Traduzione dei significati Sura Al-Mâ’idah - Traduzione filippina (Maguindanao) - Pioneer Translation Center (Ruwwad at-Tarjama) - Numero di pagina 126 - L'Enciclopedia del Nobile Corano

Versetto: 109

۞ يَوۡمَ يَجۡمَعُ ٱللَّهُ ٱلرُّسُلَ فَيَقُولُ مَاذَآ أُجِبۡتُمۡۖ قَالُواْ لَا عِلۡمَ لَنَآۖ إِنَّكَ أَنتَ عَلَّٰمُ ٱلۡغُيُوبِ

Su gay a buligen nu Allah su manga sinugu nin, edtalu nu Allah sa kanilan sa ngin i initalima sa lekanu (nu manga taw a sinuguwan sa lekanu) ya nilan madtalu na di nami katawan, seka a Kadenan nami i mataw sa gayb.

Versetto: 110

إِذۡ قَالَ ٱللَّهُ يَٰعِيسَى ٱبۡنَ مَرۡيَمَ ٱذۡكُرۡ نِعۡمَتِي عَلَيۡكَ وَعَلَىٰ وَٰلِدَتِكَ إِذۡ أَيَّدتُّكَ بِرُوحِ ٱلۡقُدُسِ تُكَلِّمُ ٱلنَّاسَ فِي ٱلۡمَهۡدِ وَكَهۡلٗاۖ وَإِذۡ عَلَّمۡتُكَ ٱلۡكِتَٰبَ وَٱلۡحِكۡمَةَ وَٱلتَّوۡرَىٰةَ وَٱلۡإِنجِيلَۖ وَإِذۡ تَخۡلُقُ مِنَ ٱلطِّينِ كَهَيۡـَٔةِ ٱلطَّيۡرِ بِإِذۡنِي فَتَنفُخُ فِيهَا فَتَكُونُ طَيۡرَۢا بِإِذۡنِيۖ وَتُبۡرِئُ ٱلۡأَكۡمَهَ وَٱلۡأَبۡرَصَ بِإِذۡنِيۖ وَإِذۡ تُخۡرِجُ ٱلۡمَوۡتَىٰ بِإِذۡنِيۖ وَإِذۡ كَفَفۡتُ بَنِيٓ إِسۡرَٰٓءِيلَ عَنكَ إِذۡ جِئۡتَهُم بِٱلۡبَيِّنَٰتِ فَقَالَ ٱلَّذِينَ كَفَرُواْ مِنۡهُمۡ إِنۡ هَٰذَآ إِلَّا سِحۡرٞ مُّبِينٞ

Labit ka (Muhammad) su kinadtalu nu Allah kani Eisa a wata ni Maryam sa tademi ka su limu ku sa leka endu si ina nengka su kutika binagel ku seka kani Jibril, ipembityalay nengka i manga taw sa pebpuyut ka endu masla ka den endu pinakatawan ku sa leka su kitab endu su kawngangen endu su Taurat endu su Injil endu bagumbalan nengka i lupa (malumiket) sa papanuk i palas nin sabap kanu kahanda ku na bagyupen nengka na gabaluy a papanuk sa kahanda ku endu egkagamutan nengka i dala mata nin (pegkapya) endu putik sa kahanda ku endu pakapambwat nengka i minatay (gauyag) sa kahanda nu Allah endu inalawang ku su tupu nu Israel sa dika nilan kagkaydan (kanu kinapamagayun nilan sa kapembunu kanu Eisa) sa kinawma nengka sa kanilan sa manga mapayag (mapayag a manga tanda nu Allah) na ya pidtalu nu manga kafir sa kanilan na dala inan (katagan nin) ya tabya na sih’r a mapayag (pangalintaw ataw ka kategelan).

Versetto: 111

وَإِذۡ أَوۡحَيۡتُ إِلَى ٱلۡحَوَارِيِّـۧنَ أَنۡ ءَامِنُواْ بِي وَبِرَسُولِي قَالُوٓاْ ءَامَنَّا وَٱشۡهَدۡ بِأَنَّنَا مُسۡلِمُونَ

Endu inipanggiginawa ku kanu manga Hawariyyun (manga namalitiyaya kanu Eisa) i pangimbenal aku nu, endu su sinugu ku (Eisa) na ya nilan pidtalu na nangimbenal kami endu saksi kami sa sinumangkup kami.

Versetto: 112

إِذۡ قَالَ ٱلۡحَوَارِيُّونَ يَٰعِيسَى ٱبۡنَ مَرۡيَمَ هَلۡ يَسۡتَطِيعُ رَبُّكَ أَن يُنَزِّلَ عَلَيۡنَا مَآئِدَةٗ مِّنَ ٱلسَّمَآءِۖ قَالَ ٱتَّقُواْ ٱللَّهَ إِن كُنتُم مُّؤۡمِنِينَ

Endu pidtalu nu manga Hawariyyun (manga namalityaya kanu Eisa): Hay Eisa a wata ni Maryam! Ngintu magaga nu kadenan nengka i patulunan kami nu Allah sa pegken ebpun sa langit, tig nu Eisa: ikagilek nu su Allah amayka benal a bamamaginugut kanu.

Versetto: 113

قَالُواْ نُرِيدُ أَن نَّأۡكُلَ مِنۡهَا وَتَطۡمَئِنَّ قُلُوبُنَا وَنَعۡلَمَ أَن قَدۡ صَدَقۡتَنَا وَنَكُونَ عَلَيۡهَا مِنَ ٱلشَّٰهِدِينَ

Ya nilan pidtalu: pegkyug kami sa lu kami ba kuman ka endu makadtakena su atay nami endu katawan nami i benal ka (Eisa) endu makuyug kami kanu manga midsaksi.