Terjemahan makna Surah An-Nisā` - Terjemahan Berbahasa Philipina (Maguindanao) - Nomor Halaman 98 - Ensiklopedia Alquran Alkarim

Ayah: 122

وَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ سَنُدۡخِلُهُمۡ جَنَّٰتٖ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَآ أَبَدٗاۖ وَعۡدَ ٱللَّهِ حَقّٗاۚ وَمَنۡ أَصۡدَقُ مِنَ ٱللَّهِ قِيلٗا

Andu su mga bamamaginugut ming-galbek sa mga mapya na paludapen nami silan kanu surga a pilagilay i mga lawas na ig, sa dayun (tatap) silan sa surga, pasad nu Allah na benal andu dala benal i kadtalu nin ka su Allah bu.

Ayah: 123

لَّيۡسَ بِأَمَانِيِّكُمۡ وَلَآ أَمَانِيِّ أَهۡلِ ٱلۡكِتَٰبِۗ مَن يَعۡمَلۡ سُوٓءٗا يُجۡزَ بِهِۦ وَلَا يَجِدۡ لَهُۥ مِن دُونِ ٱللَّهِ وَلِيّٗا وَلَا نَصِيرٗا

Dala sa tindeg nu a mga muslim andu Yahudi i makapaludep (sakanilan) sa surga, ka anteyn inggalbek sa malat na balasan, andu dala maparuli nin a salakaw sa Allah a kawnutan nin andu dala makad-tabang. (a salakaw sa Allah)

Ayah: 124

وَمَن يَعۡمَلۡ مِنَ ٱلصَّٰلِحَٰتِ مِن ذَكَرٍ أَوۡ أُنثَىٰ وَهُوَ مُؤۡمِنٞ فَأُوْلَٰٓئِكَ يَدۡخُلُونَ ٱلۡجَنَّةَ وَلَا يُظۡلَمُونَ نَقِيرٗا

Andu su anggalbek sa mga mapya a galbek, magidsan i babay-mama salta na bamamginugut silan, na silan i makaludep sa surga andu di silan madtalimbut apya paydu.

Ayah: 125

وَمَنۡ أَحۡسَنُ دِينٗا مِّمَّنۡ أَسۡلَمَ وَجۡهَهُۥ لِلَّهِ وَهُوَ مُحۡسِنٞ وَٱتَّبَعَ مِلَّةَ إِبۡرَٰهِيمَ حَنِيفٗاۗ وَٱتَّخَذَ ٱللَّهُ إِبۡرَٰهِيمَ خَلِيلٗا

Andu dala makalawan sa kapya na kapagagama su ikhlas i biyas nin sa Allah andu mib pyapyanan andu inunutan nin su agama nu Ebrahim a haqq andu binaluy nu Allah su Ebrahim a nasuwatan nin.

Ayah: 126

وَلِلَّهِ مَا فِي ٱلسَّمَٰوَٰتِ وَمَا فِي ٱلۡأَرۡضِۚ وَكَانَ ٱللَّهُ بِكُلِّ شَيۡءٖ مُّحِيطٗا

Andu lekanin a Allah su dalem nu mga langit andu su dalem nu lupa andu su Allah na langkap kanu langun nu anggaga-isa.

Ayah: 127

وَيَسۡتَفۡتُونَكَ فِي ٱلنِّسَآءِۖ قُلِ ٱللَّهُ يُفۡتِيكُمۡ فِيهِنَّ وَمَا يُتۡلَىٰ عَلَيۡكُمۡ فِي ٱلۡكِتَٰبِ فِي يَتَٰمَى ٱلنِّسَآءِ ٱلَّٰتِي لَا تُؤۡتُونَهُنَّ مَا كُتِبَ لَهُنَّ وَتَرۡغَبُونَ أَن تَنكِحُوهُنَّ وَٱلۡمُسۡتَضۡعَفِينَ مِنَ ٱلۡوِلۡدَٰنِ وَأَن تَقُومُواْ لِلۡيَتَٰمَىٰ بِٱلۡقِسۡطِۚ وَمَا تَفۡعَلُواْ مِنۡ خَيۡرٖ فَإِنَّ ٱللَّهَ كَانَ بِهِۦ عَلِيمٗا

Andu bagidsan sakanilan (Muhammad) sa kanu mga babay, adtalu ka su Allah ipeb-payag salkanu sa hukuman nilan andu su pembatyan salkanu san sa kitab, sya kanu mga yateem (ilu) a mga babay a di nu ibaginggay sakanilan su kawarisan nilan (sunggudan) sa kyugan nu mangaluma, (su yateem na wagib a sunggudan)andu su mga malubay a mga madsugat a mga wata andu su kapaninideg nu kanu mga yateem sa bantang andu nganin a panggalbaken nu sa mapya, na su Allah na katawan nin i balas nin.