Traduzione dei significati Sura Al-Wâqi‘ah - Traduzione somala - Abdullah Hasan Yaqub - Numero di pagina 534 - L'Enciclopedia del Nobile Corano

Alwaaqicah

Versetto: 1

إِذَا وَقَعَتِ ٱلۡوَاقِعَةُ

1. Markay dhacdada weyni dhacdo1.

1. Al-Waaqica: Dhacdada dhici doonta, waxaa loola jeedaa Maalinta Qiyaamaha.

Versetto: 2

لَيۡسَ لِوَقۡعَتِهَا كَاذِبَةٌ

2. Ma jiro dhiciddeeda wax beenin.

Versetto: 3

خَافِضَةٞ رَّافِعَةٌ

3. Hoos u dhigeysa (ehlu Naarka) kor u qaadeysa (ehlu Jannaha)2.

2. Hadba sida camalkoodu yahay oo looma eegayo maal iyo jago uu hayo siduu yahay xaalka adduunkan.

Versetto: 4

إِذَا رُجَّتِ ٱلۡأَرۡضُ رَجّٗا

4. Marka la gilgilo dhulka gilgilid daran.

Versetto: 5

وَبُسَّتِ ٱلۡجِبَالُ بَسّٗا

5. Buuraha la ridqo ridqin daran.

Versetto: 6

فَكَانَتۡ هَبَآءٗ مُّنۢبَثّٗا

6. Oo ay noqoto sida boor firdhisan.

Versetto: 7

وَكُنتُمۡ أَزۡوَٰجٗا ثَلَٰثَةٗ

7. Oo aad ahaataan (dadow) saddex nooc.

Versetto: 8

فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ

8. Kuwa ah Gacanta Midig (ehlu jannaha), nasiib badanaa kuwa ah Gacanta Midig.

Versetto: 9

وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ

9. Kuwase ah Gacanta Bidix (ehlu Naarka), ayaan darnaa kuwa ah Gacanta Bidix.

Versetto: 10

وَٱلسَّٰبِقُونَ ٱلسَّٰبِقُونَ

10. Kuwa u hor mara (Iimaanka iyo falashada camallada wanaagsan) iyagaa horreyn3.

3. Sida anbiyada Alle iyo kuwa horey ka rumeeyey iyagaa hor geli doona Jannada.

Versetto: 11

أُوْلَٰٓئِكَ ٱلۡمُقَرَّبُونَ

11. Waa kuwa loo soo dhoweyn (Ilaahay).

Versetto: 12

فِي جَنَّٰتِ ٱلنَّعِيمِ

12. Waxay Ku sugnaan Beero barwaaqo ah gudahood (jannooyin).

Versetto: 13

ثُلَّةٞ مِّنَ ٱلۡأَوَّلِينَ

13. (Ay geli) jameeco badan oo ah horraankii (ummadan iyo ummadaha kaleba).

Versetto: 14

وَقَلِيلٞ مِّنَ ٱلۡأٓخِرِينَ

14.Iyo in yar oo ka mid ah facyadii dambe4.

4. Waxaa loola jeedaa kuwii ahaa aakhirka ummaddan.

Versetto: 15

عَلَىٰ سُرُرٖ مَّوۡضُونَةٖ

15. Iyagoo ku sugnaan sariiro dahab lagu qurxiyey.

Versetto: 16

مُّتَّكِـِٔينَ عَلَيۡهَا مُتَقَٰبِلِينَ

16. Ku dangiigsan korkeeda,fool ka fool ah.