Traduzione dei significati Sura Fussilat - Traduzione filippina (maguindanao) - Numero di pagina 479 - L'Enciclopedia del Nobile Corano

Versetto: 21

وَقَالُواْ لِجُلُودِهِمۡ لِمَ شَهِدتُّمۡ عَلَيۡنَاۖ قَالُوٓاْ أَنطَقَنَا ٱللَّهُ ٱلَّذِيٓ أَنطَقَ كُلَّ شَيۡءٖۚ وَهُوَ خَلَقَكُمۡ أَوَّلَ مَرَّةٖ وَإِلَيۡهِ تُرۡجَعُونَ

Nya madtalu kanu lanitan nilan na, nginan kapadsaksyan kami nu? Nya nilan madtalu na, panadtalu kami nu Allah a napadtalu kanu anggaga-isa andu sekanin i minaluy salaknu paganay na lu kanu bun salkanin.

Versetto: 22

وَمَا كُنتُمۡ تَسۡتَتِرُونَ أَن يَشۡهَدَ عَلَيۡكُمۡ سَمۡعُكُمۡ وَلَآ أَبۡصَٰرُكُمۡ وَلَا جُلُودُكُمۡ وَلَٰكِن ظَنَنتُمۡ أَنَّ ٱللَّهَ لَا يَعۡلَمُ كَثِيرٗا مِّمَّا تَعۡمَلُونَ

Andu dala nu den muna ipagana su kadupangan nu salakanin(Allah) na saksyan kanu na tangila nu andu su mata nu andu su upis nu saguna, ka sekanu na inatap nu i dili katawan nu Allah su madakal a galabak nu (sa dunya).

Versetto: 23

وَذَٰلِكُمۡ ظَنُّكُمُ ٱلَّذِي ظَنَنتُم بِرَبِّكُمۡ أَرۡدَىٰكُمۡ فَأَصۡبَحۡتُم مِّنَ ٱلۡخَٰسِرِينَ

Andu antu bas u antapan nu kadnan nu a nakalusak kanu san aka-awa sa alaga nun, nabaluy kanu sa nalugi-lugi kanu.

Versetto: 24

فَإِن يَصۡبِرُواْ فَٱلنَّارُ مَثۡوٗى لَّهُمۡۖ وَإِن يَسۡتَعۡتِبُواْ فَمَا هُم مِّنَ ٱلۡمُعۡتَبِينَ

Apya pan adsabar silan na su naraka bun i dalpa nilan, andu amayka dumawa silan na dili den silan makadawa.

Versetto: 25

۞ وَقَيَّضۡنَا لَهُمۡ قُرَنَآءَ فَزَيَّنُواْ لَهُم مَّا بَيۡنَ أَيۡدِيهِمۡ وَمَا خَلۡفَهُمۡ وَحَقَّ عَلَيۡهِمُ ٱلۡقَوۡلُ فِيٓ أُمَمٖ قَدۡ خَلَتۡ مِن قَبۡلِهِم مِّنَ ٱلۡجِنِّ وَٱلۡإِنسِۖ إِنَّهُمۡ كَانُواْ خَٰسِرِينَ

Andu pinadtagapada nami silan sa shaytan a papagkapya sa galabak nilan, magidsan i nawna andu nawli a galbak nilan na mapya i kaylay nilan lun, natuman sakanilan su nadtalu (a siksa) kanu nangawna sakanilan a jin andu manusya sa silan a mga taw na nangalugi.

Versetto: 26

وَقَالَ ٱلَّذِينَ كَفَرُواْ لَا تَسۡمَعُواْ لِهَٰذَا ٱلۡقُرۡءَانِ وَٱلۡغَوۡاْ فِيهِ لَعَلَّكُمۡ تَغۡلِبُونَ

Andu pidtalu nu mga kafeer i, di nu banuliman su Qur’an anan, andu panikutu, ka basi sekanu i tumalaw.

Versetto: 27

فَلَنُذِيقَنَّ ٱلَّذِينَ كَفَرُواْ عَذَابٗا شَدِيدٗا وَلَنَجۡزِيَنَّهُمۡ أَسۡوَأَ ٱلَّذِي كَانُواْ يَعۡمَلُونَ

Pananamen nami su mga kafeer sa siksa a mapasang, andu balasan nami silan sa muna pan i kawag nin kanu galbak nilan.

Versetto: 28

ذَٰلِكَ جَزَآءُ أَعۡدَآءِ ٱللَّهِ ٱلنَّارُۖ لَهُمۡ فِيهَا دَارُ ٱلۡخُلۡدِ جَزَآءَۢ بِمَا كَانُواْ بِـَٔايَٰتِنَا يَجۡحَدُونَ

Antu ba i balas nu satru nu Allah na naraka, aden pan sakanilan i dalpa nilan a tatap i balas nin (a siksa) kanu kapad-supak nilan kanu mga ayatan nami.

Versetto: 29

وَقَالَ ٱلَّذِينَ كَفَرُواْ رَبَّنَآ أَرِنَا ٱلَّذَيۡنِ أَضَلَّانَا مِنَ ٱلۡجِنِّ وَٱلۡإِنسِ نَجۡعَلۡهُمَا تَحۡتَ أَقۡدَامِنَا لِيَكُونَا مِنَ ٱلۡأَسۡفَلِينَ

Andu pidtalu nu mga kafeer i kadnan nami i paylay nengka su tinumading salkami, ka i sya nami sa kababan na palaw nami, ka andu mababa pan silan salakami.