Traduzione dei significati Sura ‘Abasa - الترجمة المالاغاشية - رواد - L'Enciclopedia del Nobile Corano

'Abasa

Versetto: 1

عَبَسَ وَتَوَلَّىٰٓ

Niketrona izy dia nihodina,

Versetto: 2

أَن جَآءَهُ ٱلۡأَعۡمَىٰ

satria tonga teo aminy ilay jamba,

Versetto: 3

وَمَا يُدۡرِيكَ لَعَلَّهُۥ يَزَّكَّىٰٓ

tsy fantatrao angamba izy tonga mba hanadio ny fanahiny! Sao dia mba misy fahatsampan-tena ao aminy,

Versetto: 4

أَوۡ يَذَّكَّرُ فَتَنفَعَهُ ٱلذِّكۡرَىٰٓ

Na koa mahatsapa tena izy amin'ny fahampatsiahivana,

Versetto: 5

أَمَّا مَنِ ٱسۡتَغۡنَىٰ

Ho an'izay manana ny ampy kosa,

Versetto: 6

فَأَنتَ لَهُۥ تَصَدَّىٰ

dia nanatona azy am-pahazotoana ianao,

Versetto: 7

وَمَا عَلَيۡكَ أَلَّا يَزَّكَّىٰ

nefa tsy tsininao ny tsy fahadiovany,

Versetto: 8

وَأَمَّا مَن جَآءَكَ يَسۡعَىٰ

fa izay tonga nanantona anao am-pahavitrihana kosa,

Versetto: 9

وَهُوَ يَخۡشَىٰ

sady feno fahatahorana an'I Allah,

Versetto: 10

فَأَنتَ عَنۡهُ تَلَهَّىٰ

dia tsy noheverinao ny momba azy,

Versetto: 11

كَلَّآ إِنَّهَا تَذۡكِرَةٞ

Tsia! Aza manao toy izany intsony ianao! Raha ny tena marina ity dia fampahatsiahivana fotsiny ihany,

Versetto: 12

فَمَن شَآءَ ذَكَرَهُۥ

ka izay maniry izany dia hahatsiaro,

Versetto: 13

فِي صُحُفٖ مُّكَرَّمَةٖ

izay voarakitra ao amin'ny takelaka manan-kaja,

Versetto: 14

مَّرۡفُوعَةٖ مُّطَهَّرَةِۭ

sy manan-danja ary feno fahadiovana,

Versetto: 15

بِأَيۡدِي سَفَرَةٖ

eo am-pelan-tanan'ireo anjely,

Versetto: 16

كِرَامِۭ بَرَرَةٖ

mendrika sy mpakato,

Versetto: 17

قُتِلَ ٱلۡإِنسَٰنُ مَآ أَكۡفَرَهُۥ

Loza anie ho an'izay olombelona mikomy ny amin'izany,

Versetto: 18

مِنۡ أَيِّ شَيۡءٍ خَلَقَهُۥ

Fa avy tamin'inona moa no nahariana azy?

Versetto: 19

مِن نُّطۡفَةٍ خَلَقَهُۥ فَقَدَّرَهُۥ

avy tamin'ny piti-dranon'aina no nahariana azy, ary avy eo dia nofaritany ny anjaran'io olona io,

Versetto: 20

ثُمَّ ٱلسَّبِيلَ يَسَّرَهُۥ

ary avy eo dia nakamorainy ny lalan-kombany,

Versetto: 21

ثُمَّ أَمَاتَهُۥ فَأَقۡبَرَهُۥ

Dia nampandaloviny fahafatesana izy ary nalevina,

Versetto: 22

ثُمَّ إِذَا شَآءَ أَنشَرَهُۥ

koa raha sitrak'I Allah dia mbola hatsangany amin'ny maty izy,

Versetto: 23

كَلَّا لَمَّا يَقۡضِ مَآ أَمَرَهُۥ

Nefa indrisy! Fa tsy nanatanteraka ireo izay nandidiana azy izy!

Versetto: 24

فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ

Aoka anefa ny olombelona handinika ireo sakafo fivelomany,

Versetto: 25

أَنَّا صَبَبۡنَا ٱلۡمَآءَ صَبّٗا

nampidiniko ihany koa ny rano sesehena,

Versetto: 26

ثُمَّ شَقَقۡنَا ٱلۡأَرۡضَ شَقّٗا

Avy eo, nataoko mba hahavokatra ny tany,

Versetto: 27

فَأَنۢبَتۡنَا فِيهَا حَبّٗا

ka nampitsimoako avy ao ireo voa mahavelona,

Versetto: 28

وَعِنَبٗا وَقَضۡبٗا

dia ny voaloboka sy ny anana amam-bilona,

Versetto: 29

وَزَيۡتُونٗا وَنَخۡلٗا

ny hazo ny oliva sy ny hazo ny antrendry

Versetto: 30

وَحَدَآئِقَ غُلۡبٗا

ireo saha midoroboka,

Versetto: 31

وَفَٰكِهَةٗ وَأَبّٗا

voankazo sy karazan'ahitra,

Versetto: 32

مَّتَٰعٗا لَّكُمۡ وَلِأَنۡعَٰمِكُمۡ

mba hahasoa anareo sy ireo biby fiompinareo,

Versetto: 33

فَإِذَا جَآءَتِ ٱلصَّآخَّةُ

koa rehefa ho tonga ilay antso tsy hifandrenesana,

Versetto: 34

يَوۡمَ يَفِرُّ ٱلۡمَرۡءُ مِنۡ أَخِيهِ

amin'ny andro izay handosiran'olombelona ny rahalahiny,

Versetto: 35

وَأُمِّهِۦ وَأَبِيهِ

ny reniny sy ny rainy;

Versetto: 36

وَصَٰحِبَتِهِۦ وَبَنِيهِ

ary ny vady aman-janany.

Versetto: 37

لِكُلِّ ٱمۡرِيٕٖ مِّنۡهُمۡ يَوۡمَئِذٖ شَأۡنٞ يُغۡنِيهِ

ny olona tsirairay amin'izy ireo, amin'izay andro izay dia ny hahasoa ny tenany no himasoany.

Versetto: 38

وُجُوهٞ يَوۡمَئِذٖ مُّسۡفِرَةٞ

hisy amin'izany andro izany ireo endrika feno hazavana,

Versetto: 39

ضَاحِكَةٞ مُّسۡتَبۡشِرَةٞ

faly sy mirana,

Versetto: 40

وَوُجُوهٞ يَوۡمَئِذٍ عَلَيۡهَا غَبَرَةٞ

ao koa anefa, amin'izay andro izay, ireo endrika mihosom-bovoka,

Versetto: 41

تَرۡهَقُهَا قَتَرَةٌ

sy mivalo mainty,

Versetto: 42

أُوْلَٰٓئِكَ هُمُ ٱلۡكَفَرَةُ ٱلۡفَجَرَةُ

Izy ireo no tsy mpino sy tsy mataho-tody,