ការបកប្រែអត្ថន័យ ជំពូក​ សូរ៉ោះអាល់ហ្សាល់ហ្សាឡះ - الترجمة الخميرية للمختصر في تفسير القرآن الكريم - សព្វវចនាធិប្បាយនៃគម្ពីគួរអាន

សូរ៉ោះអាល់ហ្សាល់ហ្សាឡះ

គោល​បំណងនៃជំពូក:

التذكير بأهوال القيامة ودقّة الحساب فيها.

រំលឹកពីភាពរន្ធត់នៃថ្ងៃបរលោក និងការជំនុំជម្រះនៅក្នុងថ្ងៃនោះប្រកបដោយភាពល្អិតល្អន់ជាទីបំផុត។

---

អាយ៉ាត់: 1

إِذَا زُلۡزِلَتِ ٱلۡأَرۡضُ زِلۡزَالَهَا

នៅពេលដែលផែនដីត្រូវបានគេធ្វើឲ្យញ័ររញ្ជួយយ៉ាងខ្លាំង ដែលហេតុការណ៍នេះ គឺកើតឡើងនៅថ្ងៃបរលោក។

អាយ៉ាត់: 2

وَأَخۡرَجَتِ ٱلۡأَرۡضُ أَثۡقَالَهَا

ហើយផែនដីបានបញ្ចេញពីក្នុងផ្ទៃរបស់វានូវសាកសពទាំងអស់ និងអ្វីៗផ្សេងទៀត។

អាយ៉ាត់: 3

وَقَالَ ٱلۡإِنسَٰنُ مَا لَهَا

ហើយមនុស្សលោកបាននិយាយដោយក្តីងឿងឆ្ងល់ថាៈ តើមានអ្វីកើតឡើងចំពោះផែនដីទើបបានជាវាញ័ររញ្ជួយខ្លាំងបែបនេះ?

អាយ៉ាត់: 4

يَوۡمَئِذٖ تُحَدِّثُ أَخۡبَارَهَا

នៅក្នុងថ្ងៃដ៏ធំធេងនោះ ផែនដីនឹងប្រាប់ទាំងអស់ពីអ្វីដែលគេបានប្រព្រឹត្តនៅលើវា ទាំងប្រការល្អ និងប្រការអាក្រក់។

អាយ៉ាត់: 5

بِأَنَّ رَبَّكَ أَوۡحَىٰ لَهَا

ពីព្រោះអល់ឡោះជាម្ចាស់បានប្រាប់ឱ្យវាដឹង និងបានបញ្ជាឱ្យវាធ្វើដូច្នោះ។

អាយ៉ាត់: 6

يَوۡمَئِذٖ يَصۡدُرُ ٱلنَّاسُ أَشۡتَاتٗا لِّيُرَوۡاْ أَعۡمَٰلَهُمۡ

នៅក្នុងថ្ងៃដ៏ធំធេងដែលផែនដីញ័ររញ្ជួយនោះ មនុស្សលោកនឹងចេញពីកន្លែងជំនុំជម្រះជាក្រុមៗដើម្បីមើលទង្វើទាំងឡាយរបស់ពួកគេដែលពួកគេបានសាងនៅក្នុងលោកិយ។

អាយ៉ាត់: 7

فَمَن يَعۡمَلۡ مِثۡقَالَ ذَرَّةٍ خَيۡرٗا يَرَهُۥ

ដូច្នេះ ជនណាដែលសាងនូវទង្វើល្អ សូម្បីមានទម្ងន់ប៉ុនលំអងដ៏តូចល្អិតក៏ដោយ ក៏គេនឹងឃើញវាដែរ។

អាយ៉ាត់: 8

وَمَن يَعۡمَلۡ مِثۡقَالَ ذَرَّةٖ شَرّٗا يَرَهُۥ

ហើយជនណាដែលសាងនូវទង្វើអាក្រក់វិញ សូម្បីមានទម្ងន់ប៉ុនសត្វស្រមោចដ៏តូចល្អិតក៏ដោយ ក៏គេនឹងឃើញវាដូចគ្នាដែរ។ដូច្នេះ ជនណាដែលសាងនូវទង្វើល្អ សូម្បីមានទម្ងន់ប៉ុនលំអងដ៏តូចល្អិតក៏ដោយ ក៏គេនឹងឃើញវាដែរ។

ក្នុង​ចំណោម​អត្ថប្រយោជន៍​នៃអាយ៉ាត់ទាំងនេះក្នុងទំព័រនេះ:

• خشية الله سبب في رضاه عن عبده.

• ការកោតខ្លាចអល់ឡោះ គឺជាមូលហេតុនាំឱ្យទទួលបាននូវការពេញចិត្តពីទ្រង់។

• شهادة الأرض على أعمال بني آدم.

• ផែនដីនឹងធ្វើជាសាក្សីលើទង្វើទាំងអស់របស់មនុស្សលោក។