ការបកប្រែអត្ថន័យ អាយ៉ាត់ 24 ជំពូក​ អាល់មុលក៍ - ការអធិប្បាយសង្ខេបអំពីគម្ពីគួរអានជាភាសាខ្មែរ - សព្វវចនាធិប្បាយនៃគម្ពីគួរអាន

អាយ៉ាត់: 24

قُلۡ هُوَ ٱلَّذِي ذَرَأَكُمۡ فِي ٱلۡأَرۡضِ وَإِلَيۡهِ تُحۡشَرُونَ

ចូរអ្នក(ឱអ្នកនាំសារមូហាំម៉ាត់)ពោលទៅកាន់ពួកមុស្ហរីគីនដែលជាពួកបដិសេធទាំងនោះថាៈ អល់ឡោះទ្រង់ជាអ្នកដែលបានបង្កើតពួកអ្នក(ឱ្យមានជីវិត)នៅលើផែនដី និងបានធ្វើឲ្យពួកអ្នករីកសុសសាយពាសពេញផែនដី ពុំមែនរូបបដិមារបស់ពួកអ្នកដែលមិនបានបង្កើតអ្វីសោះនោះទេ។ ហើយនៅថ្ងៃបរលោក ពួកអ្នកនឹងត្រូវប្រមូលផ្ដុំទៅកាន់ទ្រង់តែមួយគត់ដើម្បីជំនុំជម្រះ និងទទួលការតបស្នង មិនមែនវិលត្រឡប់ទៅកាន់រូបបដិមារបស់ពួកអ្នកនោះឡើយ។ ហេតុនេះ ចូរពួកអ្នកកោតខ្លាចទ្រង់ និងគោរពសក្ការៈចំពោះទ្រង់តែមួយគត់។

ក្នុង​ចំណោម​អត្ថប្រយោជន៍​នៃអាយ៉ាត់ទាំងនេះក្នុងទំព័រនេះ:

• اطلاع الله على ما تخفيه صدور عباده.

• អល់ឡោះដឹងជ្រូតជ្រាបនូវអ្វីដែលលាក់បាំងក្នុងដួងចិត្តរបស់ខ្ញុំបម្រើរបស់ទ្រង់។

• الكفر والمعاصي من أسباب حصول عذاب الله في الدنيا والآخرة.

• ការប្រឆាំងនិងការប្រព្រឹត្តល្មើសទាំងឡាយ ស្ថិតក្នុងចំណោមមូលហេតុដែលនាំឲ្យទទួលទណ្ឌកម្មរបស់អល់ឡោះ ទាំងនៅក្នុងលោកិយនិងនៅថ្ងៃបរលោក។

• الكفر بالله ظلمة وحيرة، والإيمان به نور وهداية.

• ការគ្មានជំនឿនឹងអល់ឡោះ គឺជាភាពងងឹតនិងជាភាពវង្វេង ហើយការមានជំនឿនឹងទ្រង់ គឺជាពន្លឺនិងជាការចង្អុលបង្ហាញ។