ಪವಿತ್ರ ಕುರ್ಆನ್ ಅರ್ಥಾನುವಾದ - ಅಲ್-ಮುಖ್ತಸರ್ ಫಿ ತಫ್ಸೀರಿಲ್ ಕುರ್ಆನಿಲ್ ಕರೀಮ್ - ಫುಲಾನಿ ಅನುವಾದ * - ಅನುವಾದಗಳ ವಿಷಯಸೂಚಿ
۞ وَقَالَ ٱلَّذِينَ لَا يَرۡجُونَ لِقَآءَنَا لَوۡلَآ أُنزِلَ عَلَيۡنَا ٱلۡمَلَٰٓئِكَةُ أَوۡ نَرَىٰ رَبَّنَاۗ لَقَدِ ٱسۡتَكۡبَرُواْ فِيٓ أَنفُسِهِمۡ وَعَتَوۡ عُتُوّٗا كَبِيرٗا
Yedduɓe ɓe tijjaaki ɓen fottoygol e Amen, ɓe hulaali Lepte Amen ɗen ɓe wi'i: " Ko hanno Alla jippina e amen Malaa'ikaaɓe ɓen, ɓe yeeton men Muhammadu ko e Goonga woni, maaɗum men seedora Joomi amen gite, O yeetoo men ɗum?" Gomɗii mawnitinaare nden tiiɗii ka wonkiiji ɓee, haa ɗum haɗi ɓe gomɗinal ngal, ɓe yawtirii ɗii konnguɗi maɓɓe keerol ngol ka keeferaaku e bewre.
ಅರಬ್ಬಿ ವ್ಯಾಖ್ಯಾನಗಳು:
يَوۡمَ يَرَوۡنَ ٱلۡمَلَٰٓئِكَةَ لَا بُشۡرَىٰ يَوۡمَئِذٖ لِّلۡمُجۡرِمِينَ وَيَقُولُونَ حِجۡرٗا مَّحۡجُورٗا
Ñalnde yedduɓe ɓen yi'oyta Malaa'ikaaɓe ɓen tuma ɓe maayata, e ka Barjaku kadi, e ka Immital maɓɓe, e tuma ɓe soggetee ka hasboore, e tuma ɓe naatata ka Yiite haray welo-welo alaana ɓe e ɗeen darorde ɗon. No seedi e gomɗinɓe ɓen, Malaa'ikaaɓe ɓen wi'ana ɓe: No harmi, no harminaa e dow mooɗon welo-welo ngon immorde ka Alla.
ಅರಬ್ಬಿ ವ್ಯಾಖ್ಯಾನಗಳು:
وَقَدِمۡنَآ إِلَىٰ مَا عَمِلُواْ مِنۡ عَمَلٖ فَجَعَلۡنَٰهُ هَبَآءٗ مَّنثُورًا
Men faandii faade e ko yedduɓe ɓen golli kon ka aduna immorde e golle dewal e moƴƴere Men wattini ngal ka bonugol maggal e anngal nafugol magal sabu yeddugol maɓɓe wano nduggu saakiingu ndaaroowo no yi'a ngu ka pooye (sim-simɗe) naange naatuɗe ka jolɗe.
ಅರಬ್ಬಿ ವ್ಯಾಖ್ಯಾನಗಳು:
أَصۡحَٰبُ ٱلۡجَنَّةِ يَوۡمَئِذٍ خَيۡرٞ مُّسۡتَقَرّٗا وَأَحۡسَنُ مَقِيلٗا
Ko yimɓe Aljanna gomɗinɓe ɓen ɓuri moƴƴude darnde nden Ñalnde, ɓuri moƴƴude kadi nokku fowtere, waqtu fowtere maɓɓe nden ka aduna diini ɓee heeferɓe; ɗum ko sabu gomɗinal maɓɓe Alla ngal e golle maɓɓe moƴƴe ɗen.
ಅರಬ್ಬಿ ವ್ಯಾಖ್ಯಾನಗಳು:
ٱلۡمُلۡكُ يَوۡمَئِذٍ ٱلۡحَقُّ لِلرَّحۡمَٰنِۚ وَكَانَ يَوۡمًا عَلَى ٱلۡكَٰفِرِينَ عَسِيرٗا
Laamu Goongawu tabitungu ngun, Ñalnde Darngal ko Hinnorante On ngu heeranii Senayee wonanii Mo, nden Ñalnde laatoto saɗtunde e dow yedduɓe ɓen, no seedi e gomɗinɓe ɓen haray kayre ko nde newiinde e dow maɓɓe.
ಅರಬ್ಬಿ ವ್ಯಾಖ್ಯಾನಗಳು:
وَيَوۡمَ يَعَضُّ ٱلظَّالِمُ عَلَىٰ يَدَيۡهِ يَقُولُ يَٰلَيۡتَنِي ٱتَّخَذۡتُ مَعَ ٱلرَّسُولِ سَبِيلٗا
Jaŋto -an Nulaaɗo- Ñalnde tooñuɗo on ŋatoyta junngo mu'un ngon immorde e saɗtude ninse sabu ɗalugol makko jokkukogol Nulaaɗo on (yo Alla juulu e makko hisna) O wi'oya: "Eeh jalla min, mi jokkuno Nulaaɗo on e ko o addi kon immorde ka Joomi makko, mi jogitii wonndude e makko Laawol daɗugol.
ಅರಬ್ಬಿ ವ್ಯಾಖ್ಯಾನಗಳು:
لَّقَدۡ أَضَلَّنِي عَنِ ٱلذِّكۡرِ بَعۡدَ إِذۡ جَآءَنِيۗ وَكَانَ ٱلشَّيۡطَٰنُ لِلۡإِنسَٰنِ خَذُولٗا
Gomɗii oo weldiiɗo yedduɗo majjinii lam e Alqur'aanaare nden ɓaawo nde hewtii lam e laawol Nulaaɗo on, Seytaane on laatike ko o heewuɗo jaasinngol neɗɗanke on, si saɗteende jippike e makko [seytaane] woɗɗitoo mo.
ಅರಬ್ಬಿ ವ್ಯಾಖ್ಯಾನಗಳು:
وَكَذَٰلِكَ جَعَلۡنَا لِكُلِّ نَبِيٍّ عَدُوّٗا مِّنَ ٱلۡمُجۡرِمِينَۗ وَكَفَىٰ بِرَبِّكَ هَادِيٗا وَنَصِيرٗا
Ko wano no hawrirɗaa nii -an Nulaaɗo- immorde e yimɓe maaɗa ɓen e lorreede e sakkeede ka Laawol maaɗa, Men waɗirani kala Annabaajo immorde e Annabaaɓe ɓen ado maaɗa gaño immorde e bonɓe ɓen ka yimɓe makko, Joomi maaɗa yonii Fewnoowo mo no fewna faade e Goonga kan, O yonii e ɗum Ballo Mo no walle e dow gaño maaɗa on.
ಅರಬ್ಬಿ ವ್ಯಾಖ್ಯಾನಗಳು:
وَقَالَ ٱلَّذِينَ كَفَرُواْ لَوۡلَا نُزِّلَ عَلَيۡهِ ٱلۡقُرۡءَانُ جُمۡلَةٗ وَٰحِدَةٗۚ كَذَٰلِكَ لِنُثَبِّتَ بِهِۦ فُؤَادَكَۖ وَرَتَّلۡنَٰهُ تَرۡتِيلٗا
Ɓen yedduɓe Alla wi'i: "Ko hanno jippinee e dow Nulaaɗo on ndee Alqur'aanaare laawol gootol, hara nde jippinaaka e makko ko nde senndaande? seKo wano nii Men jippinii Alqur'aanaare nden ko nde serndaande fii tabintingol ɓernde maaɗa nden -an Nulaaɗo- sabu jippagol mayre laawol ɓaawo laawol, Men jippinii nde seeɗa seeɗa fii newinngol faamugol nde e hunnjagol nde.
ಅರಬ್ಬಿ ವ್ಯಾಖ್ಯಾನಗಳು:
ಈ ಪುಟದಲ್ಲಿರುವ ಶ್ಲೋಕಗಳ ಉಪಯೋಗಗಳು:
ಪವಿತ್ರ ಕುರ್ಆನ್ ಅರ್ಥಾನುವಾದ - ಅಲ್-ಮುಖ್ತಸರ್ ಫಿ ತಫ್ಸೀರಿಲ್ ಕುರ್ಆನಿಲ್ ಕರೀಮ್ - ಫುಲಾನಿ ಅನುವಾದ - ಅನುವಾದಗಳ ವಿಷಯಸೂಚಿ
ಪ್ರಕಾಶನ - ಕುರ್ಆನ್ ತಫ್ಸೀರ್ ಸ್ಟಡಿ ಸೆಂಟರ್