Traduzione dei significati Sura Al-Hajj - Traduzione in lohia - Associazione Internazionale per le Scienze e la Cultura - Numero di pagina 338 - L'Enciclopedia del Nobile Corano

Versetto: 47

وَيَسۡتَعۡجِلُونَكَ بِٱلۡعَذَابِ وَلَن يُخۡلِفَ ٱللَّهُ وَعۡدَهُۥۚ وَإِنَّ يَوۡمًا عِندَ رَبِّكَ كَأَلۡفِ سَنَةٖ مِّمَّا تَعُدُّونَ

Ne bakhuyungubasinjia mbu orere eshinyasio, halali Nyasaye shalafunaka indache yiyie tawe. Ne toto inyanga ndala ewa Nyasaye wuwo Omulesi ili shinga emika iyelefu shingala enywe mubalanga.

Versetto: 48

وَكَأَيِّن مِّن قَرۡيَةٍ أَمۡلَيۡتُ لَهَا وَهِيَ ظَالِمَةٞ ثُمَّ أَخَذۡتُهَا وَإِلَيَّ ٱلۡمَصِيرُ

Ne nitsingongo tsinga tsiandahelesia ebise natsio nitsikholanga amabii, mana netsira mumukhono, ne ewanje niwo amakalushilo.

Versetto: 49

قُلۡ يَٰٓأَيُّهَا ٱلنَّاسُ إِنَّمَآ أَنَا۠ لَكُمۡ نَذِيرٞ مُّبِينٞ

Boola mbu: “Enywe Abandu, esie endisa omwikanyilisi wenyu owahabulafu."

Versetto: 50

فَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُم مَّغۡفِرَةٞ وَرِزۡقٞ كَرِيمٞ

Kho, balia basuubila mana nibakhola ebikhole ebilayi, balinyoola obulesheli nende omukabo kweshiroonyo.

Versetto: 51

وَٱلَّذِينَ سَعَوۡاْ فِيٓ ءَايَٰتِنَا مُعَٰجِزِينَ أُوْلَٰٓئِكَ أَصۡحَٰبُ ٱلۡجَحِيمِ

Ne balia balumililanga okhuyingasia ebimanyisio biefu, abo nibo abandu bomumulilo.

Versetto: 52

وَمَآ أَرۡسَلۡنَا مِن قَبۡلِكَ مِن رَّسُولٖ وَلَا نَبِيٍّ إِلَّآ إِذَا تَمَنَّىٰٓ أَلۡقَى ٱلشَّيۡطَٰنُ فِيٓ أُمۡنِيَّتِهِۦ فَيَنسَخُ ٱللَّهُ مَا يُلۡقِي ٱلشَّيۡطَٰنُ ثُمَّ يُحۡكِمُ ٱللَّهُ ءَايَٰتِهِۦۗ وَٱللَّهُ عَلِيمٌ حَكِيمٞ

Ne shikhwarumakhwo imbeli wuwo Omurumwa nohomba Omunabii, halali olwa asoma, Shetani aretsanga obutswatswani mumasomo ako. Halali Nyasaye arusinjia aka Shetani aretsangamwo mana Nyasaye atinyisie tsinyaali tsitsie, ne Nyasaye ni Owaamani, Owamachesi muno.

Versetto: 53

لِّيَجۡعَلَ مَا يُلۡقِي ٱلشَّيۡطَٰنُ فِتۡنَةٗ لِّلَّذِينَ فِي قُلُوبِهِم مَّرَضٞ وَٱلۡقَاسِيَةِ قُلُوبُهُمۡۗ وَإِنَّ ٱلظَّٰلِمِينَ لَفِي شِقَاقِۭ بَعِيدٖ

Kho akhole kalia aka Shetani aretsangamwo okhuba amatemo khubalia abali nende obulwale mumioyo chiabu nende balia aba emioyo chiabu chioma. Ne toto abamabii bali mubukori nende obuyingani bwa hale.

Versetto: 54

وَلِيَعۡلَمَ ٱلَّذِينَ أُوتُواْ ٱلۡعِلۡمَ أَنَّهُ ٱلۡحَقُّ مِن رَّبِّكَ فَيُؤۡمِنُواْ بِهِۦ فَتُخۡبِتَ لَهُۥ قُلُوبُهُمۡۗ وَإِنَّ ٱللَّهَ لَهَادِ ٱلَّذِينَ ءَامَنُوٓاْ إِلَىٰ صِرَٰطٖ مُّسۡتَقِيمٖ

Ne mbu khobamanye balia abahebwa obumanyi mbu ni obwatoto okhurula khu Nyasaye wuwo Omulesi mana babusuubile kho emioyo chiabu chimwihotselesilie. Ne toto Nyasaye niye ulunjisinjia balia abasuubila khunjila ingololofu.

Versetto: 55

وَلَا يَزَالُ ٱلَّذِينَ كَفَرُواْ فِي مِرۡيَةٖ مِّنۡهُ حَتَّىٰ تَأۡتِيَهُمُ ٱلسَّاعَةُ بَغۡتَةً أَوۡ يَأۡتِيَهُمۡ عَذَابُ يَوۡمٍ عَقِيمٍ

Ne abakhayi balatsilila okhuba nende eshibeyibeyi khulwa elo (lia wetsa nalio) okhuula shinga indukho iliboolela mapwoka nohomba shibetsele eshinyasio shia inyanga ingumba (ibula obulayi bwosibwosi).