Traduzione dei significati Sura Ar-Rûm - Traduzione filippina (bisaya) - Centro di traduzione Pioneers - Numero di pagina 404 - L'Enciclopedia del Nobile Corano

Ar-Rūm

Versetto: 1

الٓمٓ

Alif Laam Meem^[1].

[1]. Ang Qur'an gilangkuban sa mga letra gikan sa Arabikong mga Alpabeto. Ang mga Arabo niadtong panahona sa diha nga ginapakanaog ang Pinadayag dili hitupngan sa ilang Hingpit nga Kahibalo sa Arabikong pinulongan apan sa dihang nga sila gihagit wala gayud sila makahimo sa pagdala ug kapitulo nga susama sa Qur'an. Bisan pa niini nga kamatuoran, si Allāh ang Labing Nahibalo sa dugang kahulogan niining maong mga letra.

Versetto: 2

غُلِبَتِ ٱلرُّومُ

Ang mga Byzantine (mga Romanhon) nabuntog.

Versetto: 3

فِيٓ أَدۡنَى ٱلۡأَرۡضِ وَهُم مِّنۢ بَعۡدِ غَلَبِهِمۡ سَيَغۡلِبُونَ

Sa labing duol (ug pinakaubos) nga yuta (Palestina, Siria, ug Hordan), ug sila (ang mga Romanhon) human sa ilang kapildihan, ilang mabuntog (ang mga persyano, nga mga Zoroastrianhon niadtong panahona),

Versetto: 4

فِي بِضۡعِ سِنِينَۗ لِلَّهِ ٱلۡأَمۡرُ مِن قَبۡلُ وَمِنۢ بَعۡدُۚ وَيَوۡمَئِذٖ يَفۡرَحُ ٱلۡمُؤۡمِنُونَ

Sulod sa pipila ka katuigan. Iya sa Allah ang kamanduan kaniadto ug karon, sa wala pa kana ug pagkahuman. Ug niadtong adlawa ang mga magtotoo managkalipay,

Versetto: 5

بِنَصۡرِ ٱللَّهِۚ يَنصُرُ مَن يَشَآءُۖ وَهُوَ ٱلۡعَزِيزُ ٱلرَّحِيمُ

Sa Kadaugan sa Allah; Siya nagahatag ug kadaugan kang bisan kinsa nga Iyang gigusto; ug Siya mao ang Labing Gamhanan, ang Labing Maluluy-on;