Terjemahan makna Surah Fāṭir - Terjemahan Berbahasa Filipina (Maguindanao) - Markaz Ruwād Terjemah - Nomor Halaman 435 - Ensiklopedia Alquran Alkarim

Ayah: 4

وَإِن يُكَذِّبُوكَ فَقَدۡ كُذِّبَتۡ رُسُلٞ مِّن قَبۡلِكَۚ وَإِلَى ٱللَّهِ تُرۡجَعُ ٱلۡأُمُورُ

Andu amayka pandalabutan ka nilan na pinandalbut bun su mga sinugu a nawna selka andu lu bun makambalingan sa (Allah) I langun na ula-ula nu mga galbak.

Ayah: 5

يَٰٓأَيُّهَا ٱلنَّاسُ إِنَّ وَعۡدَ ٱللَّهِ حَقّٞۖ فَلَا تَغُرَّنَّكُمُ ٱلۡحَيَوٰةُ ٱلدُّنۡيَا وَلَا يَغُرَّنَّكُم بِٱللَّهِ ٱلۡغَرُورُ

Hee sekanu anan atagin a bamaginugut sa saben-sabenal su pasad nu Allah na banal a matuman, na da kanu mapasimpang sa kapaguyag sa dunya, andu da kanu mapasimapang lu sa Allah kanu mga shaitan.

Ayah: 6

إِنَّ ٱلشَّيۡطَٰنَ لَكُمۡ عَدُوّٞ فَٱتَّخِذُوهُ عَدُوًّاۚ إِنَّمَا يَدۡعُواْ حِزۡبَهُۥ لِيَكُونُواْ مِنۡ أَصۡحَٰبِ ٱلسَّعِيرِ

Kagina saben-sabenal su shaytan na satru nu, na baluyan a satru nu, bangenggat sa tagapada nin, ka andu silan Makalu sa naraka a pagkalaw-kalaw.

Ayah: 7

ٱلَّذِينَ كَفَرُواْ لَهُمۡ عَذَابٞ شَدِيدٞۖ وَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُم مَّغۡفِرَةٞ وَأَجۡرٞ كَبِيرٌ

Silan a mga kafeer na kanilan su siksa a masakit, andu su silan manem a mga bamaginugut andu minggalbak sa mga mapya na kanilan su ampun andu baras a masla.

Ayah: 8

أَفَمَن زُيِّنَ لَهُۥ سُوٓءُ عَمَلِهِۦ فَرَءَاهُ حَسَنٗاۖ فَإِنَّ ٱللَّهَ يُضِلُّ مَن يَشَآءُ وَيَهۡدِي مَن يَشَآءُۖ فَلَا تَذۡهَبۡ نَفۡسُكَ عَلَيۡهِمۡ حَسَرَٰتٍۚ إِنَّ ٱللَّهَ عَلِيمُۢ بِمَا يَصۡنَعُونَ

Su taw a pinakapiya na shaytan i galbak nin na nya nin kaylay lun na mapya, su Allah na tadingan nin i magkahanda nin andu tutulun nin i magkahanda nin, na dika palidu i ginawa nengka(Muhammad) sa dili silan bangimbanal, ka su Allah i mataw kanu pabpulungan nin.

Ayah: 9

وَٱللَّهُ ٱلَّذِيٓ أَرۡسَلَ ٱلرِّيَٰحَ فَتُثِيرُ سَحَابٗا فَسُقۡنَٰهُ إِلَىٰ بَلَدٖ مَّيِّتٖ فَأَحۡيَيۡنَا بِهِ ٱلۡأَرۡضَ بَعۡدَ مَوۡتِهَاۚ كَذَٰلِكَ ٱلنُّشُورُ

Andu su Allah i sinugu nin i sambel a kabubukakal nin I dadtam, na lu nami pinaulan kanu dalpa a minatay, na inuyag nami kanu ulan su lupa sa ulyan a kinapatay nin, maytu bumba i kapmbwat (sakanilan)nsa kubur.

Ayah: 10

مَن كَانَ يُرِيدُ ٱلۡعِزَّةَ فَلِلَّهِ ٱلۡعِزَّةُ جَمِيعًاۚ إِلَيۡهِ يَصۡعَدُ ٱلۡكَلِمُ ٱلطَّيِّبُ وَٱلۡعَمَلُ ٱلصَّٰلِحُ يَرۡفَعُهُۥۚ وَٱلَّذِينَ يَمۡكُرُونَ ٱلسَّيِّـَٔاتِ لَهُمۡ عَذَابٞ شَدِيدٞۖ وَمَكۡرُ أُوْلَٰٓئِكَ هُوَ يَبُورُ

Antayn i taw a pagkyug sa kapulu na kanu Allah i langun na kapulu, lu sa Allah na pakapulu su langun na ula-ula a mapya andu su galbak a mapya na padtaliman nin andu su mga taw manem a balyu silan sa mga malat(mkagkayd kanu rasul atawka sa mga bamaginugut) na kanilan i siksa a mapasang andu su atulan nilan i mabinasa.

Ayah: 11

وَٱللَّهُ خَلَقَكُم مِّن تُرَابٖ ثُمَّ مِن نُّطۡفَةٖ ثُمَّ جَعَلَكُمۡ أَزۡوَٰجٗاۚ وَمَا تَحۡمِلُ مِنۡ أُنثَىٰ وَلَا تَضَعُ إِلَّا بِعِلۡمِهِۦۚ وَمَا يُعَمَّرُ مِن مُّعَمَّرٖ وَلَا يُنقَصُ مِنۡ عُمُرِهِۦٓ إِلَّا فِي كِتَٰبٍۚ إِنَّ ذَٰلِكَ عَلَى ٱللَّهِ يَسِيرٞ

Su Allah i minaluy selkanu abpun sa lupa, mawli na binaluy kanu nin adtatagapada andu dala kagingay nu mga babay andu su kambata nin na dikna katawan nu Allah andu dala pagkalandu i umur nin atawka mababa a dikna lu bun sa kitab(Lawl Al-Mahfuz).