Traduzione dei significati Sura At-Takwîr - الترجمة اللوهيا - L'Enciclopedia del Nobile Corano

At-Takwir (OKHUFUMBWAFUMBWA)

Versetto: 1

إِذَا ٱلشَّمۡسُ كُوِّرَتۡ

Olwa eliuba lilifumbwafubwa.

Versetto: 2

وَإِذَا ٱلنُّجُومُ ٱنكَدَرَتۡ

Ne olwa tsing’ining’ini tsilikwa.

Versetto: 3

وَإِذَا ٱلۡجِبَالُ سُيِّرَتۡ

Ne olwa tsingulu tsilirusibwaho.

Versetto: 4

وَإِذَا ٱلۡعِشَارُ عُطِّلَتۡ

Ne olwa tsingamia tsili inda tsililekhwa.

Versetto: 5

وَإِذَا ٱلۡوُحُوشُ حُشِرَتۡ

Ne olwa tsisolo tsiomwiswa tsilikhung’asibwa.

Versetto: 6

وَإِذَا ٱلۡبِحَارُ سُجِّرَتۡ

Ne olwa tsinyanza tsiliakha omulilo.

Versetto: 7

وَإِذَا ٱلنُّفُوسُ زُوِّجَتۡ

Ne olwa emioyo chililimasibwa.

Versetto: 8

وَإِذَا ٱلۡمَوۡءُۥدَةُ سُئِلَتۡ

Ne olwa omukhana wayabilwa omulamu alireebwa.

Versetto: 9

بِأَيِّ ذَنۢبٖ قُتِلَتۡ

Khulibii shina liayererwa?

Versetto: 10

وَإِذَا ٱلصُّحُفُ نُشِرَتۡ

Ne olwa Ebitabu bilisaalasibwa.

Versetto: 11

وَإِذَا ٱلسَّمَآءُ كُشِطَتۡ

Ne olwa likulu lilirusibwaho.

Versetto: 12

وَإِذَا ٱلۡجَحِيمُ سُعِّرَتۡ

Ne olwa omulilo kwa Jahannamu kulimetwa omwakho (khukutsirire okhwaakha).

Versetto: 13

وَإِذَا ٱلۡجَنَّةُ أُزۡلِفَتۡ

Ne olwa omukunda kwomwikulu kulisitibwa ahambi.

Versetto: 14

عَلِمَتۡ نَفۡسٞ مَّآ أَحۡضَرَتۡ

Buli omundu alimanya shiayakhola.

Versetto: 15

فَلَآ أُقۡسِمُ بِٱلۡخُنَّسِ

Nditsuba khutsing’ining’ini tsikalukhanga inyuma.

Versetto: 16

ٱلۡجَوَارِ ٱلۡكُنَّسِ

Tsitsitsanga, mana khandi tsifisa.

Versetto: 17

وَٱلَّيۡلِ إِذَا عَسۡعَسَ

Ne olweshilo shitsitsanga nishichelela.

Versetto: 18

وَٱلصُّبۡحِ إِذَا تَنَفَّسَ

Ne eshialo nishitsia okhushia.

Versetto: 19

إِنَّهُۥ لَقَوۡلُ رَسُولٖ كَرِيمٖ

Toto kano ni amakhuwa komurumwa woluyali.

Versetto: 20

ذِي قُوَّةٍ عِندَ ذِي ٱلۡعَرۡشِ مَكِينٖ

Owamaani, owa ingasi yoluyali, ewa Mwene Eshisala shiobwami.

Versetto: 21

مُّطَاعٖ ثَمَّ أَمِينٖ

Uwuwulilungwa eyo mana khandi omwisikwa.

Versetto: 22

وَمَا صَاحِبُكُم بِمَجۡنُونٖ

Ne owashienywe uno shali omulalu tawe.

Versetto: 23

وَلَقَدۡ رَءَاهُ بِٱلۡأُفُقِ ٱلۡمُبِينِ

Ne toto bwene yamulola (Jibril) netsimoni tsie elubeka wa hekulu muno welikulu lia hasi lili habulafu.

Versetto: 24

وَمَا هُوَ عَلَى ٱلۡغَيۡبِ بِضَنِينٖ

Naye shali omwimani khumakhuwa kefisa tawe.

Versetto: 25

وَمَا هُوَ بِقَوۡلِ شَيۡطَٰنٖ رَّجِيمٖ

Ne kano shikali amakhuwa ka Shetani walondwa tawe.

Versetto: 26

فَأَيۡنَ تَذۡهَبُونَ

Kho mutsitsanga yena?

Versetto: 27

إِنۡ هُوَ إِلَّا ذِكۡرٞ لِّلۡعَٰلَمِينَ

Ikurani ino ni eshitsulisio butswa khubiloonje bioosi.

Versetto: 28

لِمَن شَآءَ مِنكُمۡ أَن يَسۡتَقِيمَ

Khu yesiyesi mwinywe wenyanga okhulunjikha.

Versetto: 29

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ

Ne enywe shimulenya tawe halali okhuula Nyasaye yenye, Omulesi webiloonje bioosi.