Terjemahan makna Surah Al-A'rāf - Terjemahan Berbahasa Filipina (Maguindanao) - Markaz Ruwād Terjemah - Nomor Halaman 151 - Ensiklopedia Alquran Alkarim

Al-araf

Ayah: 1

الٓمٓصٓ

Alif-Laam-Meem-Saad (su Allah i mataw kanu ma'ana nin).

Ayah: 2

كِتَٰبٌ أُنزِلَ إِلَيۡكَ فَلَا يَكُن فِي صَدۡرِكَ حَرَجٞ مِّنۡهُ لِتُنذِرَ بِهِۦ وَذِكۡرَىٰ لِلۡمُؤۡمِنِينَ

Nan su kitab (Qur’an) initulun sa leka (Muhammad) na di ma-aden sa laleb nengka i kagagetan, ka endu nengka makapakagilek kanu manga taw (a kafir) endu makapatadem nengka kanu manga bamamaginugut.

Ayah: 3

ٱتَّبِعُواْ مَآ أُنزِلَ إِلَيۡكُم مِّن رَّبِّكُمۡ وَلَا تَتَّبِعُواْ مِن دُونِهِۦٓ أَوۡلِيَآءَۗ قَلِيلٗا مَّا تَذَكَّرُونَ

Unuti nu su initulun sa lekanu (Qur’an) ebpun sa kadenan nu, na da kanu munut sa salakaw lun i kamalan nu, ka paydu i katadem nu ataw ka maka- indaw sa lekanu.

Ayah: 4

وَكَم مِّن قَرۡيَةٍ أَهۡلَكۡنَٰهَا فَجَآءَهَا بَأۡسُنَا بَيَٰتًا أَوۡ هُمۡ قَآئِلُونَ

Endu madakel i dalpa a bininasa nami (sabap kanu kadusan nu taw nin) nakawma sa kanilan su tyuba nami sa magabi ataw ka malamag.

Ayah: 5

فَمَا كَانَ دَعۡوَىٰهُمۡ إِذۡ جَآءَهُم بَأۡسُنَآ إِلَّآ أَن قَالُوٓاْ إِنَّا كُنَّا ظَٰلِمِينَ

Na dala den nadtalu nilan sa kanu kinawma na tyuba nami sa kanilan ya tabya a nadtalu nilan na sekitanu besen i manga dupang a manga taw.

Ayah: 6

فَلَنَسۡـَٔلَنَّ ٱلَّذِينَ أُرۡسِلَ إِلَيۡهِمۡ وَلَنَسۡـَٔلَنَّ ٱلۡمُرۡسَلِينَ

Na idsan nami su manga taw u ngin i pidtalu nilan kanu sinugu, endu idsan nami bun su manga sinugu u ngin i pidtalu nu manga taw.

Ayah: 7

فَلَنَقُصَّنَّ عَلَيۡهِم بِعِلۡمٖۖ وَمَا كُنَّا غَآئِبِينَ

Na panudtulen nami sa kanilan (su pinggalbek nilan sa dunya a nawna) endu dala sa lekami i di nami silan embantayan.

Ayah: 8

وَٱلۡوَزۡنُ يَوۡمَئِذٍ ٱلۡحَقُّۚ فَمَن ثَقُلَتۡ مَوَٰزِينُهُۥ فَأُوْلَٰٓئِكَ هُمُ ٱلۡمُفۡلِحُونَ

Endu su timbangan (lu sa gay a mawli) na bantang i kakukum, na su mawgat timbangan nu mapya nin, na silan a manga taw a namakauntung.

Ayah: 9

وَمَنۡ خَفَّتۡ مَوَٰزِينُهُۥ فَأُوْلَٰٓئِكَ ٱلَّذِينَ خَسِرُوٓاْ أَنفُسَهُم بِمَا كَانُواْ بِـَٔايَٰتِنَا يَظۡلِمُونَ

Su mapegkag menem i timbangan nin a mapya na silan su manga taw a linapis nilan su ginawa nilan, sabap kanu kapedsangka nilan sa manga ayatan nami.

Ayah: 10

وَلَقَدۡ مَكَّنَّٰكُمۡ فِي ٱلۡأَرۡضِ وَجَعَلۡنَا لَكُمۡ فِيهَا مَعَٰيِشَۗ قَلِيلٗا مَّا تَشۡكُرُونَ

Endu saben-sabenal a pinandalpa nami sekanu sya sa lupa, endu binaluy nami sa lekanu i makapaguyag nu, na paydu i kadsukur nu.

Ayah: 11

وَلَقَدۡ خَلَقۡنَٰكُمۡ ثُمَّ صَوَّرۡنَٰكُمۡ ثُمَّ قُلۡنَا لِلۡمَلَٰٓئِكَةِ ٱسۡجُدُواْ لِأٓدَمَ فَسَجَدُوٓاْ إِلَّآ إِبۡلِيسَ لَمۡ يَكُن مِّنَ ٱلسَّٰجِدِينَ

Endu saben-sabenal i binaluy nami sekanu endu pinabpalas nami sekanu, mawli na pidtalu nami kanu manga malaikat i sujudi nu si Adam na sinumujud silan ya tabya na Iblis ka dala amung sumujud.