُومُ طُمِسَتۡ

To, idan taurãri aka shãfe haskensu.

Ayah: 9

وَإِذَا ٱلسَّمَآءُ فُرِجَتۡ

Kuma, idan sama aka tsãge ta.

Ayah: 10

وَإِذَا ٱلۡجِبَالُ نُسِفَتۡ

Kuma, idan duwãtsu aka nike su.

Ayah: 11

وَإِذَا ٱلرُّسُلُ أُقِّتَتۡ

Kuma, idan manzanni aka ƙayyade lõkacin tãra su.

Ayah: 12

لِأَيِّ يَوۡمٍ أُجِّلَتۡ

Domin babbar rãnar da aka yi wa ajali.

Ayah: 13

لِيَوۡمِ ٱلۡفَصۡلِ

Domin rãnar rarrabẽwa.*

* Yin hukunci a tsakanin tãlikai.

Ayah: 14

وَمَآ أَدۡرَىٰكَ مَا يَوۡمُ ٱلۡفَصۡلِ

Kuma, me ya sanar da kai rãnar rarrabẽwa?

Ayah: 15

وَيۡلٞ يَوۡمَئِذٖ لِّلۡمُكَذِّبِينَ

Bone yã tabbata a rãnar nan, ga mãsu ƙaryatãwa!

Ayah: 16

أَلَمۡ نُهۡلِكِ ٱلۡأَوَّلِينَ

Ashe, ba Mu halakar da (mãsu ƙaryatãw) na farko ba.

Ayah: 17

ثُمَّ نُتۡبِعُهُمُ ٱلۡأٓخِرِينَ

Sa'an nan, kuma zã Mu biyar musu da na ƙarshe?

Ayah: 18

كَذَٰلِكَ نَفۡعَلُ بِٱلۡمُجۡرِمِينَ

Haka nan, Muke aikatãwa da mãsu yin laifi.

Ayah: 19

وَيۡلٞ يَوۡمَئِذٖ لِّلۡمُكَذِّبِينَ

Bone yã tabbata a rãnar nan ga mãsu ƙaryatãwa!

Ayah: 20

أَلَمۡ نَخۡلُقكُّم مِّن مَّآءٖ مَّهِينٖ

Ashe, ba Mu halitta ku daga wani ruwa wulakantacce ba.

Ayah: 21

فَجَعَلۡنَٰهُ فِي قَرَارٖ مَّكِينٍ

Sa'an nan Muka sanya shi a cikin wani wurin natsuwa amintacce.

Ayah: 22

إِلَىٰ قَدَرٖ مَّعۡلُومٖ

Zuwa ga wani gwargwadon mudda sananna.

Ayah: 23

فَقَدَرۡنَا فَنِعۡمَ ٱلۡقَٰدِرُونَ

Sa'an nan, Muka nũna iyãwar Mu? Madalla da Mu, Mãsu nũna iyãwa.

Ayah: 24

وَيۡلٞ يَوۡمَئِذٖ لِّلۡمُكَذِّبِينَ

Bone ya tabbata a rãnar nan ga mãsu ƙaryatãwa!

Ayah: 25

أَلَمۡ نَجۡعَلِ ٱلۡأَرۡضَ كِفَاتًا

Ashe, ba Mu sanya ƙasa matattarã ba.

Ayah: 26

أَحۡيَآءٗ وَأَمۡوَٰتٗا

Ga rãyayyu da matattu,

Ayah: 27

وَجَعَلۡنَا فِيهَا رَوَٰسِيَ شَٰمِخَٰتٖ وَأَسۡقَيۡنَٰكُم مَّآءٗ فُرَاتٗا

Kuma, Muka sanya, a cikinta, kafaffun duwãtsu maɗaukaka, kuma Muka shayar da ku ruwa mai dãɗi?

Ayah: 28

وَيۡلٞ يَوۡمَئِذٖ لِّلۡمُكَذِّبِينَ

Bone ya tabbata, a rãnar nan, ga mãsu ƙaryatãwa!

Ayah: 29

ٱنطَلِقُوٓاْ إِلَىٰ مَا كُنتُم بِهِۦ تُكَذِّبُونَ

Ku tafi zuwa ga abin da kuka kasance kuna ƙaryatãwa game da shi!

Ayah: 30

ٱنطَلِقُوٓاْ إِلَىٰ ظِلّٖ ذِي ثَلَٰثِ شُعَبٖ

Ku tafi zuwa ga wata inuwa mai rassa uku.

Ayah: 31

لَّا ظَلِيلٖ وَلَا يُغۡنِي مِنَ ٱللَّهَبِ

Ita ba inuwar ba, kuma ba ta wadãtarwa daga harshen wuta.

Ayah: 32

إِنَّهَا تَرۡمِي بِشَرَرٖ كَٱلۡقَصۡرِ

Lalle ne, ita, tanã jifã da tartsatsi kamar sõraye.

Ayah: 33

كَأَنَّهُۥ جِمَٰلَتٞ صُفۡرٞ

Kamar dai su raƙumma ne baƙãƙe.

Ayah: 34

وَيۡلٞ يَوۡمَئِذٖ لِّلۡمُكَذِّبِينَ

Bone ya tabbata, a rãnar nan, ga mãsu ƙaryatãwa!

Ayah: 35

هَٰذَا يَوۡمُ لَا يَنطِقُونَ

Wannan, yini ne da bã zã su iya yin magana ba.

Ayah: 36

وَلَا يُؤۡذَنُ لَهُمۡ فَيَعۡتَذِرُونَ

Bã zã a yi musu izni ba, balle su kãwo hanzari.

Ayah: 37

وَيۡلٞ يَوۡمَئِذٖ لِّلۡمُكَذِّبِينَ

Bone ya tabbata, a rãnar nan, ga mãsu ƙaryatãwa!

Ayah: 38

هَٰذَا يَوۡمُ ٱلۡفَصۡلِۖ جَمَعۡنَٰكُمۡ وَٱلۡأَوَّلِينَ

Wannan rãnar rarrabẽwa ce, Mun tattara ku tare da mutãnen farko.

Ayah: 39

فَإِن كَانَ لَكُمۡ كَيۡدٞ فَكِيدُونِ

To, idan akwai wata dabara gare ku, sai ku yi ma Ni ita.

Ayah: 40

وَيۡلٞ يَوۡمَئِذٖ لِّلۡمُكَذِّبِينَ

Bone ya tabbata, a rãnar nan, ga mãsu ƙaryatãwa!

Ayah: 41

إِنَّ ٱلۡمُتَّقِينَ فِي ظِلَٰلٖ وَعُيُونٖ

Lalle ne, mãsu taƙawa suna a cikin inuwõwi da marẽmari.

Ayah: 42

وَفَوَٰكِهَ مِمَّا يَشۡتَهُونَ

Da wasu 'ya'yan itãce irin waɗanda suke marmari.

Ayah: 43

كُلُواْ وَٱشۡرَبُواْ هَنِيٓـَٔۢا بِمَا كُنتُمۡ تَعۡمَلُونَ

(A ce musu) "Ku ci ku sha cikin ni'ima sabõda abin da kuka kasance kuna aikatãwa."

Ayah: 44

إِنَّا كَذَٰلِكَ نَجۡزِي ٱلۡمُحۡسِنِينَ

Lalle ne, Mũ haka Muke sãka wa mãsu kyautatãwa.

Ayah: 45

وَيۡلٞ يَوۡمَئِذٖ لِّلۡمُكَذِّبِينَ

Bone ya tabbata, a rãnar nan, ga mãsu ƙaryatãwa!

Ayah: 46

كُلُواْ وَتَمَتَّعُواْ قَلِيلًا إِنَّكُم مُّجۡرِمُونَ

(Ana ce musu) "Ku ci ku ji ɗan dãdi kaɗan, lalle ne dai ku mãsu laifi ne."

Ayah: 47

وَيۡلٞ يَوۡمَئِذٖ لِّلۡمُكَذِّبِينَ

Bone ya tabbata, a rãnar nan, ga mãsu ƙaryatãwa!

Ayah: 48

وَإِذَا قِيلَ لَهُمُ ٱرۡكَعُواْ لَا يَرۡكَعُونَ

Kuma, idan an ce musu: "Ku yi rukũ'i; bã zã su yi rukũ'in (salla) ba."

Ayah: 49

وَيۡلٞ يَوۡمَئِذٖ لِّلۡمُكَذِّبِينَ

Bone ya tabbata, a rãnar nan, ga mãsu ƙaryatãwa!

Ayah: 50

فَبِأَيِّ حَدِيثِۭ بَعۡدَهُۥ يُؤۡمِنُونَ

To, da wane lãbãri (Littãfi), waninsa (Alƙur'ãni) zã su yi ĩmãni