Terjemahan makna Surah Surah 'Abasa - Terjemahan Berbahasa Kurdi Kurmanji - Ensiklopedia Alquran Alkarim

Surah 'Abasa

Ayah: 1

عَبَسَ وَتَوَلَّىٰٓ

1. مڕویتا وی [پێغەمبەری] نەخۆشبوو و بەرێ خۆ ژێ وەرگێڕا [مەخسەد پێغەمبەرە، دەمێ (عبدالله)یێ كوڕێ (أم مكتوم) هاتییە دەڤ و ئەو یێ مژویل بوو ب ڕوی سپیێت قورەیشییانڤە، و دل تێ هەبوو باوەرییێ بینن، و دەعوەیا وان دكر و ژ ئاگرێ جەهنەمێ دترساندن، و د وی وەختیدا و ئەو یێ ب ڤان گرەگرانڤە مژویل، (عبدالله) هاتە دەڤ و گۆتێ: ئەو تشتێ‌ خودێ‌ نیشا تە دایی بۆ من ژی بێژە و نیشا من بدە، پێغەمبەری (سلاڤێت خودێ ل سەر بن) نەدڤیا ئاخڤتنا وی د گەل ڤان گرەگران بێتە ڤەبڕین، ژ بەر هندێ مڕویتا وی نەخۆش بوو].

Ayah: 2

أَن جَآءَهُ ٱلۡأَعۡمَىٰ

2. دەمێ كۆرە (ابن أم مكتوم) هاتییە دەڤ.

Ayah: 3

وَمَا يُدۡرِيكَ لَعَلَّهُۥ يَزَّكَّىٰٓ

3. ما تو چ دزانی بەلكوو هاتبیت، خۆ ژ گونەهان بشۆت.

Ayah: 4

أَوۡ يَذَّكَّرُ فَتَنفَعَهُ ٱلذِّكۡرَىٰٓ

4. یان پێڤەبچیت و مفای ژ شیرەتێت تە وەربگریت.

Ayah: 5

أَمَّا مَنِ ٱسۡتَغۡنَىٰ

5. و هەچیێ پشت دا باوەرییێ، و خۆ بێ‌ منەت كر و پشتا خۆ ب مالێ خۆ گەرم كر.

Ayah: 6

فَأَنتَ لَهُۥ تَصَدَّىٰ

6. تو پێڤە دمینی و بەرنادەی.

Ayah: 7

وَمَا عَلَيۡكَ أَلَّا يَزَّكَّىٰ

7. خۆ پێڤە نەئێشینە ئەگەر باوەرییێ ب تە نەئینیت، یا تە ژی بەس ڕاگەهاندنە.

Ayah: 8

وَأَمَّا مَن جَآءَكَ يَسۡعَىٰ

8. و هەچیێ ژ ڤیان و ژ دل، هاتە دەڤ تە.

Ayah: 9

وَهُوَ يَخۡشَىٰ

9. و دلێ وی ژ خودێ ب ترس.

Ayah: 10

فَأَنتَ عَنۡهُ تَلَهَّىٰ

10. تو وی ژ بیر دكەی، و دمینییە ب ئێكێ دیڤە.

Ayah: 11

كَلَّآ إِنَّهَا تَذۡكِرَةٞ

11. نەخێر وەنەكە، ئەڤ قەومینە و ئایەتێت د دەرهەقدا هاتین، بۆ بیرهاتن و پێڤەچۆنێنە.

Ayah: 12

فَمَن شَآءَ ذَكَرَهُۥ

12. هەچیێ بڤێت دێ مفای ژێ وەرگریت و ل سەر ڕێڤەچیت.

Ayah: 13

فِي صُحُفٖ مُّكَرَّمَةٖ

13. و ئەڤ بیرهاتن و پێڤەچۆنە، د هندەك كتێباندانە د پیرۆزن.

Ayah: 14

مَّرۡفُوعَةٖ مُّطَهَّرَةِۭ

14. [ئەو كتێب یێت] بلند و خودان ڕێز و ڕویمەت و پاقژن.

Ayah: 15

بِأَيۡدِي سَفَرَةٖ

15. د دەستێ هندەك ملیاكەتاندانە، ئێلچینە د ناڤبەرا پێغەمبەراندا.

Ayah: 16

كِرَامِۭ بَرَرَةٖ

16. ئەو ملیاكەت یێت خودان ڕێز و ڕویمەتن، و بێ فەرمانییا (بێ ئەمرییا) خودێ ناكەن.

Ayah: 17

قُتِلَ ٱلۡإِنسَٰنُ مَآ أَكۡفَرَهُۥ

17. وەی بۆ مرۆڤی، چەندێ بێ نان و خوێیە و چەند یێ‌ ژ ڕێ دەركەڤتییە.

Ayah: 18

مِنۡ أَيِّ شَيۡءٍ خَلَقَهُۥ

18. خودێ ژ چ چێكرییە [بیرا وی دئینیتە بنەتارێ وی، دا خۆ مەزن نەكەت و ب خۆ نەخڕیێت، و خۆ ل سەر سەرێ بەنیێت خودێ مەزن نەكەت].

Ayah: 19

مِن نُّطۡفَةٍ خَلَقَهُۥ فَقَدَّرَهُۥ

19. ژ چپكەكێ، بێ كێماسی و ئەو یێ تەكووز چێكری.

Ayah: 20

ثُمَّ ٱلسَّبِيلَ يَسَّرَهُۥ

20. پاشی ڕێكا بوونێ بۆ ب ساناهی ئێخستی [و ژیان بۆ ساناهی كر و هەردو ڕێك بۆ ئاشكەراكرن، ڕێكا باشییێ و باوەرییێ و ڕێكا خرابییێ و گاورییێ، كا وی كیژ بڤێت بلا بۆ خۆ وێ بگریت].

Ayah: 21

ثُمَّ أَمَاتَهُۥ فَأَقۡبَرَهُۥ

21. پاشی مراند و بن ئاخ كر، [دا بێنا وی ب سەر ساخاندا نەئێت، و دەهبە (وحش) نەخۆن بۆ هندێ بێ بها نەبیت].

Ayah: 22

ثُمَّ إِذَا شَآءَ أَنشَرَهُۥ

22. پاشی دەمێ خودێ ڤیا، دێ زیندی كەتەڤە.

Ayah: 23

كَلَّا لَمَّا يَقۡضِ مَآ أَمَرَهُۥ

23. نەخێر د سەر ڤێ هەمیێڕا، تشتێ خودێ ژێ ڤیایی نەكر.

Ayah: 24

فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ

24. بلا مرۆڤ بەرێ خۆ بدەتە خوارن و ڤەخوارنا خۆ [و هویرك هزرا خۆ تێدا بكەت، كا چاوا دبیتە خوارن و دئێتە بەر دەستێ وی].

Ayah: 25

أَنَّا صَبَبۡنَا ٱلۡمَآءَ صَبّٗا

25. مە ئاڤ ژ عەوران داڕێت.

Ayah: 26

ثُمَّ شَقَقۡنَا ٱلۡأَرۡضَ شَقّٗا

26. و مە ئەرد ب گل و گیا و شینكاتیڤە كەلاشت.

Ayah: 27

فَأَنۢبَتۡنَا فِيهَا حَبّٗا

27. مە دان و دەرامەت ژێ دەرئێخست [وەكی دەخلی و جەهی و برنجی، كو خوارنا سەرەكینە بۆ مرۆڤی].

Ayah: 28

وَعِنَبٗا وَقَضۡبٗا

28. هەروەسا تری و زەرزەوات ژی.

Ayah: 29

وَزَيۡتُونٗا وَنَخۡلٗا

29. و زەیتوون و دارقەسپ ژی.

Ayah: 30

وَحَدَآئِقَ غُلۡبٗا

30. و جنیك و بیستانێت تێكڕا ژی.

Ayah: 31

وَفَٰكِهَةٗ وَأَبّٗا

31. و فێقی و چەرە ژی.

Ayah: 32

مَّتَٰعٗا لَّكُمۡ وَلِأَنۡعَٰمِكُمۡ

32. سوود و مفا بۆ هەوە و تەرش و دەوارێت هەوە.

Ayah: 33

فَإِذَا جَآءَتِ ٱلصَّآخَّةُ

33. ڤێجا ئەگەر ڕۆژا مرۆڤی ژ گوهان دكەت (كو ڕۆژا قیامەتێیە) هات.

Ayah: 34

يَوۡمَ يَفِرُّ ٱلۡمَرۡءُ مِنۡ أَخِيهِ

34. ڕۆژا مرۆڤ ژ برایێ خۆ دڕەڤیت [و براتیا خۆ یا دەیبابی ژ بیر دكەت، و ژ ترساندا پشتا خۆ ددەتێ].

Ayah: 35

وَأُمِّهِۦ وَأَبِيهِ

35. ڕۆژا مرۆڤ ژ دەیبابێت خۆ دڕەڤیت، و كەس خۆ ل كەسێ نەكەتە خودان.

Ayah: 36

وَصَٰحِبَتِهِۦ وَبَنِيهِ

36. ڕۆژا مرۆڤ ژ ژن و زاڕۆكێت خۆ دڕەڤیت [ئەو ژن و عەیالێ د دنیایێدا هند حەژێ دكر، و سەرخاترا وان، سینگێ خۆ دئێخستە هەمی نەخۆشییان، ئەڤرۆ دێ ژێ ڕەڤیت].

Ayah: 37

لِكُلِّ ٱمۡرِيٕٖ مِّنۡهُمۡ يَوۡمَئِذٖ شَأۡنٞ يُغۡنِيهِ

37. هەر ئێك وێ ڕۆژێ ب خۆڤە یێ مژویلە، و حالێ وی بەسی وییە.

Ayah: 38

وُجُوهٞ يَوۡمَئِذٖ مُّسۡفِرَةٞ

38. وێ ڕۆژێ هندەك سەروچاڤ د گەشن.

Ayah: 39

ضَاحِكَةٞ مُّسۡتَبۡشِرَةٞ

39. دەڤ ب كەنی و بەختەوەر و دلخۆشن.

Ayah: 40

وَوُجُوهٞ يَوۡمَئِذٍ عَلَيۡهَا غَبَرَةٞ

40. و هندەك سەروچاڤ وێ ڕۆژێ د شۆڕ و تۆزەوینە.

Ayah: 41

تَرۡهَقُهَا قَتَرَةٌ

41. ڕەشاتییێ‌ هلچنینە.

Ayah: 42

أُوْلَٰٓئِكَ هُمُ ٱلۡكَفَرَةُ ٱلۡفَجَرَةُ

42. ئەها ئەڤەنە، گاورێت ژ ڕێ دەركەڤتیێت گونەهكار.