Reikšmių vertimas Aja (Korano eilutė) 74 Sūra Sūra At-Taubah - الترجمة الفولانية للمختصر في تفسير القرآن الكريم - Kilniojo Korano enciklopedija

Aja (Korano eilutė): 74

يَحۡلِفُونَ بِٱللَّهِ مَا قَالُواْ وَلَقَدۡ قَالُواْ كَلِمَةَ ٱلۡكُفۡرِ وَكَفَرُواْ بَعۡدَ إِسۡلَٰمِهِمۡ وَهَمُّواْ بِمَا لَمۡ يَنَالُواْۚ وَمَا نَقَمُوٓاْ إِلَّآ أَنۡ أَغۡنَىٰهُمُ ٱللَّهُ وَرَسُولُهُۥ مِن فَضۡلِهِۦۚ فَإِن يَتُوبُواْ يَكُ خَيۡرٗا لَّهُمۡۖ وَإِن يَتَوَلَّوۡاْ يُعَذِّبۡهُمُ ٱللَّهُ عَذَابًا أَلِيمٗا فِي ٱلدُّنۡيَا وَٱلۡأٓخِرَةِۚ وَمَا لَهُمۡ فِي ٱلۡأَرۡضِ مِن وَلِيّٖ وَلَا نَصِيرٖ

Naafiqiiɓe ɓen hino woondira Alla fenaande : wonnde ɓe wowlaali ko yottii maa kon e yennoore e aybineede diina ma immorde e maɓɓe.Gomɗii le ɓe wowlii kon ko yotti maa fii maɓɓe ko no heefrɗina ɓe.Ɓe feññini keeferaaku ngun ɓaawo nde ɓe gomɗinnoo.Ɓe himmiri koɓe heɓaali e warugol Annabiijo on (yoo his).Ɓe añiraali huunde si wanaa ko añinaaki:nden woni ko Alla moƴƴorii e maɓɓe kon alɗinirgol ɓe konohoyri ndin ndi O neemini e Annabiijo Makko on.Si ɓe tuubanii Alla ɓe yaltii e naafiqaaku,ɗum wonanay ɓe moƴƴere e dii heddagol e mun.Si ɓe huccanii non tuubangol Alla ngol,O leptiray ɓe lepte muusuɗe warugol dahe e aduna e lepte muusuuɗe ka Yiite laakara. Giɗo woo alaaa ɓe mo no solnana ɓe daɗnde ɓe e lepte ɗen, wanaa kadi ballo duñanoowo ɓe ɗen lepte.

Šiame puslapyje pateiktų ajų nauda:

• وجوب جهاد الكفار والمنافقين، فجهاد الكفار باليد وسائر أنواع الأسلحة الحربية، وجهاد المنافقين بالحجة واللسان.

Hino waɗɗii haɓugol heeferɓe ɓen e naafiqiiɓe ɓen. Heeferɓe ɓen ko juuɗe ɗen haɓirtee e kala noone e aalaaji hare. Naafiqiiɓe ɓen haɓiree hujja e ɗemngal.

• المنافقون من شرّ الناس؛ لأنهم غادرون يقابلون الإحسان بالإساءة.

Naafiqiiɓe ɓen ko jeyaaɓe e ɓurɓe bonnde e yimɓe ɓen; tawde ko ɓe hodooɓe yoɓraybee moƴƴere nden bone.

• في الآيات دلالة على أن نقض العهد وإخلاف الوعد يورث النفاق، فيجب على المسلم أن يبالغ في الاحتراز عنه.

Aayeeje ɗen hino tinndina wonnde firtugol lunndoo ahadi hino ronina naafiqaaku. Hino waɗɗii ko juulɗo on fantinta reenagol e ɗum.

• في الآيات ثناء على قوة البدن والعمل، وأنها تقوم مقام المال، وهذا أصل عظيم في اعتبار أصول الثروة العامة والتنويه بشأن العامل.

Aayeeje ɗen hino manta fii tiiɗugol ɓanndu e golle, e wonnde ɗin no daro darnde jawdi. Ɗum ko lasli mawɗo e teskaade iwdi jawdi holla hitte golloowo.