Reikšmių vertimas Sūra Ja-Syn - Kilniojo Korano sutrumpinto aiškinimo vertimas į fulanių k. - Puslapio numeris 444 - Kilniojo Korano enciklopedija

Aja (Korano eilutė): 55

إِنَّ أَصۡحَٰبَ ٱلۡجَنَّةِ ٱلۡيَوۡمَ فِي شُغُلٖ فَٰكِهُونَ

Yimɓe Aljanna ɓen Ñalnde Darngal, pellet, ɓe wonoyay e nder neema, yejjitinoowo ɓe kala huunde, hakkee neemaaji ñiiɓuɗi, ɗi ɓe yi'oyta. Ɓe neeminora ɗi weltaare.

Aja (Korano eilutė): 56

هُمۡ وَأَزۡوَٰجُهُمۡ فِي ظِلَٰلٍ عَلَى ٱلۡأَرَآئِكِ مُتَّكِـُٔونَ

Hiɓe dakmito kamɓe e genndiraaɓe maɓɓe ɓen, e hoore danɗe, ley ɗowɗe yaajeendi Aljanna.

Aja (Korano eilutė): 57

لَهُمۡ فِيهَا فَٰكِهَةٞ وَلَهُم مَّا يَدَّعُونَ

Hino woodani ɓe ka Aljanna ton, noone kala e ɓiɗɓe leɗɗe laaɓuɗe: immorde e inabu, e ƴibbe, e rummaana. Hino woodani ɓe kadi, kala ko ɓe lamndotoo e muuyanteeji maa nooneeji neema. Ko ɓe lamndii woo ɗum, ɓe heɓay.

Aja (Korano eilutė): 58

سَلَٰمٞ قَوۡلٗا مِّن رَّبّٖ رَّحِيمٖ

E hoore neemaaji maɓɓe ɗin fow, hino woodani ɓe kadi, konngol kisiyee, immorde e Joomiraaɗo, Hinnotooɗo ɓe. Si O salminii ɓe, ɓe wonay e on kisiyee, noone kala. Ɓe heɓa hiwraango, ɓurngo kala hiwraango darja.

Aja (Korano eilutė): 59

وَٱمۡتَٰزُواْ ٱلۡيَوۡمَ أَيُّهَا ٱلۡمُجۡرِمُونَ

Sirkooɓe ɓen wi'anee Ñalnde Darngal: sertee non e gomɗimɓe ɓen, haanaa ka ɓe jillondira e mon, tawde njoɓdi mon, no seedi e njoɓdi maɓɓe, sifaaji kadi wano non.

Aja (Korano eilutė): 60

۞ أَلَمۡ أَعۡهَدۡ إِلَيۡكُمۡ يَٰبَنِيٓ ءَادَمَ أَن لَّا تَعۡبُدُواْ ٱلشَّيۡطَٰنَۖ إِنَّهُۥ لَكُمۡ عَدُوّٞ مُّبِينٞ

Mi ahodaano e mo'on, Mi haɗiri on, onon ɓiɗɓe Aadama ɓen, e konngol Nulaaɓe Am ɓen, wiide on: wata on ɗofto seytaane, faggitagol noone kala e keeferaaku maa geddi? Tawde pellet, kanko seytaane, ko o gaño mon ɓannginɗo ngayngu. Ko honno haqqilɗo ɗoftorta gaño mun ɓannginɗo ngayngu?

Aja (Korano eilutė): 61

وَأَنِ ٱعۡبُدُونِيۚ هَٰذَا صِرَٰطٞ مُّسۡتَقِيمٞ

Mi yamiri on kadi, onon ɓiɗɓe Aadama ɓen, wonnde yo on rewan Min tun, hara on kafidaali Lam e goɗɗum. Ko rewugol Lam Min tun ngol, ɗoftoo Lam, woni laawol focciingol, ɗowayngol e welayee Am e naatugol Aljanna. Kono on waɗaali ko mi ahodunoo e mun kon, Mi yamiri on.

Aja (Korano eilutė): 62

وَلَقَدۡ أَضَلَّ مِنكُمۡ جِبِلّٗا كَثِيرًاۖ أَفَلَمۡ تَكُونُواْ تَعۡقِلُونَ

Gomɗii seytaane majjinii tagu ɗuuɗungu e mon. E on wonaano ɓe haqqille mun yamiraynoo ɗoftagol Joomi mun, rewa Mo Kanko tun, ɗe rentina on e ɗoftagol seytaane, tawɗo ko gaño feññinanɗo on ngayngu?

Aja (Korano eilutė): 63

هَٰذِهِۦ جَهَنَّمُ ٱلَّتِي كُنتُمۡ تُوعَدُونَ

Ko ngee woni Jahannama, nge wonanoɗon fodaneede ngen aduna, sabu keeferaaku mon ngun. Hari hinge wirnaninoo on, kono hannde, e hino nge, on yi'irii nge gite mon.

Aja (Korano eilutė): 64

ٱصۡلَوۡهَا ٱلۡيَوۡمَ بِمَا كُنتُمۡ تَكۡفُرُونَ

Naatee e magge hannde, meeɗiron nnuleeki magge, sabu ko yeddiraynoɗon Alla kon, ka nguurndam mon aduna.

Aja (Korano eilutė): 65

ٱلۡيَوۡمَ نَخۡتِمُ عَلَىٰٓ أَفۡوَٰهِهِمۡ وَتُكَلِّمُنَآ أَيۡدِيهِمۡ وَتَشۡهَدُ أَرۡجُلُهُم بِمَا كَانُواْ يَكۡسِبُونَ

Hannde, Men notay e kunndule maɓɓe ɗen, ɓe wonta mbobooɓe, hara ɓe waawataa yeddude geddi e keeferaaku ko ɓe wonunoo e mun kon. Juuɗe maɓɓe ɗen yewta Men ko ɗe huuwi aduna, koyɗe maɓɓe ɗen kadi seeditoo e kon ko ɓe wonunoo e faggitaade e geddi.

Aja (Korano eilutė): 66

وَلَوۡ نَشَآءُ لَطَمَسۡنَا عَلَىٰٓ أَعۡيُنِهِمۡ فَٱسۡتَبَقُواْ ٱلصِّرَٰطَ فَأَنَّىٰ يُبۡصِرُونَ

Si Men yiɗuno, Men mehayno gite maɓɓe ɗen, hara ɓe yi'ataa, ɓe adondira e laawol ngol, fii lummbitirgol ka Aljanna. Kono ɓe woɗɗondirii e ɗum, tawde gite maɓɓe ɗen mehaama.

Aja (Korano eilutė): 67

وَلَوۡ نَشَآءُ لَمَسَخۡنَٰهُمۡ عَلَىٰ مَكَانَتِهِمۡ فَمَا ٱسۡتَطَٰعُواْ مُضِيّٗا وَلَا يَرۡجِعُونَ

Si Men yiɗuno kadi, Men waylayno fii maɓɓe, Men femmpira ɓe koyɗe ɗen, hara ɓe hippataa sottude e nokku maɓɓe on: ɓe waawataa feƴƴude yeeso, wanaa fii yiltorgol ɓaawo.

Aja (Korano eilutė): 68

وَمَن نُّعَمِّرۡهُ نُنَكِّسۡهُ فِي ٱلۡخَلۡقِۚ أَفَلَا يَعۡقِلُونَ

Kala mo Men juutni nguurndam mun e yimɓe ɓen, Men yiltitiray mo ɓaawo. E ɓee kan haqqiltaa? ɓe annda aduna wanaa luttirde, ko saare laakara nden heddotoo?

Aja (Korano eilutė): 69

وَمَا عَلَّمۡنَٰهُ ٱلشِّعۡرَ وَمَا يَنۢبَغِي لَهُۥٓۚ إِنۡ هُوَ إِلَّا ذِكۡرٞ وَقُرۡءَانٞ مُّبِينٞ

Men anndinaali Muhammadu (jom kisiyee) gimɗi; ɗum haananaa mo, tawde o yahdaa e mun, sakko heɓon ka wi'on wonnde ko o yimoowo. Ko Men anndini mo kon wonaali, si wana jantoore e Qur'aanaare ɓanngannde taskoɗoo.

Aja (Korano eilutė): 70

لِّيُنذِرَ مَن كَانَ حَيّٗا وَيَحِقَّ ٱلۡقَوۡلُ عَلَى ٱلۡكَٰفِرِينَ

Fii yo jertinir nde, kala laatiiɗo wuuruɗo ɓernde, tawde ko on ɗon nafitorta nde. Konngol lepte ngol kadi jojja e hoore yedduɓe ɓen, tawde hujja nanngirii ɓe jippangol nde ngol, nde yottinee e maɓɓe. hujja woo heddoraaki ɓe, mo ɓe ngantinora.

Šiame puslapyje pateiktų ajų nauda:

• في يوم القيامة يتجلى لأهل الإيمان من رحمة ربهم ما لا يخطر على بالهم.

Ñalnde Darngal, Moƴƴere Alla nden feeñiranay muumini'en, ka ɓe miijortaa.

• أهل الجنة مسرورون بكل ما تهواه النفوس وتلذه العيون ويتمناه المتمنون.

Yimɓe Aljanna ɓen weltoroyay kala ko waalantoo wonkii, gite faalee, e ko yeletee.

• ذو القلب هو الذي يزكو بالقرآن، ويزداد من العلم منه والعمل.

Wuurɗo ɓernde, ko laɓɓinorayɗo Alqur'aana, e ɓeydora janngugol nde gollitira.

• أعضاء الإنسان تشهد عليه يوم القيامة.

Tere neɗɗo on, ɗe seeditoyto e makko Ñalnde Darngal.