Terjemahan makna Surah Surah Al-Lail - الترجمة المالاغاشية - رواد - Ensiklopedia Alquran Alkarim

Al-lail

Ayah: 1

وَٱلَّيۡلِ إِذَا يَغۡشَىٰ

Mianiana Aho amin'ny alina mikitroka,

Ayah: 2

وَٱلنَّهَارِ إِذَا تَجَلَّىٰ

Amin'ny andro rehefa miposaka mamiratra izy,

Ayah: 3

وَمَا خَلَقَ ٱلذَّكَرَ وَٱلۡأُنثَىٰٓ

Amin'ny nahariana ny lahy sy ny vavy.

Ayah: 4

إِنَّ سَعۡيَكُمۡ لَشَتَّىٰ

Fa raha ny tena marina, ny asanareo dia samihafa,

Ayah: 5

فَأَمَّا مَنۡ أَعۡطَىٰ وَٱتَّقَىٰ

Ary ho an'ilay malala-tanana sy manam-patahorana an'I Allah.

Ayah: 6

وَصَدَّقَ بِٱلۡحُسۡنَىٰ

Ary manamarina ny fisian'ny valisoa tsara indrindra.

Ayah: 7

فَسَنُيَسِّرُهُۥ لِلۡيُسۡرَىٰ

Ary ho amorako ho azy ireo ny lalana mankany amin'ny fahamorana.

Ayah: 8

وَأَمَّا مَنۢ بَخِلَ وَٱسۡتَغۡنَىٰ

Fa ho an'ireo izay kahihitra sy miseho ho mahavita tena kosa.

Ayah: 9

وَكَذَّبَ بِٱلۡحُسۡنَىٰ

Ary mandà ny fisian'ny valisoa tsara indrindra,

Ayah: 10

فَسَنُيَسِّرُهُۥ لِلۡعُسۡرَىٰ

Dia ho amorako ho azy ireo ny lalana mankany amin'ny fahasarotana.

Ayah: 11

وَمَا يُغۡنِي عَنۡهُ مَالُهُۥٓ إِذَا تَرَدَّىٰٓ

Ary tsy hahavita na inona aminy ny hareny rehefa hatsipy ao anaty Afobe izy.

Ayah: 12

إِنَّ عَلَيۡنَا لَلۡهُدَىٰ

Tena adidinay tokoa ny fitarihana.

Ayah: 13

وَإِنَّ لَنَا لَلۡأٓخِرَةَ وَٱلۡأُولَىٰ

Anay tanteraka ny fiainana eto an-tany sy any ankoatra.

Ayah: 14

فَأَنذَرۡتُكُمۡ نَارٗا تَلَظَّىٰ

Noho izany dia efa nampitandremako ilay afo milelalela ianareo.

Ayah: 15

لَا يَصۡلَىٰهَآ إِلَّا ٱلۡأَشۡقَى

Ka tsy handoro afa-tsy ireo voahozona,

Ayah: 16

ٱلَّذِي كَذَّبَ وَتَوَلَّىٰ

Dia izay tsy nino sy nandà izany.

Ayah: 17

وَسَيُجَنَّبُهَا ٱلۡأَتۡقَى

Ary hanalavitra izany kosa ny be fahatahorana an'i Tompo Allah.

Ayah: 18

ٱلَّذِي يُؤۡتِي مَالَهُۥ يَتَزَكَّىٰ

Dia izay manome ny hareny mba hanadiovana ny fanahiny,

Ayah: 19

وَمَا لِأَحَدٍ عِندَهُۥ مِن نِّعۡمَةٖ تُجۡزَىٰٓ

Ary tsy misy na iza na iza eo anatrehany ka ahazo valim-pahasoavana.

Ayah: 20

إِلَّا ٱبۡتِغَآءَ وَجۡهِ رَبِّهِ ٱلۡأَعۡلَىٰ

Afa-tsy nohon'ny fikatsahana ny tavan'ny Tompony Avo indrindra irery ihany.

Ayah: 21

وَلَسَوۡفَ يَرۡضَىٰ

Eny ! Ho afa-po tsy ho ela izy.